Ibriɗe 4:2 - Bible en Guidar

² Vi nam pak məprəmək alabara nenek va neti. Aprəmənka, ya dətər sit wəray ɓa, vi dərmanən wən nan də wətaf ɓa.

Nouveau Testament en Guidar

² Vi nam van bo məpprəmək labara nenek venet ɗii na muya neki. Apprəmənka, amma dətər sit wəray ɓa, vi dərmanən wənan də wətaf ɓa.

Bible en Guidar

² Vi nam pak məprəmək alabara nenek va neti. Aprəmənka, ya dətər sit wəray ɓa, vi dərmanən wən nan də wətaf ɓa.

Ibriɗe 4:2 ပူးပေါင်းရင်းမြစ်များ

Wəza net Masləŋɗe 13:46

Ya Pol də Barnabas apeleŋgək məza geslne ɓa, aɓɗaŋ na: Aslək mərban sukumgən əpel na Maŋgəlva daabəŋ. Ya adan kəzganəni, kulanən na kədahaŋ nawrəh zeŋgile nassa faɗ ɓa na, nam waməkkpaŋ azet ɗiy-ɗarə.

Wəza net Masləŋɗe 3:26

Sukumi daabəŋ Maŋgəlva asilgin gawla nani, aslən vi kawzaɓokum də ətak ma naway di sərokum pak səka əɗɗum mbərayəŋ.

Roma 2:25

Əskəlawra tay də ətərwəraya an is tat əɓe' sən mahenziŋ; ya an məggar ki mahenziŋ kənani, əskəlawra nok akkpaŋgək əskəlawray ɓa.

Roma 3:3

Mi kan di? An ɗiy səmmbet tahəŋ də ətaf ɓa na, əssa məza ətaf ɓa net wazan moggon na Maŋgəlva sa?

1Korintus 13:3

An nuɗakək arya naw pakə, an nəppanək zu əzla vi kawrəh gagdaka, ya an in tat də əŋgla ɓa, də as pak, tay an adatəru ɓa.

Galatiyen 3:2

Aŋki nəŋgəl nəsəngən səzokum kaka'ə: Də wəza na mahenziŋgi kərahaŋ Əmpəs sa, awaniɓa də əprəm dəde səza ətafa?

Galatiyen 3:8

An məverin awlak far na, Maŋgəlva wakkpaŋget ɗiy-ɗar təstəs də ətafa. Anah sənək Alabara Nenek vanəs far sən Abraham na: Ɗiy pak warahaŋ əzaɓ ammboko.

Galatiyen 4:13

Kəsənənka, gbəgba' dəɗɗa ka nətəŋgən ərban sukum Alabara Neneke.

Əmsak aka Mahenziŋ 1:32

Aka wənəŋka kəɗiyən ətaf nokum aka Yawe Maŋgəlva nokum ɓa.

1Tesaloniki 1:5

Vi Alabara Nenek məs məpel sukuməŋka, dəgap azokum də əpel kaka ɓa, ya də əɓapa, də Zeŋgile Salala gəm də gegesiŋ an ɓəlɓəli. Kəsənənək va məsam a waloŋkum, vi moggon nokumi.

1Tesaloniki 2:13

Vi wən nani məppana əɗɗa soko sən Maŋgəlva ɓa, vi kətafənək alabara na Maŋgəlva sə mamə, kətafən va əpel net ɗiy ɓa, ya va əpel na Maŋgəlva kətafən gesiŋ gesiŋ. Tay əɗɗa wəza a makrokum munokum məs kətafaŋgə.

1Timote 4:8

Vi əsərəkgən zə ɗəfa ətərwəray nan siɗikke yi, ya geslne na Maŋgəlva na, tay ətərwəray aza zəga pakə. Tay də iynama na zeŋgile kakaŋka, gəm an nazzani.

Ibriɗe 11:6

Məza ətaf ɓa na, ɗəf asan na lew ara Maŋgəlva ɓa. Vi ɗəf dədadder aza Maŋgəlva pak dəsən na Maŋgəlva tay, afaɗ sit ɗiy məzukayanəni.

Ibriɗe 3:12

Milmiŋgiɗwa məzi zukum, vi ɗəf təttaka səmbokum adawsan də makran mbərayən məza də wətaf ɓa ɓa, kapan Maŋgəlva madaran ɓa.

Ibriɗe 4:6

Vas kan na, adan tay ziw ɓəlɓəl ɗiy meɓɓet dətoŋgoŋgən adaka, ɗiy en dəprəmən Alabara Nenek daabəŋ dətoŋgoŋ addəvən ɓa vi dətafaŋ ɓa.

Yakob 1:21

Vi wən aski məppan wəza mambray sə makrokum pakə. Kədaɗɗaŋ mambray əmpa ɓa, məpak sləmokum ammba wənnəŋka, məs Maŋgəlva aɗi a makrokum, ndəni dədawɓap əkõhgukum.

1Piyer 1:12

Maŋgəlva arban sitik na, wənəs sit aneti ɓa, sukumi. Məɗɗaŋ wəza na wənəskəŋ məs kakaŋ mərban sukum də met ɗiy en dəki sukumən Alabara Neneke də gagdak na Zeŋgile Salala məs məslənən sə disiŋ. Maslayɗe dayday aŋglaŋ dəsənnəngən wən vanəŋka.