Ibriɗe 9:7 - Bible en Guidar

⁷ Ya gədəvən mətawan masula'ən na, abbər daya net məsdəlveŋge kaka' dədawtoŋ adak təl taka kaka' ama wəzva. Tay ətoŋ dit mbel kepsin Maŋgəlva vi ki zək nani gəm vi mambray məs ɗiy adaɗɗaŋ məza də wəŋgla net ɓa.

Nouveau Testament en Guidar

⁷ Amma gədəvən mətawan masula'ən, say daya net məs dəlveŋge dədawtoŋ adak kaaka'ə. Nan bo say təl taka kaaka adəv wəsva taka. Tay toŋ dit mbeli kawɗi sən Maŋgəlva vi ki zəknani gəm vi mambray məs ɗii adaɗɗaŋ məza də wəŋgla net ɓa.

Bible en Guidar

⁷ Ya gədəvən mətawan masula'ən na, abbər daya net məsdəlveŋge kaka' dədawtoŋ adak təl taka kaka' ama wəzva. Tay ətoŋ dit mbel kepsin Maŋgəlva vi ki zək nani gəm vi mambray məs ɗiy adaɗɗaŋ məza də wəŋgla net ɓa.

Ibriɗe 9:7 ပူးပေါင်းရင်းမြစ်များ

2Samiyel 6:7

Yaŋ gədəv Yawe adə aka Uzza, Maŋgəlva bay əbayən eske'e ləŋ aka goryom nani. Ndən zam eske aza akoti na Maŋgəlva.

2Alabaraɗe Də Mabərkiziti 33:9

Yaŋ Manase azet mə Yudeɗi gəm ɗiy na Yerusalem hã ndəɗaŋ əɗɗa mbərayən ama hara Yawe, daykiyit mahəlfaɗe məs Yawe azet səbet mə Israyelɗe neki.

Gəlyaɗe 19:12

Wakol sənənən hara gawla nok pak bodoŋgu; watər sən wəray diyɗa dawɓesiti.

Gəlyaɗe 95:10

Wəzva kaklaw poɗo, sayit ɗiyəŋ azla su makrawa, yaŋ nəmna: «Ɗiy məsmaɗɗulet dəzə əŋgə; dəsənnin tiveɗ naw ɓa.»

Əgilye 30:10

Ama əzva Aron dəzaɓgən-Maŋgəlva navvuyon mambray təl taka aka mohoŋ dit mbel na əzaɓ-Maŋgəlva. Təl taka ama əzva adazaɓ-Maŋgəlva navvuyon mambray akan va sayit ɗiy nokum adaɗɗa. Əzaɓ-Maŋgəlva as wasan salala sən Yawe.

Isaya 28:7

Məsdəlveŋge dit məskəleŋɗe pak tay əttapaŋ sən wən na mbazla tay əzaŋ sən əbay na mbazla, mbazla abeyike, tahəŋ gərəŋgərəŋ sən mbazla, tay əzaŋgə, awlanən an dədaɗɗa ɓa awɓapaŋ wətawwən ɓa vi mbazla abeyike.

Isaya 29:14

Vini kana, wanəzban əɗɗe sekeneɗ naggət aket sit ɗiyiŋki sekene aka sekene. Vi maɗɗula net məsmaɗɗulet dəzəgəni, əsən net məs əsən aket dəɗamgəni.

Isaya 3:12

Kirin memeɗeŋɗeŋgə məzuzəmgətin sahã net ɗiy nawa; giliŋ dəzəmaŋ məlĩ aketi. Ɗiy məzədawgitin ɗiy naw tahəŋ əmzlahaŋ səka tive, gəm tahəŋ əraygən tive neti.

Isaya 9:16

Vini kan Daya annek na dit kirin gewleɗ nadak ɓa, awəl na sãhã aket mitiweɗ gəm gil net gəbayɗe ɓa. Vi mə ɗarɗarən pakə məɗɗaŋ mbəraynəŋgə; an adawpeleŋ pak wən ɗari. Də as pak dəppan ədagədəv nan ɓa, van tay təlla aka ərga.

Hose'a 4:12

Ɗiy naw tahəŋ əssohõnən ma wəlaŋga neti, ya kivan məzuboton siti. Vi əɗɗum na polkoyo azetike. Də əɗɗa polkoyo agohoŋ səza Maŋgəlva neti.

Məsdəlveŋge 16:34

Wəkkal təl taka ama wəzva nazban matuya navvuyon mambray net mə Israyelɗe pak na, mahenziŋ məza addəɗ ɓa yi. Məɗɗani an Yawe anah sən Moyis.

Məsdəlveŋge 5:18

dəkigən ndargayã məza heslepe azan ɓa səret gilew dit timeŋgiɗi, nawki dala va mətawən ammba əzaɓ-Maŋgəlva nawzaɓan mambraya sən məsdəlva. An məsdələv aɗɗak mahenziŋ navvuyon mambray məs məɗɗan wa'i ɓa akani, mambray nan wavvuyu.

Amos 2:14

Təki nawɗam na məs pepet wazə. Məs makran arəh na gbogboŋ nan ɓa. Badaway akõhgən na kiyən ɓa.

Əŋɗa 15:25

Məsdələv dəɗɗagən mahenziŋ navvuyon mambray aka sap net mə Israyelɗe pakə, warəhaŋ əvvuy na mambraya. Vi heslepe van dəva ɗəfi ɓa, ya akiyaŋgək əvəl neti, may zəgeɗ nawzəm sən Yawe, gəm əmpa əzaɓ-Maŋgəlva məs adaŋ ammba heslepe net məs dəva ɗəfi ɓa.

Efesus 4:18

Maɗɗulet attirke, faraɗaŋ səza zeŋgile na Maŋgəlva sən əssa slamma neti, vi ɓəɓəl na mekreti.

Ibriɗe 10:3

Əzaɓ-Maŋgəlva adawdaŋ temteməs na, tay vi kaɗɗumon sit ɗiy mambray net məs adaɗɗaŋ aza əzva paki.

Ibriɗe 6:19

Tay azam va təbəz gagdak nawziwgin zeŋgilem gədəŋgədəŋ va nawziwgin bəlay məzutoŋ balsən məzlzlara duɗakan gədəv gəla metiŋ gəla na Maŋgəlva na disiŋ,

Ibriɗe 7:27

Nan tay də wəray va net deyeɗe net məsdəlveŋge meɓɓet nawzaɓ-Maŋgəlva pay pak ammbet mambrayɗe nan tagay asna ammban net ɗiy pak ɓa. Təl taka aɗɗa as ka faɗə də əpsən ki zəni.

Ibriɗe 9:3

Dəɓɓa məzlzlara masula'əni, gizlirke məs adawyaŋ na təki an salala dədayi,