Isaya 1:17 - Bible en Guidar

¹⁷ Məyagan əɗɗa moggoni, məkayan təstəsə, mətak ma məppət ɗiyi, məgəɗ təstəs sən mitiwe, mətərət gagəbaya.

Isaya 1:17 ပူးပေါင်းရင်းမြစ်များ

Gəlyaɗe 34:14

Ataɗ hərzlumuk səza mbərayən, gəm metteɓ mok səza uwawəna.

Əgilye 22:21

Ga gəbaya də mitiwe pak kəzəmgitin sahã ɓa.

Wənməkkpaŋga 15:25

Yawe gəla net məzuguzloɗe adabzla, ndən əziwgin meŋge na təki nat gagəbaya.

Wənməkkpaŋga 21:3

Əɗɗa an də tiven gəm təstəs Yawe aŋgəl day ki əzaɓ-Maŋgəlva.

Wənməkkpaŋga 31:9

Akol moko, atawwən də təstəsə, ahãy aka wən na məzuraya gəm məssãhã.

Isaya 1:23

Ɗiy gugriɗ nok mitemtiŋgə, met təp dit məhelɗeŋgeŋ, naway pak tay əŋgla zəga na mekeleŋ, tahəŋ əzban zəga naɗɗa soko, aɗɗaŋ təstəs sən mitiwe ɓa, wən nat gagəbay awgepit ɓa.

Isaya 10:2

Vi kawɓoŋ sit məssehẽŋɗe dawtaw wən net təstəsə, ka kawtak təstəs net məssẽhẽŋɗe naret ɗiy nawa. Ka gil net gəbayɗe dəssoŋgən ka zəga nawrəh na mawgay ka neti gəm keppit mitiweɗi.

Isaya 56:1

Vaŋki Yawe anahə: Mərma an dəslə, məgəɗ an təstəsə, vi wəkõh naw go'oy əzzani. Təstəs naw warbə.

Isaya 58:6

Aŋki əɗɗa meme an nəŋgələ, əpil ngiyamɗe səka tilit ɗiy məs miynet na Darawə. Əpəl helegeɗ sulet ɗiy məɓrukit dəssoŋgən də meti, wənzlu zuk səma wəleti.

Yeremiya 21:12

Zev Davit: An Yawe anah yaŋka: Aza va addaŋ pak məgəɗ moggoni. Məmõh məs adappətaŋ səmmba va məzəppətni. Vas ɓa na ədagədəv naw wagil va offo məzuzla, məza ɗəf tay namtan ɓa, vi wəza daryaw nokum.

Yeremiya 22:3

An Yawe anah yaŋka: Məgəɗ təstəsə gəm an sarara, məmõh ɗiy en adappətaŋ səvet məzəppitetini. Kədawzəmgənən sahã na molhõyõ, mitiwe gəm gagəbay ɓa, kədaɗɗaŋ gəgay ɓa. Kədawbayən ɗəf də mazlibezlibe na man a təkiyəŋ ɓa.

Yeremiya 35:15

Nəbew dawslən sukum məskəleŋɗe məɗɗaŋ wəza naw pak azokum ɓa, əslinit dawnəh na: Ɗəf pak dəmil səka tive nan mbərayən, dəzaɓan wəza nan moggoni. Adazbet meŋgilveɗ meɓɓet kawgəɗ sit wəza ɓa. An kətafənka wakəssoŋ də gəla aka dələv məs nəpsukum anokum gəm sit efiŋgiɗkum. Ya kəpakən sləmokum ɓa, kəprəmwən ɓa.

Ezekiyel 18:31

Məndol əɓoŋ nokum məs kəɓoŋgoŋ pak səkokum; məkkpaŋgan mokrokum meleketeni, maɗɗula meleketeni; vimi kəŋglaŋ əmta di ɗiy na Israyel?

Ezekiyel 22:7

Tay əzeletin may efit dət met anokda; tay əsərnən ma molhõyõ anokda, tay əsərnən met may mitiwe dət gagəbay anokda.

Ezekiyel 45:9

Vaŋ Daya Yawe anahə: Məki, deyeɗe na Israyel! Məppan gagay də əmõhẽt ɗiyi, məgəɗ an dəslə gəm an təstəsə; məppan əmõhẽt ɗiy nawa, Daya Yawe aɗiymani!

Daniyel 4:27

məlĩ agəmək əpele anahək na: Aŋ Babilon metiŋgin məs nərkə də gbogboŋ gəm də wəɓap naw sən gagdak na məlĩ nawəŋki ɓa sa?

Mika 6:8

Mənah suki an dəslə is ɗəfa, an Yawe adawkayan azok na: zəga mbərni balsən wəɗɗa təstəsə əŋgla moggoni əsla zuk ədaw də Maŋgəlva noko.

Sefanya 2:3

Məkayan Yawe, mənokum məzurayɗe naka dəlvafuŋ, məzəɗɗaŋ wəza də an agəɗə; məkayan təstəsə, məkayan əɓe'gən kiya, kuzuŋ wakəɗamaŋ aka pay nawda gədəv na Yawe soko.

Zakarya 8:16

Wən an kədaɗɗaŋ yaŋka: ɗəf pak dəpel wən gesiŋ sən galani; addəvit gəleɗe nawtawwən nokum, a memeŋgleɗe net walaŋgəleɗe gugriɗ nokum, mətawwən təstəs nawki zazaya;

Əmsak aka Mahenziŋ 14:29

Mə levi dədegini, vi nan tay də hara dələv nan də is ɓa, may molhõyõ, mitiwe, gagəbaya, na walaŋgəla-metiŋ noko, dəzəmaŋgən kpe'i, vi Yawe Maŋgəlva nok dəɗɗagən əzaɓ akok addəv an kədaɗɗa pakə.

Yakob 1:27

Aba Maŋgəlva Afən na, əzba an dəslə yaŋka: əzga sləma aket mitiwɗeŋge gəm aket gil net gəbayɗe addəv əzəmsãhã neti, gəm ətaɗ kizə ɗəf ka adawraygən zən dit zəgeɗ negge ɓa.