Isaya 1:10 - Bible en Guidar

¹⁰ Məprəm əpel na Yawe mənokum məs va ɗiy gugriɗ na Sodom, məpak sləmokum ammba mahenziŋ na Maŋgəlva namə mənokum məs va ɗiy na Gomorra:

Isaya 1:10 ပူးပေါင်းရင်းမြစ်များ

Va'Atəŋ 13:13

Zel na Sodom mbəreytiŋ gəm məs mambrayɗeŋ aza Yawe sawɓa.

Isaya 28:14

Məprəm an Yawe anahə: mənokum ɗiy məmasaŋ aka ɗəfa, deyeɗe net ɗiy na Yerusalem əŋki,

Isaya 3:9

Əkəw net tay ərba wən aketi. Tahəŋ ərbanən mambray net va ɗiy na Sodom aɗɗaŋgə dəɗamanən ɓa. Aw əraya, məɗɗaŋ əray ka kiyti.

Isaya 30:9

Ɗiy mətemtiŋgə, kirin muwaŋ wənəŋgə, məs aprəmən mahenziŋ na Yawe ɓaŋgə.

Isaya 33:22

Vi Yawe yi mətawwən namə, Yawe yi akamə. Yawe yi məlĩ namə, ndəni məzəkõhgəmə.

Isaya 8:20

Məzlan sit na: Məprəm mahenziŋ gəm əpel na Maŋgəlva. An kənah sitin vas ɓa, ɗəf tay nawla bapummo səmmbet ɓa.

Yeremiya 23:14

Gəm nəwələk zəga daryaw anet məskəleŋɗe na Yerusalem da: Ndəɗaŋ əku a gizbe, assoŋguk addəv uwawəna, ndəɗaŋ əzɓetin məɗɗaŋ mbərayən, kpaŋ ɗəf tay dəɗaɗɗum əppan mbərayən nan ɓa. Pakgit tahəŋ azaw va Sodom, ɗiy naddəvən va ɗiy na Gomorra.

Ezekiyel 13:2

«Wətən ɗəfa, apel na kəleŋ sit məskəleŋɗe na Israyel, en məpeleŋ va məskəleŋɗe, kənah sitgin məskəleŋɗe məzupeleŋ na kiyit na: Məprəm əpel na Yawe.

Ezekiyel 16:35

«Vi vaski, məpolkoyokə, aprəm əpel na Yawe dərəŋgə.

Ezekiyel 16:46

Məlmuk akən daya, ndəttə Samari dit kirtət muguluŋgiti, məs təsat də gəla aka vok zlaɓay. Məlmuk akən sawã akən də gəla aka vok dəzəŋ, ndəttə Sodom dit kirtət mugluŋgiti.

Ezekiyel 16:49

Heslepe nat məlmuk Sodom yaŋka: məzukaɓtə, məbattə, fendeŋge tawɗəku zəga ɓa, ndət dit kirtət muguluŋgiti; tabbah sit məzurayɗe dit məssãhẽŋɗe ɓa.

Amos 3:1

Mə Israyelɗe gəm məlma bayman məs Yawe agilgit səka dələv na Eziptə, məprəm əpel nan akokum, dawnəh na:

Amos 3:8

An ɓoolu ahəmək na, naway məs geslne ada na ɓa di? Yawe Maŋgəlva apelke, naway məs agəɗ na kəleŋ ɓa di?

Amos 9:7

Yawe aɗiyman na: «Mənokum mə Israyelɗe, məstaka dit ɗiy na Kus kənanaŋ azaw ɓa sa? Intə nəgilgin Israyel sə Eziptə ɓa sa? Nəgilgit mə Filistiɗe sə Kaftor'e gəm mə Siriɗe sə Kir ɓa sa?»

Mika 3:1

Yaŋ nənah na: Məprəma kamə mənokum deyeɗe na Yakob mənokum mətawaŋwən na Israyel. Əsən ətawwən təstəs wəza nokumi ɓa sa?

Roma 9:29

Ya vaŋki Isaya anah dafsəni: Va Daya Məzuɓappak dəpəl səm zeŋvəm ɓa na, waməkkpaŋ kəta va Sodom, kəta waməslə də Gomorra.

Əmsak aka Mahenziŋ 32:32

Zev megezlembirke net sə Sodom ade, səka guli sən Gomorra, kirtit də muwən azetiŋgə, mokkoy net trãhəŋgə.

Hənhən 11:8

Gəbay net wasan aka tive na walaŋgəla-metiŋ, məyan də kəleŋ na Sodom gəm Eziptə, a təki məs məkkpa Daya net aka məzliwrihe.