Ibriɗe 9:14 - Bible en Guidar

¹⁴ an vaski na mbel na Kristu dədawtəraŋ wəray day pakə. Də Əmpəs nassa hã faɗi apsən zeŋgilen sən Maŋgəlva va zəga mamayã məza heslepe azan ɓa nawzaɓ-Maŋgəlva abbur əɗɗum na makram səzet wəzeɗe mimtit vi məgəɗ səngən wəza sən Maŋgəlva madarani.

Nouveau Testament en Guidar

¹⁴ An vaski na mbel na Krestu dədawtəraŋ wəray day pakə. Də Əmpəs nasuwa ha faɗi apsən zeŋgillen sən Maŋgəlva va sazlaga məs tay də mambray ko suɗike ɓa. Mbel na Krestu waskoɓən makramə, waviyanən mambray namə, vi mədaɗɗa an naw kəm atəki namta ɓa, amma say mərah gən wəgəɗ sən wəza sən Maŋgəlva an də zeŋgille.

Bible en Guidar

¹⁴ an vaski na mbel na Kristu dədawtəraŋ wəray day pakə. Də Əmpəs nassa hã faɗi apsən zeŋgilen sən Maŋgəlva va zəga mamayã məza heslepe azan ɓa nawzaɓ-Maŋgəlva abbur əɗɗum na makram səzet wəzeɗe mimtit vi məgəɗ səngən wəza sən Maŋgəlva madarani.

Ibriɗe 9:14 ပူးပေါင်းရင်းမြစ်များ

2Samiyel 4:11

Sasak ɗiy məsdarawɗe dəbaynən ɗəf təstəs ɗuffo aka zəga nawvoŋ eŋgil ananda sa? Kakaŋ nəssohẽt na mbel nan avokum gəm kawzokum mbo' səka dələv ɓa sa?»

2Milyeŋge 19:16

Yawe apak sləmok aprəma, akol horoko Yawe awla, aprəm əpel məs Senakerib aslənəŋ vi kawran Maŋgəlva madarani!

Ɗerewel na Yob 15:16

Mbəksa ɗəf məs məraygən va zəga ɗarə, məzusa mambray va iŋkile.

Gəlyaɗe 51:2

Gala məskəleŋ Natan ambat azan na, Davit avoŋgətək Betsabe səkay.

Əgilye 12:5

Wət time məs kədawgəmaŋ dəsan mizilin na wəzva taka məza heslepe azan ɓa səret gilewi.

Isaya 42:1

Gawla naw məs nədarma van yaŋka, əwel nawi yi, in tat ənnek dəndəni, nəɗiyək əmpəs naw akani, waki ətawwən təstəs sit ɗiy naket dəlveŋge.

Isaya 53:9

Məɗiyni magamas nan a walaŋgən net məsdarawɗe məndəkən aweleŋgit məsaryeɗi, də əkay mama tay azan ɓa uwawən tay a man ɓa zlaŋgə.

Isaya 57:15

Vi vaŋki məs dəsan a disiŋ ki zəga pak məs təki nassan dəsan faɗə məs iya nan na Salala anahə: In tat a disiŋ salala nənani, ya in tat də ɗəf məs makran dəzlahə gəm məs dəɓe'gin kizəni vi kakkpaŋgan məs dəɓe'gin kizən madarani, kawmbəlgən ɗəf məs makran dəzlahə.

Isaya 61:1

Əmpəs na Daya Yawe tay akawa, vi Yawe awelwək nawka alabara nenek sit məssehẽŋɗe, aslənwək əgip mekret ɗiy məs mekkret aɓohu; vi kawtəl ma sit ɗiy en məsimgit aka wən nappeti gəm sit məfərsəneɗi, aka wən nawpilti vi kawkol sit heret deŋgerɗe, vi kawkõhgit məzuzəmaŋ sahã;

Yeremiya 10:10

Ya Yawe yi Maŋgəlva gegesiŋ, ndəni Maŋgəlva madarani, məlĩ an faɗə. An adək gədəva, dələv tay əkkere; ɗiy naket dəlveŋge awɓəsən ədagədəv nan ɓa.

