Isaya 1:23 - Bible en Guidar

²³ Ɗiy gugriɗ nok mitemtiŋgə, met təp dit məhelɗeŋgeŋ, naway pak tay əŋgla zəga na mekeleŋ, tahəŋ əzban zəga naɗɗa soko, aɗɗaŋ təstəs sən mitiwe ɓa, wən nat gagəbay awgepit ɓa.

Isaya 1:23 ပူးပေါင်းရင်းမြစ်များ

2Alabaraɗe Də Mabərkiziti 36:14

Vaska'e deyeɗe net məsdəlveŋge dit ɗiy pak asokənən zit əraygən mahenziŋ, va zəga daryaw net ɗiy-ɗar neki, arnokonənək gəla na Yawe məs awel a Yerusalem naka.

Əgilye 23:8

Kədawtaf zəga na makaryam ɓa, vi zəga na makaryam awtip hara ɗəf dawla moggoni, awraygən wən net ɗiy en təstəsə.

Wənməkkpaŋga 17:23

Ɗəf mbərayən dədawtaf zəga na makaryam mahaɗama, vi kamzlahgən wən səka təstəsə.

Wənməkkpaŋga 29:24

Duɗakan zəga də məhãla na, kizən azeli; asənək mefɗeke nakani ya dəssak ɓa.

Isaya 1:17

Məyagan əɗɗa moggoni, məkayan təstəsə, mətak ma məppət ɗiyi, məgəɗ təstəs sən mitiwe, mətərət gagəbaya.

Isaya 1:18

Mide, mətawangəni, Yawe anahə. An mambray nokum tay ɗiwɗiwi, wakkpaŋ babar ndasl va ɓeɓrezlerizze. An tay pəreŋ va gozoy, wassan babar va helege na ngərayã.

Isaya 1:22

Təbəz babar nok akkpaŋgək va pəlu movoto, mbazla nok akkpaŋgək iŋkile iŋkile.

Isaya 28:14

Məprəm an Yawe anahə: mənokum ɗiy məmasaŋ aka ɗəfa, deyeɗe net ɗiy na Yerusalem əŋki,

Isaya 3:14

Yawe atoŋguk ətawwən aket ɗiy misɓet net ɗiy nani gəm deyeɗe: mənokumtə kəzletin megezlembirkeɗi; gəleɗe nokum tahəŋ mbe'mbe' də zəga an kəhalaŋ səvet məssehẽŋɗe.

Isaya 30:1

Yawe aɗiyman na: əray aket kirin məɓoŋti! Minaŋ wən məza dəde səzaw ɓa; minaŋ wənmiyna, məs tay addəv əɗɗum naw ɓa vi kakkalan mambray aka mambraya.

Isaya 33:15

Ɗəf məzədaw də wəɗɗa an təstəs gəm məzəpel sarara məzuzelən wən na vərum məzəɓoŋ dawtaf zəga na mekeleŋ məzəsuk sləman vi adaprəm wən na əbay gəbay ɓa məzəɗup haran vi adawla mambray ɓa.

Isaya 5:23

Tay əkaŋ wən ammba məsdaraw vi adawrəhaŋ zəga na mapalay səvani, tay əgayaŋ ka təstəs net ɗiy en dəɗɗaŋ zəga ta'sa ɓa adawla ɓa.

Isaya 65:2

Nətələk vaw pay pak kəlazet ɗiy məɓoŋti, məzəzbanən tive məza moggoni ɓa əzban əɗɗum neti.

Yeremiya 22:17

Ya nok horok də mokrok pak aka ərəh noki, gəm aka əggbo' mbel net ɗiy en də mazlibezlibe na meti, aka əsər met ɗiyi gəm aka əɗɗa darawi yi.

Yeremiya 32:32

aka mambray an mə Israyelɗe gəm mə Yudeɗ aɗɗaŋ nawdan su gədəvwa, ndəɗaŋ, milyeŋge neti, ɗiy gugriɗ neti, məsdəlveŋge neti, məskəleŋɗe net dit ɗiy na Yuda gəm en na Yerusalem.

Yeremiya 4:17

Va məgaɗe na gulyo tahəŋ kiyən karkarə. Vi məɓoŋni akawa Yawe aɗiymani.

Yeremiya 5:5

Dəɗah naw nəmmbat azet ɗiy gugriɗe, əpel dənɗaŋgə: vi net asənnənək tive na Yawe, asənənək ətawwən na Maŋgəlva neti. Mbaraka net pak: Aŋzluwənək zuk na ma wəleti aɓuhunək helege an diyneti.

Yeremiya 5:6

Vini ɓoolu siddivit wəleŋɗe asil aket op, kəramuyã sura aboŋgeti. Balgam adasivu walaŋgəleɗe gugriɗ neti kawbakani ɗəf an dəgil səddəvən pakə, vi əɓoŋ net diyɗa yi, əppan Maŋgəlva net anzlərka.

