Isaya 1:2 - Bible en Guidar

² Disiŋ, aprəma! Dəlvafuŋ, apak sləmoko, ha'aw Yawe dəpeli: Nəɓaygitik kirni akkpaŋgaŋgək ɗiy gugriɗe yas net aɓoŋgoŋ akawa.

Isaya 1:2 ပူးပေါင်းရင်းမြစ်များ

2Milyeŋge 21:22

Appanək Yawe Maŋgəlva net efiŋgiɗni, dədaw aka tive na Yawe ɓa.

Gəlyaɗe 49:1

Səza daya net məyaŋgəlya. Gəlyanalva net kirtin Kore.

Gəlyaɗe 50:4

Ayak disiŋ sə disiŋ gem dəlvafuŋ ka miziwweɗe vi kawtawwən aket ɗiy nani.

Isaya 30:1

Yawe aɗiyman na: əray aket kirin məɓoŋti! Minaŋ wən məza dəde səzaw ɓa; minaŋ wənmiyna, məs tay addəv əɗɗum naw ɓa vi kakkalan mambray aka mambraya.

Isaya 30:9

Ɗiy mətemtiŋgə, kirin muwaŋ wənəŋgə, məs aprəmən mahenziŋ na Yawe ɓaŋgə.

Isaya 31:6

Məmndoŋ aza ɗəf məs kuktuhun dəɓokum səni mə Israyelɗe.

Isaya 34:1

Ɗiy naket dəlveŋge məzar aŋka vi kaprəma; vanday məpak sləmokum. Dələv də an dəknah pakə waprəma gəm ənziya egge də an adawa pakə.

Isaya 63:16

Vi istə afəmə, Abraham dəsənəm ɓa, Israyel dəsənəm ɓa; is Yawe tə afəmə, is məs adawyukun far na Məzukõhgəmə.

Isaya 65:2

Nətələk vaw pay pak kəlazet ɗiy məɓoŋti, məzəzbanən tive məza moggoni ɓa əzban əɗɗum neti.

Yeremiya 13:15

Məprəmə, məpak sləmokum, kədaɓɓəlanən kiykum ɓa, vi Yawe tay əpele.

Yeremiya 22:29

Dəlva, dəlva, dəlva aprəm əpel na Yawe.

Yeremiya 3:22

«Məmil azawa, kirin kiyɓəɓəlɗe, wanəmbəlgukum səka ma sula sula nokum!» «Mənam yakəŋkə, midek azoko, vi istə Yawe, Maŋgəlva namə.»

Yeremiya 31:9

Də əhəm adazzoŋgu, addəv əɓuh met nədawketi. Wanəke emet iŋkile a məlpa dəka tive an sarara, askotoŋ na akan ɓa vi intə afən Israyel Efrayim yi Tizi nawa.

Yeremiya 6:19

Dəlvafuŋ aprəma: Wanəki tatwãh aket ɗiy sən əɗɗum net mbəraynəŋka. Dəzgaŋ sləma aka əpel naw ɓa, azeleninik mahenziŋ nawa.

Ezekiyel 24:3

Apel wənməkkpaŋga aket ɗiy məɓoŋtiŋki; kənah sitgən na: Vaŋki Daya Yawe anahə: Akrək mesteɓe, akrəka; azi iŋkile addəvni.

Ezekiyel 36:4

Vini yi, mossorgoɗe gugriɗ na Israyel, məprəm əpel na Daya Yawe: An Daya Yawe anah yaŋ sit mossorgoɗe gugriɗ gəm sit mossorgeɗe dit lolohõɗi, sit walaŋɗe dit kiyməskiyɗe hoŋhoŋgu gəm walaŋgəleɗe gugriɗ məppet məs dəkkpaŋgaŋ ka zəga nawmõhẽt də əmas aket azet ɗiy-ɗar meɓɓet məs dəkaraŋ kiyti.

Amos 3:1

Mə Israyelɗe gəm məlma bayman məs Yawe agilgit səka dələv na Eziptə, məprəm əpel nan akokum, dawnəh na:

Mika 1:1

Əpel na Yawe sən Mika ɗəf na Moreset aka pay na Yotam, Akaz, Hizkiya, milyeŋge na Yuda. An awəl aka wən na Samari gəm Yerusalem yaŋka.

Mika 1:2

Mənokum ɗiy pakə, məprəma; dələv də an dəknahuk pak agəɗ maɗɗula! Yawe Maŋgəlva miziwe narban an kəɗɗaŋ hã səddəv gəla nan salala.

Mika 3:8

Ya naw dərəŋ na, əmpəs na Yawe aknahwək də gbogboŋgo, də təstəsə gəm də gurom nərban səngən əɓoŋ na Yakob gəm nərban səngən mambray na Israyel.

Malakiya 1:6

Wəyin wagagdakan afəni, məgəɗ wəza tamə daya nani. Ya, an afən wəyin nan na, ngay gagdak naw di? Ya an daya nan na, ngay əɓe' kədawɓe'eŋ suwən di? Yawe Məzuɓappak anah sukum mənokum məsdəlveŋge məzuzelenən iya nawa. Mənokum tat ənahaŋ na: «Mbarmbar məzelen iya nok di?»

Wəza net Masləŋɗe 4:20

Vi nam məɓap na əmsan mam məpel na aket zəgeɗ məwələ dit en məprəm ɓa ɓa.

Əmsak aka Mahenziŋ 1:31

Gəm va kulanən Yawe Maŋgəlva nokum aslokum a kapta-muyã va ɗəf adawslan wətəni, tive kədawaŋ pak hã mənokum gap a təkiyəŋka.»

Əmsak aka Mahenziŋ 30:19

Dəpaŋ in tat əgəm disiŋ də dəlvafuŋ ka miziweɗe akokum: zeŋgile də əmta gəm wəzaɓ də əray nəɗi abokum. Dəɗah muwel zeŋgile, kəssoŋgən madorokum mənokum dit kirtukum,

Əmsak aka Mahenziŋ 32:1

Disiŋ, apak sləmoko, wanəpeli, dəlvafuŋ, aprəm an nədawpele.

Əmsak aka Mahenziŋ 4:26

ya dəpaŋ na nəɗiyik disiŋ də dəlvafuŋ dəkiyaŋ suwəngən wən akokum: Ɓo' way ta' wakəzaŋ də kakara səka dələv kədaggaraŋ ki Yurden kawmõhən ka nokuməŋka, kənziyaŋ na diyɗa adak ɓa: kawzokumi kakãhə.