Ezekiyel 45:18

Vaŋ Daya Yawe anahə: təla maddaabəŋ, əvoŋ maddaabəŋ nani, kəgəmgən medgeɗge məza heslepe azan ɓa kəbburgən gəla salala.

Daniyel 6:26

Ndəni məlĩ Dariyus aver sit ɗiy pakə, dəlveŋge temtem gəm ma awandi naka dələv pak na: Zazay dəsan akokum!

Məsdəlveŋge 22:20

kədawkiyaŋ zəga mamayã də heslepe azan ɓa, vi kawtafkumi ɓa.

Əŋɗa 28:11

Ətəŋ na təla ama gərəm pak na, kədaŋgən əvəl nawzla kurmbuɗuk sən Yawe, dit medgeɗgeɗe sula, ndargayã taka, gəm ndergeyẽɗ na wəzva takataka buhulu, zəgeɗ net dəssoŋ məza heslepe azet ɓa.

Əŋɗa 28:3

Kənahsitgən na: Way an kədapsənən Yawe yaŋka: pay pak kirtit timeŋgiɗ mezeŋgleket sula na wəzva takataka məza heslepe azet ɓa, ammba əvəl nawzla kurmbuɗuk məs gabban appa ɓa.

Əŋɗa 28:9

Pay naffet na, kəziyaŋgən mbel dit kirit timeŋgiɗ mezeŋgleket sula na wəzva takataka, məza heslepe azet ɓa gəm əvəl də gəpa kilo sləre məllaɓən də mẽlẽ gəm əvəl an məŋgla nawpesl afuŋ.

Matiye 12:28

Ya an də Əmpəs na Maŋgəlva nədawgilgit tuyeŋɗe na, vas kan na məlĩ na Maŋgəlva agapək akokum.

Matiye 16:16

Simoŋ Piyer azlani amna: Kristu Wətən Maŋgəlva madaran kənani

Matiye 20:28

Vaski kana Wətən Ɗəf dəde ɗiy dəɗɗaŋ sənəngən wəza ɓa, ya vi dəgəɗgən wəza gəm kappan zeŋgilen vi kawbit ɗiy diyɗa.

Matiye 7:11

Munokum mbəraykum dərəŋ kəsənənək əpsit zəgeɗ mogget sit kirtukum. Mbari Afukum na disiŋ apsit na zəga moggon sit məzəssohonən ɓaŋ di?

Luka 1:74

dərɓaga akõhgəm səvet məzuzelɗe vi məɓapgən əgagdakan məza də geslne' ɓa,

Luka 12:24

Mule gaŋgrekeɗ ɗa, aslgaŋ ɓa, awbəlaŋ ɓa, tahəŋ də təki nawzaɓ zəga ɓa, awaniɓa maha ɓa, ya Maŋgəlva tay əzəmgiti. Kədayaŋ kiyit biŋgeɗ də sləma ɓa sa?

Luka 12:28

An Maŋgəlva tay əgul sən kevile nawra vas na, məs dəsan dəpaŋka ya pumpum na offo wazla na sasak munokum məs ətaf nokum məgəsnəŋ sa?

Luka 4:18

Əmpəs na Daya tay akawa, vi awelwək nəpelgən alabara nenek sit məssãhẽŋɗe, aslənwək kawtəl ma nappet ɗiy mərmeti, vi kawkol sit heret deŋgerɗe, vi kawkõhgit məzuzəmaŋ sahã.

Yohanna 3:34

Vi ɗəf an Maŋgəlva aslənə, əpel na Maŋgəlva adawpele vi apsənək Əmpəs nan meza meŋge ɓa.

Wəza net Masləŋɗe 1:2

hã gap pay an ateŋ a disiŋ dərɓaga asəɓ sit maslənɗe en məs awel də gbogboŋ na Zeŋgile Salala.

Wəza net Masləŋɗe 10:38

Va Maŋgəlva aprikgin əɓap na Zeŋgile Salala aka Yesu na Nazaret, ndən məs dəbbal əɗɗa moggoni gəm əmbəlgit ɗiy en dəssoŋ belemɗe na tuya pakə, vi Maŋgəlva tay dəndəni.

