Ibriɗe 2:17 - Bible en Guidar

¹⁷ Ndəni, aslək dəgilgən va milmiŋgiɗin addəv zəga pakə, vi dəsangən də ulasahã, daya net məsdəlveŋge də gegesiŋ addəv wəza nan aba Maŋgəlva pakə, vi kavvuyon mambray net ɗiyi.

Nouveau Testament en Guidar

¹⁷ Dewle say dəgil gən va milmiŋgiɗni adəv zəga pakə, vi dəsan gən daya net məs dəlveŋge, an də goŋga də ula saha adəv wəza nan pak aba Maŋgəlva, vi ɗii dərəhaŋ gən wəviyan mambray neti.

Bible en Guidar

¹⁷ Ndəni, aslək dəgilgən va milmiŋgiɗin addəv zəga pakə, vi dəsangən də ulasahã, daya net məsdəlveŋge də gegesiŋ addəv wəza nan aba Maŋgəlva pakə, vi kavvuyon mambray net ɗiyi.

Ibriɗe 2:17 ပူးပေါင်းရင်းမြစ်များ

2Alabaraɗe Də Mabərkiziti 29:24

Məsdəlveŋge atawən wəleti, aggbo'nin mbel net aka matuya ka əzaɓ-Maŋgəlva navvuyon mambray vi kavvuyon mambray səka Israyel pakə, vi ammba Israyel van baymani yi məlĩ aɗi wən naɗɗa əvəl nawzla kurmbuɗuk gəm əzaɓ-Maŋgəlva ammba mambraya.

Isaya 11:5

Təstəs gəm an dəslə wassoŋ sən va maslapa naynan dadakni.

Ezekiyel 45:15

Səret timeŋgiɗ səkat sula a gazlaŋ na Israyel pakə, time taka kədawgəmaŋgə. Kəkiyaŋgən əvəl na zəga na mabardaw, zəga na əvəl nawzla kurmbuɗuku, zəga na əzaɓ-Maŋgəlva nawki zazaya, vi kaɗɗa mahenziŋ navvuyon mambray səket ɗiyi. Daya Yawe aɗiymani.

Ezekiyel 45:17

Əvəlnawzla-kurmbuɗuk aka məlĩ adawsani, əvəl də zəga na mabardaw gəm zəga nawsa, pay net wəzləreɗi, wəzləra na təlaper, pay naffete, pay net wəzləreɗ na Israyel pakə; məlĩ yi dədawtaw zəga nawzaɓ-Maŋgəlva vi navvuyon mambray də zəga na mabardaw, zəga na əvəl nawzla kurmbuɗuku, əzaɓ-Maŋgəlva nawki zazaya, vi kaɗɗa mahenziŋ navvuyon mambray naket ɗiy na Israyel.

Ezekiyel 45:20

Vaski kədaɗɗanə'e aka lumu taka na təla, vi ɗəf an dəgəɗ mambray də əzlzlaɓa awaniɓa məza wa' ɓa. Kəɗɗanəngən matuya nawndolon Gəla na Maŋgəlva.

Daniyel 9:24

Mətaw siti lumu taka təl kaklaw buhul sit ɗiy noko də walaŋgəla-metiŋ nok salala, vi kawtak əggbak ma gəm kawziwgin mambraya, kavvuyon heslepe, təstəs dəsangən hã faɗə, vi ula də kəleŋ dəsoŋgən gesiŋ gəm kawpesl məwele an salala day.

Məsdəlveŋge 14:18

Mẽl an dəpəl aka vani, məsdələv dəppaygən aka ki ɗəf naslslaya; məsdələv dəɗɗagən matuya navvuyon mambray aba Yawe.

Məsdəlveŋge 16:16

Dəɗɗagən matuya navvuyon mambray na əɓoŋ net mə Israyelɗe addəv gəla salala, va ənahən na mambray net pakə; vas adaɗɗan addəv gizlirke nalma də Maŋgəlva məs dəsan awalaŋ mambray neti.

Məsdəlveŋge 8:15

Moyis atawək wəlani, atef mbel; aɗi də van azet mohõ matuya vi kawpeslini; azlif mbel dəppaŋ nek aza gabba matuya apesl ka nawzaɓ-Maŋgəlva navvuyon mambray akani;

Əŋɗa 15:25

Məsdələv dəɗɗagən mahenziŋ navvuyon mambray aka sap net mə Israyelɗe pakə, warəhaŋ əvvuy na mambraya. Vi heslepe van dəva ɗəfi ɓa, ya akiyaŋgək əvəl neti, may zəgeɗ nawzəm sən Yawe, gəm əmpa əzaɓ-Maŋgəlva məs adaŋ ammba heslepe net məs dəva ɗəfi ɓa.

Roma 15:17

In tat də ənnek addəv əsap də Yesu Kristu, aka wən na wəza na Maŋgəlva.

Roma 5:10

Vi aka məsam məzuzelɗe na Maŋgəlva, məsleremi dəndən də əmta na Wətəni, sasak məsam məslerməŋ na, waməkõh addəv zeŋgileni.

