Ibriɗe 4:12 - Bible en Guidar

¹² Wəpel na Maŋgəlva madarani, tay əɗɗa wəza, man hoɓhoɓ dayki masalam məs man sula pakə. Tay ətoŋ hã a walaŋ megenege gəm əmpəs na ɗəfa, a walaŋ mesleŋsleŋ də ofunufunu na ɗəfa. Va wənah na Zeŋgille də Əmpəsa. Tay əpəkat an makra ɗəf adaɗɗa gəm an adaɗɗumo.

Nouveau Testament en Guidar

¹² Wəpel na Maŋgəlva madarani, də sembeyi. Adayək ki kafahi ko awandi pakə məs man sula gən nawtaw zəga. Nan wataw ha gap amet sleŋsleŋɗe də afunufunu. Va wənah na Zeŋgille də Əmpəsa. Nan bo tay taw kita aka wəsim zəga də wəɗum na makret ɗiiyi.

Bible en Guidar

¹² Wəpel na Maŋgəlva madarani, tay əɗɗa wəza, man hoɓhoɓ dayki masalam məs man sula pakə. Tay ətoŋ hã a walaŋ megenege gəm əmpəs na ɗəfa, a walaŋ mesleŋsleŋ də ofunufunu na ɗəfa. Va wənah na Zeŋgille də Əmpəsa. Tay əpəkat an makra ɗəf adaɗɗa gəm an adaɗɗumo.

Ibriɗe 4:12 ပူးပေါင်းရင်းမြစ်များ

Gəlyaɗe 110:2

Yawe watəl zleŋge na məlĩ nok hã sə Siyon! Azəm məlĩ a waleŋgit məzuzelɗe noko!

Gəlyaɗe 119:130

Ərəh gabba əpel nok awkol ki ɗəfa, tay əprəman sit ɗiy en məza əsən ɓa.

Gəlyaɗe 139:2

kəsənək va nədawsawa, va nədawsilyewa; kəsənək əɗɗum naw səka faraɗa;

Gəlyaɗe 149:6

dətibirenən Maŋgəlva wəlet kolkolu. Də masalam məs man sula aveti.

Gəlyaɗe 45:3

Kədayək kiyit ɗiy pak də lelewe, mok neki aza əpele. Vini Maŋgəlva azaɓok hã faɗə.

Wənməkkpaŋga 5:4

Ya sə dərɓagan na, tərãhtə va ndərzla, mat hoɓhoɓ va masalam məs man sula.

Məsmaɗula 12:11

Əpel net məsmaɗɗulet tay va təbəz ma popyoŋ, ɗiyen dəvernin tahəŋ va təbəzɗe məkkpe'ti; as pak məzutaɗa taka dəɗɗa.

Isaya 11:4

Watawwən aket məssehẽŋɗe təstəsə, gəm wasan təstəs azet məzurayɗe naka dəlva. Əpel na mani, ndəni zleŋge məs adawvər dəlva, də səmyã na man adawbay məsdaraw zamə.

Isaya 49:2

Aɗɗak maw va masalam hoɓhoɓu aɗamawək də əɗup van akawa. Akkpaŋgawək va har mətakaɗ mani, aɗɗamawək addəv gulom nani.

Isaya 55:11

Vaska'e əpel məs dəgil sə maw adawsani. Amil na azaw mekeleŋ məza dəɗɗa əŋgla naw ɓa ɓa, məza dəknahan an məs nəslən viyən ɓa ɓa.

Yeremiya 17:10

In Yawe in tat ula an dəsan a makra ɗəfa, in tat əkoson əɗɗumo. Wanəfaɗ sən naway pak va aza ədaw nani, gəm aza wəza nani.

Yeremiya 23:29

Əpel naw tay va offo ɓa sa? Yawe aɗiymani. Əpel naw tay va ndəvəl məzəgrof milɓe ɓa sa?

Luka 8:11

Aŋki an wənməkkpaŋga van aŋgəl ənaha: Zeŋve ndəni əpel na Maŋgəlva.

Yohanna 12:48

Ɗəf məs dəzgaw pak, dətaf əpel naw ɓa, tay də ɗəf an nawtaw wən akan səkayə, əpel məs nəpeliŋki nawtaw wən akan pay əgrak dəlva.

Yohanna 6:51

Naw intə mepteke madarani, məs dəprik sə disiŋ. An ɗəf azəmək mepteke nani, wasan madaran faɗə. Mepteke məs nədapsən ɗəfa, gəɓa zuwi. Nəpsən na vi dələv dəsangən madaran.

Wəza net Masləŋɗe 2:37

Adan ɗiy aprəmən vaska, makret azlahka, yaŋ aɓsənən Piyer dit maslənɗe meɓɓet na: Mi mədaɗɗa kandi milmiŋgiɗmə?

Wəza net Masləŋɗe 4:31

Adan akkamaŋgə, təki məs akkalaŋ aɓəlka. Ndəɗaŋ pak aknəhaŋgək də Zeŋgile Salala, tay əpelnən wən na Maŋgəlva məza də geslne ɓa.

Wəza net Masləŋɗe 5:33

Adan aprəməni, gədivit adək diyɗa, yaŋ adaŋglaŋ əzetini.

