Isaya 1:16 - Bible en Guidar

¹⁶ Məslslayə, məbbur zukum, məzargən wəza mbərayən nokum sə maharawa, məppan əɗɗa mbərayən.

Isaya 1:16 ပူးပေါင်းရင်းမြစ်များ

2Milyeŋge 17:13

Yawe, akol sit slemet mə Israyelɗe dit mə Yudeɗ də met məskəleŋɗe gəm məzulaŋ pakgit, dawnəh na: «Məmil səka tive nokum mbəraynəŋka, mərme wəsəɓɗe nawa, wəzga'ɗe naw va mahenziŋ an nəɗi sit wən nan sit efiŋgiɗkum, gəm nəgapgən sukum də met məɗɗaŋ wəza naw məskəleŋɗe.»

Gəlyaɗe 26:6

In tat əɗɗa vaw karban na maw bartatay yi, in tat əsulək ki matuya noko, Yawe,

Gəlyaɗe 34:14

Ataɗ hərzlumuk səza mbərayən, gəm metteɓ mok səza uwawəna.

Gəlyaɗe 37:27

Aɓaŋga faraɗa səza mambraya, agəɗ moggoni, wakəsok hã faɗə,

Gəlyaɗe 51:2

Gala məskəleŋ Natan ambat azan na, Davit avoŋgətək Betsabe səkay.

Wənməkkpaŋga 21:3

Əɗɗa an də tiven gəm təstəs Yawe aŋgəl day ki əzaɓ-Maŋgəlva.

Wənməkkpaŋga 4:27

Kədamzlah səkan dəka dəzəŋ may dəka zlaɓay ɓa. Amzlahgən təluk səka mbərayən.

Isaya 52:11

Məddoŋgu, məddoŋgu, migil siske! Kədawrəŋgənən zəga mərnokun ɓa. Məgil səddəvən. Məbbur zukum mənokum məsletin zəgeɗ na wəza na Yawe.

Yeremiya 18:11

Kakaŋ na, anah sən ɗəf na Yuda pak dit en na Yerusalem dawnəh na: Vaŋki Yawe anahə: In yakəŋ əki əray akokum, niynanək an nədawgəɗ sukum, ɗəf pak dəmil səka tive nan mbərayən. Məzaɓan ədaw nokum də wəza nokum moggoni.

Yeremiya 25:5

Anahaŋ sukumənək na, kamə ɗəf pak dəmil səka tive mbərayən nani gəm səka wəza nokum mbərayən, kəssoŋgən faɗ aka dələv məs Yawe apsukum gəm sit efiŋgiɗkum farfar hã faɗə.

Yeremiya 26:3

Kuzuŋ waprəməni ka ɗəf pak dəmilgin səka tive nan mbəraynəŋka. Asna wanəppan an niynan nawki tatwãh aket vi wəza mambray neti.

Yeremiya 35:15

Nəbew dawslən sukum məskəleŋɗe məɗɗaŋ wəza naw pak azokum ɓa, əslinit dawnəh na: Ɗəf pak dəmil səka tive nan mbərayən, dəzaɓan wəza nan moggoni. Adazbet meŋgilveɗ meɓɓet kawgəɗ sit wəza ɓa. An kətafənka wakəssoŋ də gəla aka dələv məs nəpsukum anokum gəm sit efiŋgiɗkum. Ya kəpakən sləmokum ɓa, kəprəmwən ɓa.

Yeremiya 4:14

Askoɓ mbərayən sə mokroko, Yerusalem, vi kəkõhgəni. Hã gap dehey kədappan əɗɗum nok mbəraynəŋ di?

Amos 5:15

Məzel mbərayən, məŋglu moggoni. Məziwgin wən də tiven a təki ətawwəna, Asna kuzuŋ, Yawe Maŋgəlva Məzuɓappak, wawəlsahã aket mambirgit kirtin Yosef soko.

Yonas 3:8

Ɗiy dit zəgeɗ memeyẽɗ dəguloŋ lukut na taɓak. Ɗəf pak dəɓuh man sən Maŋgəlva zən soksoku, Naway pak dəppaŋ wəza mbərayən nani gəm gagay nazani.

Zakarya 13:1

Pay nan na, met iŋkile wakol sən zev Davit gəm sit ɗiy na Yerusalem ka naskoɓ mambray net də haramba neti.

Zakarya 7:7

Aski əpel an Yawe anah də met məskəleŋɗe far pay Yerusalem asan fendeŋ, walaŋgəleɗe gugriɗ nan kiyən tərwəslə, Negev də dələv na Bagərəm məknihit dit ɗiy addəvit ɓa sa?

Matiye 3:8

Məgəɗ wəza an narban na kəɗiyaŋgək marava:

Wəza net Masləŋɗe 22:16

Ya mi kədawga kakaŋ di? Asili, ataf baptem gəm əskoɓ na mambray nok də iya nani.

Roma 12:9

Əŋgla nokum adawsan də muluvuluvu ɓa. Məzel mambraya, mətip aza moggoni.

2Korintus 7:1

Adan mənam tat də iynama vas na bayneŋgiɗwa, məbbur səm zəm səza ərnok na gəɓa zəm də an na əmpəs pakə, məsok səm zəm əssa salala gərrak addəv geslne na Maŋgəlva.

Yakob 4:8

Məzar aza Maŋgəlva nan pak wazar azokum. Məɗa vokum səza mambraya, məskoɓ mokrokum munokum muluvuluvuɗe.

1Piyer 2:1

Vi vaski məppan mbərayən pakə, əmbəɗan ɗəfa, muluvuluvu, kotoroku gəm əpel mbərayən aka ɗəf pakə.

1Piyer 3:11

Dəppan mbərayən gəm dəgəɗ moggoni, dəkayan əssa zay zən soksoku.

Hənhən 7:14

Nəzlan sənək na: Daya nawa kəsənka! Aɓsu na, ndəɗaŋgəŋ ɗiy məs dəgilyoŋ səddəv əzəmsãhã metiŋgini. Askoɓunik lukutɗe neti, azzoretinik lukutɗe net addivit mbel nat ndargayãk kpaŋgaŋ babarɗe.