Ezekiyel 12:2

«Wətən ɗəfa, a weleŋgit ɗiy məɓoŋgit kəsoko; heret nawla tay, ya awlaŋ ɓa, sləmet naprəm tay, ya aprəmaŋ ɓa, vi məɓoŋtiŋgə.

Ezekiyel 22:27

Ɗiy gugriɗ naddəvən tahəŋ va kirɗemuyã məzupuwenin sluwa, əggbo'oŋ mbel kawzet ɗiyi vi kawnda arya neti.

Hose'a 4:18

An abaynənək ma əsa mbazla net na, aza polkoyo adawtoŋgoŋgu. Deyeɗe net ərba wil aŋglaŋgə.

Hose'a 5:10

Deyeɗe na Yuda, ɗiy mədderenən met meŋgeŋgə; wanəgbo' herɗe naw aket va əggbo' iŋkile.

Hose'a 9:15

Mambray net pak arbanək zən a Gilgal: vi aski nəzele; aka mbərayən na wəza neti wanərɓehet siŋgil anawda, niŋgliw na əmpa ɓa; deyeɗe net pak məɓoŋtiŋgə.

Amos 5:12

Ya nəsənka, əɓoŋ nokum diyɗa yi mambrayɗe nokum aŋɗaŋ ɓa: məzusərnən ma ɗəf an təstəs kənanaŋgə, mətafaŋ zəga aka əbit ɗəf kənanaŋgə. Mənokum əɗɗa ka wən dərmegin məzurayɗe aka ətawwəna.»

Mika 3:11

Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Mika 3:9

Kamə məprəma mənokum deyeɗe na Yakob, gəm mənokum mətawaŋwən na Israyel. Mənokum məzeleŋ təstəsə gəm məslokoron təstəsə.

Mika 6:12

Məs aryeɗ na walaŋgəla-metiŋ aknahaŋgə də daraw ɗiy nan tahəŋ uwawəna, a beret na, hərzlumit na tepelke yi.

Mika 7:3

Vet tay əɗɗa zəga daryawə. Kaɗɗa moggon na, ɗiy gugriɗ tay əŋglaŋ zəga, Mətawaŋwən na vi kawrəha, ɗiy gagdakɗe tahəŋ əpel vi kaknahan əsim zəga neti, gəm tay əzəmaŋ kiyit ɗiyi.

Zakarya 7:10

Kədawsərnən met may gagəbaya, mitiwe molhõyõ gəm məssahã ɓa; kədaɗɗumoŋ naɗɗa mbərayən a mokrokum aka məlmukum ɓa.»

Malakiya 3:5

Wanədder azzokum vi kawtaw wəna. Wanəsaw məziwe nawgəm zən əpel aket məɗɗaŋ tetele, aket məkuwa a gizbe, aket əswayɗe na tepelke, aket ɗiy məzutakən hanza na məgəɗ wəza, nat gagəbaya gəm na mitiwe, məzəzəmgənən sahã na molhõyõ gəm en awgeslne'eŋ suwən ɓa, Yawe Məzuɓappak anahə.

Əŋɗa 22:7

Ɗiy məsɓet na Mo'ab dit en na Madiyan, mbataŋ kan də zəga evet nawfaɗ sən məwəl helig vani. Səza agapaŋ ana Balam da na, aman sənənək əpel na Balak.

Matiye 21:13

Aɓsit na: Məverni na: Kawyani Gəla naw na, gəla nakkama, yaŋ nokum kəkkpaŋganən ka bətəŋ net məvoŋgoŋ tive.

Markus 11:17

Agəɗək əyak sit ɗiyi aɓsit na: Nam na məverni na: Kawyani gəla naw na gəla nakkam viyit ɗiy pakə ɓa sa? Yaŋ nokum kəkkpaŋganən ka bətəŋ net məvoŋgoŋ tive.

Luka 19:46

aɓsit na: Məverni na: Gəla naw na gəla nakkami, yaŋ nokum kəkkpaŋganən ka bətəŋ net məvoŋgoŋ tive.

Luka 24:27

Yaŋ aboton sit zəgeɗ en naɗɗa akan səddivit ɗerewelɗe pakə, təŋ səza Moyis hã gap azet məskəleŋɗe pakə.

Əmsak aka Mahenziŋ 16:19

Kəda əvovyokon wətawwən ɓa; kədawɗeket ɗiy ɓa, kədataf zəga na makaryam ɓa, vi zəga na makaryam awtip hara ɗəf dawla moggoni, awraygən wən net ɗiy en təstəsə.

Yakob 1:27

Aba Maŋgəlva Afən na, əzba an dəslə yaŋka: əzga sləma aket mitiwɗeŋge gəm aket gil net gəbayɗe addəv əzəmsãhã neti, gəm ətaɗ kizə ɗəf ka adawraygən zən dit zəgeɗ negge ɓa.

1Samiyel 8:3

Kirtin dəgəmnən tələn ɓa. Heret ɗəhərra ammba wərəha, wətafaŋ zəga na makaryam, wədoɗonən wən nawtaw sarra.