Ibriɗe 3:6 - Bible en Guidar

⁶ Ya Kristu na Wətən Maŋgəlva yi aka gəla nani, mənamtə gəla nan vani, an mənam tat əsok zəm də gegesiŋ gəm məppan ərma ənnek na əga nam ɓa.

Nouveau Testament en Guidar

⁶ Amma Krestuwi Wətən Maŋgəlva* məs də goŋga, Ɗəfdayayi eŋgil ana Maŋgəlva da, mənamtə gəla nani, an məppan wəsok zəm də goŋga nan ɓa, an mənam tatə gan ha pay wəgrak nani.

Bible en Guidar

⁶ Ya Kristu na Wətən Maŋgəlva yi aka gəla nani, mənamtə gəla nan vani, an mənam tat əsok zəm də gegesiŋ gəm məppan ərma ənnek na əga nam ɓa.

Ibriɗe 3:6 ပူးပေါင်းရင်းမြစ်များ

Gəlyaɗe 2:12

məɗi ki muzliya; vas ɓa wadəgədəva, wakəzaŋ aka tive, sən wən siɗikke wadə gədəva! Ənnek azet ɗiy en dəɗamaŋ azani.

Ezekiyel 46:10

Dəwəl sən məlyã, dətoŋgən dənɗaŋ pay adawtoŋgoŋgu, dəgilgən dənɗaŋ pay adawgilyoŋgu.

Matiye 10:22

Ɗiy pak wazelkumən vi iya nawa. Ya ɗəf an dəziw ɓəlɓəl hã aza əgrak na wakõhu.

Matiye 16:18

Naw in tat ənah suko: Piyer (Milɓe) kənani, ya aka milɓes nədarka Gəla nakkam nawa, maddembeɗe na təki nanziya net mimtit aska na wəlan ɓa.

Matiye 24:13

Ya ɗəf an dəziw ɓəlɓəl hã aza əgrak na wakõhu.

Roma 11:22

Azlək sləma aka moggon gəm daraw na Maŋgəlva, daraw nan aket en məlotti, moggon nan akoko an kəsokuk addəv moggon vani, an vaski ɓa na, nok pak kawlotki yi.

Roma 12:12

Mənnek də əga nokum, məɓəs tatwãha, məkkam pay pakə.

Roma 15:13

Kəta Maŋgəlva Afən əga dəknahkum də ənneke gəm də zazay addəv ətafa, vi əga nokum dəɓaygən də əɓap na Zeŋgile Salala.

Roma 5:2

Ɗəzani mərah mbəlembəle əŋ də ətafa, məs mədawziw gəm mədawɗi ənnek nam addəv əga gagdak na Maŋgəlva.

1Korintus 3:16

Kəsənnən na gəla na Maŋgəlva kənanəni gəm Əmpəs na Maŋgəlva tay addəvkum ɓa sa?

1Korintus 6:19

Awaniɓa kəsənən na gəba zukum gəla na Zeŋgile Salala məs dəsan addəvkumi, məs kərahaŋ səza Maŋgəlva gəm na kiykum kənanən ɓa ɓa sa?

2Korintus 6:16

Mi dəsapan Gəla na Maŋgəlva dit zəgeɗkamaŋgəlva di? Vi nam Gəla na Maŋgəlva madaran mənani, va Maŋgəlva anah na: Wanəsaw də gəla a waleŋti, wanəbbal a waleŋti Wanəsaw Maŋgəlva neti, wassoŋ ka ɗiy nawa.

Galatiyen 6:10

Vi vaski, an mərahək pay nan na, məgəɗ səm moggon sit ɗiy pakə, sasak sit ɗiy en də mənam addəv ətafa.

Galatiyen 6:9

Mədawya də əɗɗa moggon ɓa, an məyə ɓa na, waməbəl an pay nan agapka.

Efesus 3:12

Ndəndəni, mərah əsən gesiŋ gəm ətoŋ aza Maŋgəlva kiyəm foŋgo də ətaf an mətafa.

Kolosi 1:23

an mənokum tat addəv ətaf ziw ɓəlɓələ, məza əppan zukum əkukum faraɗa səza əga na Alabara Nenek məs kəprəmaŋgəŋ ɓa, məs məpel wən nan aza an məzəməɗən naka dəlvafuŋ pakə, məs in Pol nəkkpaŋ məgəɗ wəza nanəŋka.

1Tesaloniki 5:16

Mənneken zukum pay pakə.

