Ibriɗe 6:10 - Bible en Guidar

¹⁰ Maŋgəlva mbərayni ɓa, azgət na ki wəza nokum ɓa gəm əŋgla məs kərbanən aka iya nan kəbbahaŋ sit ɗiy salala lahəŋka hã gap kakaŋkəŋka.

Nouveau Testament en Guidar

¹⁰ Maŋgəlva məs də goŋgayi, asgət na ki wəza nokum ɓa, walla wənna əŋgla nokum məs kərbaŋ sənən də wəbaah sit ɗii məs dətafaŋ, milmiŋgiɗ kuməŋ, munokum tatəbaahaŋsit kakaŋka'a.

Bible en Guidar

¹⁰ Maŋgəlva mbərayni ɓa, azgət na ki wəza nokum ɓa gəm əŋgla məs kərbanən aka iya nan kəbbahaŋ sit ɗiy salala lahəŋka hã gap kakaŋkəŋka.

Ibriɗe 6:10 ပူးပေါင်းရင်းမြစ်များ

Nehemi 13:22

Yas kan nənah sit mə leviɗe dəddoŋgən əslslay ziti, dəmbataŋgən əge metiveɗ na walaŋgəla-metiŋ, vi ɗiy dəɓe'eŋ sənəngən mahenziŋ na pay naffete. «Aw Maŋgəlva nawa, aɗɗum akawa'e vi as pakəska. Awlu sahə̃, vi memetiŋ na moggon noko!»

Nehemi 13:31

Gəm nəɗiyək wən na əvəl dit seseme də pay nani, may əvəl dit zəgeɗ en dəsɓaŋ daabəŋ. Maŋgəlva nawa, aɗɗum akawa, agəɗ su moggoni!

Nehemi 5:19

«Aɗɗum akaw moggoni Maŋgəlva, sən an nəgəɗ ammbet ɗiyiŋ pakə.»

Gəlyaɗe 20:3

Waslən suk əbbah səddəv gəla nani, warma vok hã sə Siyon!

Əgilye 1:20

Maŋgəlva agəɗ sitik moggon sit muwaŋ gil neki, ɗiy awanənək kiyit diyɗa. Akkpaŋgaŋgək gboŋgboŋgu.

Wənməkkpaŋga 14:31

Dəzəmgən sãhã na məssãhã na, məs dəzəməɗ adawra; dəwəl sahã aka məssahã na, kiyən adawɗiya.

Wənməkkpaŋga 19:17

Dəwəl sãhã aka məssãhã na, dəmən apsən Yawe, wapsən zəga navan.

Məsmaɗula 11:1

Azgan way nok aket iŋkile, vi dəmmbat abe na wakərəha.

Yeremiya 18:20

Amndaganən mambray a gəla moggon sa? Net aso'oŋguk vov kawzawa. Aɗɗum na, in tat əziw aboko vi kawpel moggon aka wən net kawzargən ədagədəv nok səketi.

Yeremiya 31:16

An Yawe anah yaŋka: Aɓətə, appan əhəma, appey sin səroko, vi wanəfaɗ suk əzəmsãhã noko. Yawe aɗiymani. Kirtuk wamndoŋ səka dəlev net məzuzeltini.

Matiye 10:42

Ɗəf an dəpsən iŋkile zazay dayday addəv huloŋguk sən taka səmmbet muzliyeɗ nawiŋki, vi asan gawla nawa, gesiŋ nədawnah sukum: Sessel azəna dawrəh zəga na van ɓa.

Matiye 20:7

Azlan sənən na: Vi ɗəf tay dəgəməm aka wəza ɓa. Anah sit na: Nokum pak məddoŋ a guli net megezlembirkeɗ nawa.

Matiye 25:17

Vaska'e an məs dərah sula, arahək sula aketi.

Markus 9:41

Ɗəf an dəpsukum iŋkile addəv huloŋguk vi ɗiy na Kristu kənanaŋgə, gesiŋ nədawnah sukum, sessel azəna dawrəh zəga na van ɓa.