Efesus 2:16

Asleretik sulegit də Maŋgəlva addəv gəɓa zə ɗəf taka, də məzliwrihe, dəndəni azanək əzele.

Kolosi 1:21

Nokum, faraɗa kənanaŋ lahəŋka, məzuzelɗe, addəv əɗɗum də wəza nokum mbərayən.

Ibriɗe 10:21

Mənam tat də daya net məsdəlveŋge, ndəni məɗiyən aka gəla na Maŋgəlva.

Ibriɗe 2:11

Vi Yesu, məs dəskoɓ mambray net ɗiyi dit ɗiy məs məskoɓ mambray net van pak akkpaŋgaŋgək Afit taka. Vini wil dədanən dawyet na milmiŋgiɗwa ɓa.

Ibriɗe 2:14

Kirin net tahəŋ də gəɓa ziti dit mbeli, ndəni kan Yesu asan va ndəɗaŋ, agəmək gəɓa zə ɗəf va neti, aɗɗa vasna, vi də əmta nani adawzan ɗəf an də gbogboŋ aka əmta, ndəni Satan.

Ibriɗe 2:16

Sesseli, anet maslayɗe ade əbbah sit ɓa, ya kirtin Abraham ade əbbah siti.

Ibriɗe 3:1

Milmiŋgiɗwa, mənokum ɗiy salala, məs də haran net addəv iya dəde sə disiŋ, məɗɗumon wən na Yesu məs Maŋgəlva aslən dəsangən daya net məsdəlveŋge məs mətafə.

Ibriɗe 3:2

Vi tay əɗɗa zəga təstəsə aza Maŋgəlva, muwelni vi wəzaŋka, va Moyis asan təstəs aka wəza eŋgil ana Maŋgəlva da pakə.

Ibriɗe 3:5

Moyis təstəsi addəv gəla na Maŋgəlva pakə. Gawla na Maŋgəlva yi, apelik wən net zəgeɗ məs Maŋgəlva adarbet addəv pay məs dədazani.

Ibriɗe 4:14

Adan mənam tat də daya net məsdəlveŋge metiŋgini, ana Yesu Wətən Maŋgəlva məs dəgap a təki nassa na Maŋgəlva, mərmasəm ətaf mədawpel wən nanəŋ ɓəlɓələ.

Ibriɗe 4:15

Daya net məsdəlveŋge nam waɓap ulasahã akam addəv əddak namə, vi nak pak mərakani va nam addəv zəga pakə, ya nan dəgəɗ mambray ɓa.

Ibriɗe 5:1

Daya net məsdəlveŋge pak sə weleŋgit ɗiy adawelini, wəza nan na: əɗɗa wəza sən Maŋgəlva ammbeti. Ndən dədapsən əvəl sən Maŋgəlva gəm dəzaɓ-Maŋgəlva viyit mambrayɗe.

Ibriɗe 5:10

Ndəni Maŋgəlva aɗiy ka daya net məsdəlveŋge, va məsdələv Melkisedek.

Ibriɗe 5:2

Waɓap əsən gabba əssa net ɗiy məs tahəŋ də əsən ɓa, məzuzaŋgə, vi ndən sən kiyən pak attəmanək əddak temtem diyɗa.

Ibriɗe 5:5

Vaski yi'e Kristu dəgəm gagdak nassa daya net məsdəlveŋge sən kiyən ɓa. Maŋgəlva iyi dənahsən na: Wətu kənani, dəpaŋ nəwuko.

Ibriɗe 6:20

a təki Yesu atoŋ viyəm daabəŋ kiymə, akkpaŋ daya net məsdəlveŋge hã faɗ va Melkisedek.

Ibriɗe 7:26

Zev Daya net məsdəlveŋge aski dəslə səmə; salala, məza heslepe ɓa, məza haramba ɓa, awɗakək dit məs mambrayɗe, məslani a disiŋ ki disiŋ.

Ibriɗe 7:28

Vi mahenziŋ aɗiyit ɗiy də əddak net dəssoŋgən deyeɗe məsdəlveŋge. Ya əpel na əsway na Maŋgəlva məs dəde dərɓaga mahenziŋ, aɗiyək Wətəni dəsangən məsdələv an gərrak hã faɗə.

Ibriɗe 8:1

Aŋki ki wən na əpel nam pakə: Mənam tat də zev Daya net məsdəlveŋge vanəs gesiŋ məs dəsan aka va dəzəŋ na mazaŋga na məlĩ Maŋgəlva a disiŋ,

Ibriɗe 8:3

Daya net məsdəlveŋge pak məɗiyən napsən əvəla gəm əzaɓ-Maŋgəlva yi; vasna wəray nan wasan nawrəh zəga naɗɗa əvəla.

Ibriɗe 9:11

Ya Kristu adeke, ndəni daya net məsdəlveŋge na moggon temtem dədazzani. Atoŋguk addəv gizlirke metiŋgin gəm an gərrak nalma də Maŋgəlva məs wəza na va ɗəfi ɓa, va ənəh na, məs səka dəlvəŋki ɓa,