Wəza net Masləŋɗe 14:15

Aɓɗaŋ na: Ɗiyi, mədəray kədaɗɗaŋ vaŋ di? Nam pak ɗiy mənan va munokum! Nam mədawnah sukum alabara meleketen na, vi kəkkpaŋgən səzet tuyeŋge zəgeɗ ɗariŋki, kətafəngən Maŋgəlva madaran məs dəzəməɗ disiŋ də dəlvafuŋ, pehe dit zəgeɗ naddəvən pakə.

Wəza net Masləŋɗe 15:9

Duɗakan walaŋgəm dənɗaŋ ɓa, də ətafi askoɓ mekreti.

Roma 1:20

Vi zəgeɗ məs ɗəf awle səzan ɓa təŋ səza əzəməɗ na dəlva va əɓap nan məza meŋge ɓa gəm əssa nan asan Maŋgəlva tay ərbaŋ addivit zəgeɗ en agəɗə an əsən agohonko. Vini təki narma vet asan na ɓa.

Roma 1:4

məs mewelin də əɓap na Zeŋgile Salala ka Wət Maŋgəlva də əsilgin səret ɗiy mimtiti, ndəni Yesu Kristu Daya namə.

Roma 11:12

Ya an heslepe net akkpaŋgək ka ərəh na dəlva, əddak net ka ərəh net ɗiy-ɗar na, əsilye net ziw waki əzaɓ dayə.

Roma 11:24

Vi an nok məlotki səka hereme nawra məs kəsok akan lahəŋka, mətipkuyi aka hereme neŋgili, eŋkiŋ dərəŋ nawtip day aka hereme an net məs assoŋ akan far lahəŋka.

Roma 6:13

Kədappetin zəgeɗ na gəɓa zukum sən wəza na mambray va zəgeɗ nalpa vi mbərayəŋ ɓa; ya dərəŋ na məɗi zək nokum sən wəza na Maŋgəlva va ɗiy mederet dəmilyoŋ səka əmta, məɗi zəgeɗ na gəɓa zukum va zəgeɗ nalpa vi təstəs na Maŋgəlva.

Roma 6:22

Ya kakaŋ na, adan məpəlkum səka mambrayə, kəkkpaŋgaŋgək belemɗe na Maŋgəlva, mənokum tat ərban ədaw addəv salala, əgrak nan na zeŋgile nassa faɗi yi.

1Korintus 15:45

Vaŋki yi'e məverni: Adam ɗəf maddaabəŋ akkpaŋgək ɗəf də zeŋgilen madarani, ya Adam an dədirɓe akkpaŋgək əmpəs məzəpsən zeŋgile.

2Korintus 5:21

Ndən məs dəsən mambray ɓa, akkpaŋgan ka məs dəgəɗ mambray vimə, vi namə, məkkpaŋgən təstəs na Maŋgəlva addəvni.

2Korintus 6:16

Mi dəsapan Gəla na Maŋgəlva dit zəgeɗkamaŋgəlva di? Vi nam Gəla na Maŋgəlva madaran mənani, va Maŋgəlva anah na: Wanəsaw də gəla a waleŋti, wanəbbal a waleŋti Wanəsaw Maŋgəlva neti, wassoŋ ka ɗiy nawa.

Galatiyen 2:19

Vi naw də mahenziŋ nəmtə sən mahenziŋ, vi nəsawgən madaraw sən Maŋgəlva. Məkkpa'u nan də Kristu aka məzliwrihe,

Efesus 2:5

mənam məs məsam məmtəm viyit heslepeɗe namə, ambəlgəmək də Kristu, də mbəlembəle kəkohoŋgu.

Efesus 5:2

Mədaw addəv əŋgla va Kristu aŋglumə appan ki zən sən Maŋgəlva ammbam ka əvəla gəm ka zəga mətaw wəlani, va tursan məs məŋgənən neki.

Əmsak aka Mahenziŋ 15:21

An heslepe tay azani, an vədali, daŋgari, an heslepe zev mawani di pak tay azani kədawzaɓ-Maŋgəlva sən Yawe Maŋgəlva nok dəndən ɓa.