2Tesaloniki 2:16

Daya nam Yesu Kristu zək nani gəm Maŋgəlva Afəmə, məs dəŋgluwmə, dəpsəm əsɓan makram gəm əga moggon də mbəlembəle nani,

1Timote 3:15

Də as pakə, an nəliyək na, kəsəngən va mbar kəssok addəv Gəla na Maŋgəlva di, va ənəh na ɗiy na Maŋgəlva madarani, məs dəsan dədəka gəm gabba gegesiŋ.

Ibriɗe 1:2

ya aza wəgrak na pay nan kan na, Maŋgəlva apel səmək də ma Wətəni, məs aɗi aka zəga pakə, ndəndəni Maŋgəlva azəməɗ zəgeɗ pakə.

Ibriɗe 10:19

Milmiŋgiɗwa, vi mbel na Kristu məs dəziyaŋ kan mərah tive nawtoŋ a təki məs salala an dədayə.

Ibriɗe 10:21

Mənam tat də daya net məsdəlveŋge, ndəni məɗiyən aka gəla na Maŋgəlva.

Ibriɗe 10:23

məzban səm ərban əga nam məza əddak ɓa, vi məs diynan səm mani, nan akkpaŋgan man ɓa.

Ibriɗe 10:35

Kədappanən ətaf nokum ɓa, vi wakərəhaŋ zəga na vokum diyɗa.

Ibriɗe 11:1

Ətafa ndəni tive narban na is tat də zəga kədawga van avok səkayə. Tive nawsən gesiŋ net zəgeɗ məs hara ɗəf awlet ɓa yi.

Ibriɗe 3:14

Vi mənam pak məkkpaŋgək ɗiy na Kristu, an mərmak wən nan də makram taka məppan ɓa va mərma wən nan aka wətəŋ nani.

Ibriɗe 4:11

Məgəmsəm zəm kan ətoŋ addəv əffet vanəs kana, vi ɗəf adazbər sən zev əggbak mas ɓa.

Ibriɗe 4:14

Adan mənam tat də daya net məsdəlveŋge metiŋgini, ana Yesu Wətən Maŋgəlva məs dəgap a təki nassa na Maŋgəlva, mərmasəm ətaf mədawpel wən nanəŋ ɓəlɓələ.

Ibriɗe 4:16

Mədder səm kan kiyəm foŋgo aza mazaŋga na mbəlembəle vi mərahgən ulasahã gəm mbəlembəle, mərahgən əbbah də pay an aŋgələ.

Ibriɗe 6:11

Məŋgəl kan na naway di pak sə walaŋkum dəsok zən əmbat abe abe addəv an adawga hã aza əgraka,

Ibriɗe 6:18

Zəgeɗ tahəŋ sula məza awpəlaŋ ɓa, ndəɗaŋgə iynama gəm əswaya, Maŋgəlva awəna wən dənɗaŋ ɓa, tay əsɓamən diyɗa mənam məs məppan zəga pak vi karma əga an məs anah napsəmə.

Ibriɗe 7:19

Vi tay an mahenziŋ aknahan ɓa, ya an məs mədawga day adeke, məs mədawzar aza Maŋgəlva ndəndəni.

1Piyer 1:8

Kəŋglunənka məza kulanən ɓa, kulanən yaŋkəŋ ɓa, kətafnənka. Vini kədannekenən zukum də ənnek metiŋgin na sləma,

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.

1Piyer 4:17

Vi pay agapək məs ətawwən adawtəŋ də gəla na Maŋgəlva. Ya an atəŋgək də mənam na, mbari əgrak net ɗiy məs dətafən Wən Nenek na Maŋgəlva ɓa di?

Hənhən 2:18

Aver sən maslay na gəla na Maŋgəlva na Tiyatira na: Aŋki an Wətən Maŋgəlva adawpele, ndən məs haran va hərzlum offo nzilimnzilimi, tələn va təbəz pepreŋ məzuwiɗe.

Hənhən 2:25

Mərma wən məs kərəhaŋ kaka ɓəlɓələ, hã gap in mili.

Hənhən 2:26

Məskəwəla məs dərme wəzaɗe naw hã aza əgrak nan na, wanəpsən gagdak aket ɗiy-ɗarə,

Hənhən 3:11

In tat əzzaw abe siɗikke. Arma an kərah ɓəlɓələ, vi ɗəf adawmõh suk mətərkiya nok ɓa.