Wəza net Masləŋɗe 7:38

Ndəni pay əkkal a kapta-muyã dəziw də maslay məs dədawpelsən aka mossorgo metiŋ na Sinay gəm efiŋgiɗmə, ndəni dətaf əpel na zeŋgile kapsəmə.

Roma 1:16

Wil aduwən na aka Alabara Nenek ɓa, əɓap na Maŋgəlva yi vi əkõh na ɗəf məs dətaf pakə, anet mə Yudeɗ daabəŋ asna Gərekɗe.

1Korintus 1:24

Ya azet məs Maŋgəlva ayə, mə Yudeɗi gəm Gərekɗe, Kristu wi əɓap na Maŋgəlva gəm maɗɗula na Maŋgəlva.

2Korintus 2:17

Vi mənam tat va ɗiy diyɗa məmanən əpel na Maŋgəlva va zəga naɗɗa terere ɓa. Vi gegesiŋgi, səza Maŋgəlva, aba Maŋgəlva gəm addəv Kristu mədawpele.

2Korintus 4:2

Məmpetik zəgeɗ naɗɗa mahaɗamma narba wili. Mawdaw addəv vurum mãy əkkpaŋgan əpel na Maŋgəlva ɓa. Ya də gegesiŋ məs dədarba mədazga' sit ɗiy pak aba Maŋgəlva.

Efesus 5:13

Ya zəgeɗ en məpeset pak, əkeɗeɗe warbeti.

Efesus 5:26

Vi kakkpeŋget salala də əzlzleyit aret iŋkile na əpel nani.

Efesus 6:17

Məɗup əkõh ka kulpup na təbza, gəm Əmpəs ka masalam, ndəni əpel na Maŋgəlva.

1Tesaloniki 2:13

Vi wən nani məppana əɗɗa soko sən Maŋgəlva ɓa, vi kətafənək alabara na Maŋgəlva sə mamə, kətafən va əpel net ɗiy ɓa, ya va əpel na Maŋgəlva kətafən gesiŋ gesiŋ. Tay əɗɗa wəza a makrokum munokum məs kətafaŋgə.

1Tesaloniki 5:23

Maŋgəlva afən zazay sən kiyən dubburkum tu'tu'u, gəm dəgagən zukum gərak lewlewi, əmpəs nokum, magenegenekum gəm gəɓa zukum, vi kəssoŋgən məza heslepe ɓa pay nazza na Daya nam Yesu Kristu.

Ibriɗe 13:7

Məɗɗumon wən net ɗiy gugriɗ nokum məs dərban sukumən əpel na Maŋgəlva. Məɗɗumon va ənziya net agrakə, məzban ətaf neti.

Ibriɗe 6:5

dənanən əpel nenek na Maŋgəlva gəm gbogboŋ na dələv an dədazzani,

Yakob 1:18

Də wəŋgla nani apsəm zeŋgile də wəpel nan an gesiŋ, vi məsamgəm dadabya net zəgeɗ en azəməɗ pakə.

1Piyer 1:23

Nokum kuwaŋgək meleketekum, məza də zeŋvə məzəŋgəna ɓa, də zeŋve məs aŋgəna ɓa iyi, də əpel madaran na Maŋgəlva dəsan faɗi.

Hənhən 1:16

Ngərzleɗ tahəŋ buhul dəka van dəzəŋ kãwwã, masalam məs man sula agilik səmani. Haran əwiɗ va pay aka tataŋpaya.

Hənhən 19:15

Masalam məs man hoɓhoɓ tay əgilyen sə man kawzet ɗiy-ɗarə. Wazəm məlĩ aket də zleŋge na təbəza, waɗot uwa net wəleŋɗe na mbazla a təki nawɗotti, ndəni wədagədəv na Maŋgəlva məs dəsan məlĩ aka zəga pakə.

Hənhən 19:21

Masalam məs dədawgilyen səma ɗəf məs dəpeŋ aka pələs nak abeyik məzəlpaŋ net pakə. Biŋgeɗ pak abaŋgək də sluwit sawɓa.

Hənhən 2:16

Aɗimarava kana, vas ɓa na in tat əzzaw abe aŋ siɗikke, wanəlpə dənɗaŋ dəndə masalam na mawa.

Hənhən 2:23

Gewleɗ nat na, wanəbeye, gəleɗe na Maŋgəlva pak wasənnən na intə məkoson əɗɗumo gəm makret ɗiyi. Wanəfaɗsən naway di pak va azet wəzaɗe nani.

Hənhən 20:4

Yaŋ nula mezeŋgeɗ na məlyã, ɗiy məs dəssoŋ aket arəhaŋgək gbogboŋ nawtawwəna. Nulak zeŋgilet ɗiy məs məbeyit vi adawpelin wən na Yesu gəm əpel na Maŋgəlva gəm ɗiy məs dəgagdakanən zəga mamayã ɓa mãy zeŋgilen ɓa, dətafən voɗoko nan a mirbizit ɓa, awaniɓa aza vet ɓa. Assoŋguk mederet də Kristu, tahəŋ wəzəmaŋ məlĩ dəndən gap wəzva gabalə.

Mətawaŋwəna 3:16

Ehud abayək masalam man sula, zezek nan ərga va ɗəf taka, aynan dəddəv lukut nazan aka mettilen dəzəŋ.