Əmsak aka Mahenziŋ 17:1

Kədawzaɓ-Maŋgəlva sən Yawe Maŋgəlva nok də wasli may time məs heslepe azan ɓa, vi zəga daryawi aza Yawe Maŋgəlva noko.

Əmsak aka Mahenziŋ 31:27

Vi nəsənək əɓoŋ nokum də kiyɓəɓəl nokum: gala in tat madaraw dəpaŋ a waloŋkum tagay, kəɓoŋgoŋguk aka Yawe, ya mbari an nəmtək kandi?

Əmsak aka Mahenziŋ 33:27

Far na, Maŋgəlva yi təki nawɗam noko; van tay əkasluk pay pakə; arɓehetik məzuzelɗe nok səboko, anah suk na: azeti!

Əmsak aka Mahenziŋ 5:26

Agəɗək ɗah aza ɗəf dəprəmgən wəla Maŋgəlva madaran əpel addəv offo ndən ɗew madaran sa?

1Tesaloniki 1:9

Vi ndəɗaŋ sən kiti apelinik wən nam va kətafməni, va kəkkpaŋgaŋ aza Maŋgəlva də əppet zəgeɗkamaŋgəlva, vi kawgəɗ sən wəza sən Maŋgəlva madaran gəm an gegesiŋ,

1Timote 1:17

Gagdak gəm əɗikiya va sayit ɗiy amə' pak sən məlĩ məs faɗə məs amta ɓa, məs awlanən ɓa, ndəni Maŋgəlva kaka'ə. Amin.

1Timote 3:15

Də as pakə, an nəliyək na, kəsəngən va mbar kəssok addəv Gəla na Maŋgəlva di, va ənəh na ɗiy na Maŋgəlva madarani, məs dəsan dədəka gəm gabba gegesiŋ.

Titus 2:14

məs dəppan kiyən viyəm vi kamam səka mambray pakə, abbur ɗiy kanan dəssoŋgən məs kotorokɗe naɗɗa wəza moggoni.

Ibriɗe 1:3

Ndəni əkeɗeɗe na gagdaka, agilik va Maŋgəlva səɗeki, tay ərma dələv də əɓap na wəpel nani. Sə dərɓaga abbur mambraya, asanək a disiŋ aka dəzəŋ na məlĩ Maŋgəlva.

Ibriɗe 10:10

Addəv əŋglaski mərah əbbur də əvəl na zə Yesu Kristu, aɗɗa təl taka ka faɗə.

Ibriɗe 10:12

Kristu, nan dərəŋ na, səza azaɓ-Maŋgəlva navvuyon mambray təl taka, asanək ka faɗ aka dəzəŋ na Maŋgəlva

Ibriɗe 10:2

An vaski ɓa na, kəta kappani əzaɓ-Maŋgəlva, vimi di na, ɗiy məzuɗiyən ki Maŋgəlva vas arahaŋgək ubbur təl taka wã'ə, kəta waɓapaŋ əɗɗum aka mambray a mekret əmpa sa?

Ibriɗe 10:22

Məzar səm kan aza Maŋgəlva də makram barə gəm məknahəm də ətafa, makram mubburun səza heslepe naddəv əɗɗum pakə, gəɓa zəm məslslayən dit iŋkile salala;

Ibriɗe 11:21

Də ətafi, aka Yakob asan ama əmta, aɗɗa əzaɓ aket kirtin Yosef takataka, appu' sən Maŋgəlva səka ɓe'e aka zleŋge nani.

Ibriɗe 13:12

Vi vaski Yesu amtək a ma poho na walaŋgəla, vi kaskoɓ mambray net ɗiy də mbel nani.

Ibriɗe 3:12

Milmiŋgiɗwa məzi zukum, vi ɗəf təttaka səmbokum adawsan də makran mbərayən məza də wətaf ɓa ɓa, kapan Maŋgəlva madaran ɓa.

Ibriɗe 6:1

Vas kan na, məppan səm əyak an kiyən kiyən aka wən na Kristu, mətoŋ səm aza əyak net ɗiy gugriɗe, məza əmnda aka əyak an dətəŋ gabban ɓa, va: əɗi marava aket wəzeɗe mbəreyti, ətaf Maŋgəlva,

Ibriɗe 7:16

dətoŋ addəv wəza na məsdələv də tive na mahenziŋ na walaŋgit ɗiy ɓa; yaŋ atoŋ də gagdak na zeŋgile məs agrak na ɓa.