Yohanna 13:20

Gesiŋ gesiŋ nədawnah sukum: Ɗəf dətaf maslən nawa, atafwəka. Ɗəf dətafwa, atafək məs dəslənwa.

Wəza net Masləŋɗe 10:31

Awɗi man na: Korneliyus, əkkam nok aprəmka, Maŋgəlva aɗɗumonək əvəl nok sit məssehẽŋɗe.

Wəza net Masləŋɗe 10:4

Korneliyus haran akan seki, geslne armaka. Yaŋ amna: Mi di Daya? Yaŋ anah sən na: Əkkam noko gəm wəzeɗe na ula sahã nok apeŋgeŋgik aba Maŋgəlva ka zəgeɗ naɗɗumeti.

Wəza net Masləŋɗe 11:29

Məzutafaŋ aziwgininik a mekret nawslən əbbah neti, naway di pak va an arahə, sit ɗiy na Maŋgəlva a Yude.

Roma 12:13

Məbbah sit ɗiy na Maŋgəlva addəv wəray neti, məzban ətef melekeɗi.

2Korintus 9:1

Aka an dəwəl sən əbbah sit ɗiy salala na, wəray tay nawver sukum ɓa.

Galatiyen 5:13

Məlmiŋgiɗwa, nokum, kassa na kiykumi məyukum. Ya hara na, əssa na kiykum adakkpaŋ ka zəga nazban əngla na gəɓa zukum ɓa, məssoŋ belemɗe a walaŋ zukum də əŋgla dərəŋgə.

Galatiyen 5:6

Vi addəv əsap də Yesu Kristu na, əskəlawra də əssa gayã atəraŋ na wəray abbər ətaf məzərba də əŋgla ɓa.

Galatiyen 6:10

Vi vaski, an mərahək pay nan na, məgəɗ səm moggon sit ɗiy pakə, sasak sit ɗiy en də mənam addəv ətafa.

Əmsak aka Mahenziŋ 32:4

Nan, Milɓe yi, tay dəray aza wəza nan ɓa, tive nan təstəs-gəraki yi, Maŋgəlva məs addəɗ ɓa yi, vurum tay azan ɓa, təstəsi, sarray yi.

Kolosi 3:17

Məs kədawɓap əpeleŋgi awaniɓa an kədaɗɗaŋgə, məɗɗa də iya na Daya Yesu, də əmndan soko dəndən sən Maŋgəlva Afəni.

1Tesaloniki 1:3

Mənam tat əɗɗumon wəza nawtaf nokum aba Maŋgəlva Afəmə, də əŋgla nokum də əsok zukum əga məs dəde səm səza Daya nam Yesu Kristu.

1Timote 6:18

Anah siti, dəɗɗaŋ moggoni, dəssoŋ məsaryeɗ net wəzeɗe lelewɗe, dəssoŋ məzuvəla, dəbbahaŋ sitin ɗiy meɓɓet də arya neti.

2Timote 4:8

Kakaŋ na mətərkiya na təstəs tay zaɓɓa viwa, məs Daya mətawwən an təstəs adapsu pay nani, suwi kaka ɓa, sit ɗiy en məs dəŋglunən əzza nan pakə'e yi.

Ibriɗe 10:32

Məɗɗumon aka kətafaŋ baba'ə, səza kərahaŋ əkeɗeɗe ləŋgə, kətəŋgaŋ əlpa tatwãh gədakə.

Ibriɗe 13:16

Kədazgətaŋ ki əɗɗa moggon gəm əbbah sən zukum addəv əsap nokum ɓa, vi əzaɓ-Maŋgəlva zev aski dədannek zə Maŋgəlva.

1Yohanna 1:9

An məsənək mambray namə, nan moggoni, təstəsi navviyan səm mambraɗe namə, gəm nabbur mbərayən awandi pak səzamə.