Isaya 1:11 - Bible en Guidar

¹¹ Mi nədaɗɗa də Maŋgəlva nokum kədawzaɓaŋ diyɗaŋ di? Yawe amna. Nəbək də əda əvəl nawzla kurmbuɗuk net timeŋgiɗi gəm səlhã net zəgeɗ memeyẽɗ mikirti. Mbel net medgeɗgeɗe, net timeŋgiɗi gəm net murgoŋɗe tay nek azaw ɓa.

Isaya 1:11 ပူးပေါင်းရင်းမြစ်များ

Gəlyaɗe 40:6

Sekeneɗ dit wəzeɗe kərəm naɗɗa viməŋ na, diyɗaŋgə Yawe Maŋgəlva nawa! Ɗəf tay nawslan də is ɓa. Wanətəl ma, wanəpel wən neti, vi diyɗaŋgə, adayaŋgək ki naŋɗa.

Gəlyaɗe 50:8

Aka əzaɓ-Maŋgəlva nok nədawhõyok ɓa, əvəl nawzla kurmbuɗuk nok tay tepelle abawa.

Gəlyaɗe 51:16

Akõhgu səzet mbeli en nəggbo'u Maŋgəlva, Maŋgəlva məkõhguwa; hərzlumu dəpelgən təstəs noko.

Wənməkkpaŋga 15:8

Əzaɓ-Maŋgəlva net məsdarawɗe daryawi ara Yawe, əkkam net ɗiy en təstəs na, neki azani.

Wənməkkpaŋga 21:27

Əzaɓ-Maŋgəlva məsdarawɗe azaɓaŋ pak daryawi yi, səsak an akiyənək də əɗɗum mbərayən.

Wənməkkpaŋga 21:3

Əɗɗa an də tiven gəm təstəs Yawe aŋgəl day ki əzaɓ-Maŋgəlva.

Isaya 58:2

Aza əvoŋ pak tahəŋ ədder azawa, aŋglaŋ dəsənnəngən tive nawa va ɗiy məzəɗɗaŋ miyi pak də tiveni. Va ɗiy məs dəzganən an Maŋgəlva ataw naɗɗa ɓa. Tahəŋ əttokowən an Maŋgəlva aziwgini, aŋglaŋgək Maŋgəlva dəsangən go'o azeti.

Isaya 66:3

Mətaw wəla wasliya, tay əbay ɗəfa; məzaɓ-Maŋgəlva də wət time, aŋzləwək wəla kəra; məgəɗ su əvəla, avəl suwək də mbel na vedem; məs dəzlə su tursan, tay əki əzaɓ aka mbərayən. Net aweleŋgik tiveɗ neti tahəŋ ənnekeŋ də wəza net daryawɗeski,

Yeremiya 6:20

Mi tursan na Saba adawtər su gəm kevile məffok nek naka dələv faraɗa di? Əvəl nawzla kurmbuɗuk nokum tay əmbat su ɓa əzaɓ-Maŋgəlva kədawdaŋ tay nek azaw ɓa.

Yeremiya 7:21

Aŋki an Yawe Məzuɓappak, Maŋgəlva na Israyel anahə: Məsapan əvəl nawzla kurmbuɗuk nokum aza əzaɓ-Maŋgəlva nokumu, məmpər slu nani.

Hose'a 6:6

Ulasahã nəŋgələ, əzaɓ-Maŋgəlva yi ɓa, gəm əsən Maŋgəlva nəŋgəl dayki əvəl nawzla kurmbuɗuku.

Hose'a 8:13

Azaɓaŋ suwənək Maŋgəlva temtemi, ndəɗaŋ əzəm slu nani, Yawe dətef ɓa; kakaŋ na tay əɗɗumon heslepe neti, tay ətawwən aka mambray neti. Wamilyoŋ a Eziptə.

Amos 4:5

Məzla peŋ mədan də wuɗo ka əzaɓ-Maŋgəlva naɗɗa soko! Mətəlma na əvəl an də makra, məprəman siti, vi vaski kəŋglaŋ mənokum mə Israyelɗe.» Yawe Maŋgəlva aɗiymani.

Amos 5:21

Nəzelke, maw tay aket wəzləreɗ nokum ɓa, miŋginit əkkalɗe nokum tay akaw nek ɓa.

Amos 5:22

An mənokum tat əkiyaŋ suwən əvəl nawzla kurmbuɗuku gəm əzaɓ-Maŋgəlva nawrəh zazay na, nawnan nek ɓa. Nawla aza əzaɓ-Maŋgəlva kədawzaɓaŋ dit zəgeɗ memeyẽɗ nokum məkiritiŋ ɓa.

Mika 6:7

Yawe watef timeŋgiɗ məza anɗaŋ ɓa gəm mẽl diyɗa va məlpa sa? Nəpsən tizi naw ka dəvvuyongən əɓoŋ naw sa? Gəm uwa naddəvu aka mambray naw sa?

Haggay 2:14

Hagay azlanəka amna: «Vaskəŋ ɗiyəŋki, vaski dəlvəŋ assani Yawe aɗiymani. Vaski zəga an adaɗɗaŋ də veti, an adawkiyaŋ suwən pak də heslepe yi.»

Zakarya 7:5

Anah sit ɗiy naka dələv pakə, gəm məsdəlveŋge dawnəh na: «Gala kəɗɗaŋ meme, kəɓuhnən mokum aka təla masle'en də mabuhuloni, əzva kaklaw buhul kəɗɗaŋ meme, suwi kəɗɗaŋ meme van gesiŋ sa?

Malakiya 1:10

Naway sə walaŋkum namsan maddamba vi kədasɗaŋ offo aka matuya naw ɗar mekeleŋ ɓa di? Zu tay nek də mənokum kpak ɓa Yawe Məzuɓappak anahə. Ya nətaf na əvəl səvokum ɓa.

Əŋɗa 7:45

Medgeɗge taka, ndargayã taka, time taka məs wəzva taka ammba əvəl nawzla kurmbuɗuku.

Matiye 22:4

Yaŋ aslən belemɗe meɓɓet dawnəh na: Mənah sit ɗiy məyet na: Mətawi wəlet medgeɗgeɗe dit zəgeɗ memeyẽɗ məkərti zəga nawzəm pak mədani. Zəga pak məzaɓani, məde a wəzləra.

Matiye 9:13

Məddoŋ məyagan an dəɗam addəv wənəŋka, ulasahã nəŋgələ, əzaɓ-Maŋgəlva yi ɓa. Vi naw nəde vi kawye ɗiy en salala ɓa, abbər ɗiy mbəreyit ɓa.

1Samiyel 15:22

Samiyel amna: «Əvəl nawzla kurmbuɗuk də an nawda Yawe aŋgəl day ki əprəm ma Yawe sa? Vaski ɓa! Əprəm ma aŋgəl day ki əzaɓ-Maŋgəlva, əɓe'gən kiya day ki səlhã net ndergeyẽɗi.