Ibriɗe 7:27

Nan tay də wəray va net deyeɗe net məsdəlveŋge meɓɓet nawzaɓ-Maŋgəlva pay pak ammbet mambrayɗe nan tagay asna ammban net ɗiy pak ɓa. Təl taka aɗɗa as ka faɗə də əpsən ki zəni.

Ibriɗe 9:12

məza də mbel net porsokɗe mãy net kirit wasliɗ ɓa, ya də mbəl na ki zən tusso atoŋ təl taka addəv gəla na matuya viyit ɗiy pakə, arəh səm əkõh an faɗə.

Ibriɗe 9:26

Vasna, kəta wazəmsãhã təl ɓaɓayə təŋ səza ətəŋ na dəlva. Vi təl taka kaka' arbə də əkgrak na paya vi kavvuyon mambray də əzaɓ-Maŋgəlva məs adə də zək nani.

Ibriɗe 9:7

Ya gədəvən mətawan masula'ən na, abbər daya net məsdəlveŋge kaka' dədawtoŋ adak təl taka kaka' ama wəzva. Tay ətoŋ dit mbel kepsin Maŋgəlva vi ki zək nani gəm vi mambray məs ɗiy adaɗɗaŋ məza də wəŋgla net ɓa.

Ibriɗe 9:9

As zəga dədarba vi pay an kakaŋki, tay əŋgla ənah na: Əvəla gəm əzaɓ-Maŋgəlva məɗɗet aɓapən na əzaɓan makra ɗəf məzəkkam dəsangən təstəs ɓa.

1Piyer 1:19

Ya də mbel na sləma na Kristu iyi, məs dəssoŋ va na ndargayã məs heslepe tay azan ɓa gəm tay məs dəray azan ɓa.

1Piyer 2:22

Ndən məs dəgəɗ ɗah mambray ɓa. Ndən məs uwa wən dəgil ɗah sə man ɓa.

1Piyer 2:24

Ndən zək nan məs dəslet mambrayɗe nam addəv gəɓa zən aka wəlaŋga məzliwrihe vi məsamgən məmtəm kəlaza mambraya, məsamgən madaram dəza əɗɗa təstəsə. Vi huweɗ nani kərəhaŋ ənzaɗa.

1Piyer 3:18

Vi Kristu sən kiyən amtək tel taka mək vi mambray net ɗiyi, ndən məs salala amtək viyit məs mambrayɗe vi kakukum aza Maŋgəlva. Məbayni gəɓa zəni, ya madarani addəv Əmpəsa.

1Piyer 4:2

Addəv pay dəpəlsukum nanziya nokum egge pakə, təŋ kakaŋka, aslək kədawaŋgən va aza əŋgla na Maŋgəlva məza va aza əŋgla na gəɓa zə ɗəf ɓa.

1Yohanna 1:7

Ya an mənam tat ədaw addəv əkeɗeɗe'e va ndən sən kiyən asan addəv əkeɗeɗe'e, asna məsapək awalaŋ zəmə, mbel na Yesu Wətən wabburnən mambray awandi pakə səzamə.

1Yohanna 3:5

Kəsənənka Yesu Kristu ade na vi kavviyan mambray yi, ya nan mambray tay azan ɓa.

Hənhən 1:5

gəm səza Yesu Kristu, miziwe an gesiŋ, məs dəgil daabəŋ səret ɗiy mimtiti, gəm məlĩ net məlyeŋge naka dəlvafuŋ pakə. Aŋgluməka, agilgəmək səddəv mambray nam də əmta nani.

1Samiyel 17:26

Davit assohẽt məzəlpaŋ en nazan go'o dawnəh na: «Miy nawgəɗ sən ɗəf an dədawbay mə Filistiŋ gəm dədawtor wil səra Israyeləŋ di? Naway kpak mə Filisti gayaŋ hara karma mama azet məzəlpaŋ na Maŋgəlva madaran di?»