Ibriɗe 9:22 - Bible en Guidar

²² Ya də mbeli adabburun zəga pak va aza mahenziŋ, məza əksu' mbel ɓa na əvvuy mambray tay ɓa.

Nouveau Testament en Guidar

²² Kla za ma henziŋ na, zəga pak an wasan salala na, say an mbel aziyaŋka, vaski bo mambray avi na ɓa say an mbel aziyaŋka.

Bible en Guidar

²² Ya də mbeli adabburun zəga pak va aza mahenziŋ, məza əksu' mbel ɓa na əvvuy mambray tay ɓa.

Ibriɗe 9:22 ပူးပေါင်းရင်းမြစ်များ

Ezekiyel 43:18

Ɗəf nak aɓsu na: «Wətən ɗəfa, an Daya Yawe anah yaŋka: aŋki mahenziŋ an dəwəl sən təki nawzaɓ-Maŋgəlva pay adarka, kawpeŋgən zəga na əvəl nawzla kurmbuɗuk gəm kawzi mbel akani.

Məsdəlveŋge 14:14

Məsdələv dətefgin mbel na zəga nawzaɓ-Maŋgəlva navvuyon mambraya; dəɗisəngən ɗəf naslslay aka metekɗeke na sləman dəzəŋ, aka van mizilin dəzəŋ gəm aka tələn mizilin dəzəŋ.

Məsdəlveŋge 14:25

Dətawgən wəlat ndargayãk na matuya nawzaɓan mambraya; məsdələv dətefgin mbel na zəga na matuya nawzaɓan mambraya; dəɗisəngən ɗəf naslslay aka metekɗeke na sləman dəzəŋ, aka van mizilin dəzəŋ gəm aka tələn mizilin dəzəŋ.

Məsdəlveŋge 14:6

Dəgəmgən bəŋga məs dəpər madarani, wəlaŋga na wəlaŋga ɓəɓəl na Liban, gabaga pepreŋ məzəwiɗ diyɗa gəm gaslamba na isop; dəyopgin sap də bəŋga madaran nak aret mbel na bəŋga mətaw wəlan aket iŋkile məzədawaŋ neki.

Məsdəlveŋge 17:11

vi zeŋgile na zəga pak aret mbel yi, ya naw nəpsukumuk tive kəɗɗeningin aka təki nawzaɓ-Maŋgəlva vi kərahaŋgən əvvuyon mambray nokumu. Vi mbəl awkiyaŋ əvvuy mambraya.

Məsdəlveŋge 4:20

Dəgəɗgən də medgeɗges va agəɗ də medgeɗge na əzaɓ-Maŋgəlva navvuyon mambraya, vas adaɗɗani. An məsdələv azbanək mahenziŋ navvuyon mambray aket ɗiyi, mambray nan wavvuyu.

Məsdəlveŋge 4:26

Səlhã pak na, dəzlagən aka təki nawzaɓ-Maŋgəlva va adawzla əzaɓ-Maŋgəlva nawslere. An məsdələv azbanək mahenziŋ nawrah əvvuyon mambraya aka wətən məlyã vi mambray an agəɗə, mambray nan wavvuyu.

Məsdəlveŋge 4:35

Dətorgən səlhã nazan pak va adawtor an na time na əzaɓ-Maŋgəlva nawslere, məsdələv dəzlagən aka təki nawzaɓ-Maŋgəlva, sap aza peŋ məhhətən sən Yawe. An məsdələv aɗɗak mahenziŋ navvuyon mambray aka ɗəf an dəgəɗ mambraya, mambray nan wavvuyu.

Məsdəlveŋge 5:10

Də an masula'ən, dəɗɗagən əvəl nawzla kurmbuɗuk də əzban mahenziŋ nani. An məsdələv azbanək mahenziŋ navvuyon mambray məs agəɗə akani mambray nan wavvuyu.

Məsdəlveŋge 5:11

An ɗəf tay dit mukuɗuŋguleɗ sula ɓa awaniɓa biŋgeɗ na maha sula ɓa, waɓap əki gəpa zəga na kilo hoku ka matuya vi mambray an agəɗə. Adawmə mẽl ɓa gəm adawɗi tursan ɓa, vi matuya na mambray yi.

Məsdəlveŋge 5:12

Dəkigən sən məsdəlva; məsdələv dəndəgən van zloŋ taka ka zəga naɗɗumoni dəzlagən aka təki nawzaɓ-Maŋgəlva aka peŋ məhhətən sən Yawe; aski matuya vi mambraya.

Məsdəlveŋge 5:18

dəkigən ndargayã məza heslepe azan ɓa səret gilew dit timeŋgiɗi, nawki dala va mətawən ammba əzaɓ-Maŋgəlva nawzaɓan mambraya sən məsdəlva. An məsdələv aɗɗak mahenziŋ navvuyon mambray məs məɗɗan wa'i ɓa akani, mambray nan wavvuyu.

Məsdəlveŋge 6:7

Aŋki mahenziŋ naɗɗa aka əvəla: kirtin Aron dərbanəngən aba Yawe, aba təki nawzaɓ-Maŋgəlva.