Ibriɗe 13:17 - Bible en Guidar

¹⁷ Məprəm met ɗiy gugriɗ nokum də əzban an adarban sukuməni. Vi Tahəŋ wəga zeŋgilokum məza wəfet ɓa, adan waŋɗanən wəza net aba Maŋgəlva. Vasna waɓap əɗɗanən wəza van də zit neki məza də wərwər ɓa vi asan na ka nawtər sukum ɓa.

Nouveau Testament en Guidar

¹⁷ Məpprəm met ɗii gugiriɗ nokum də wəsban tive məs adarban sukuməni. Tahəŋ wəganən zeŋgillekum məza wəfet ɓa, vi waŋɗanən wəza net sən Maŋgəlva. An munokum tatəpprəmən meti, waɗɗanən wəza nan də zit neki, an tay vas ɓana, waɗɗanən wəza net də wərwər amekreti, ya an tay vas na, kərəhaŋ na riba ko suɗike ɓa.

Bible en Guidar

¹⁷ Məprəm met ɗiy gugriɗ nokum də əzban an adarban sukuməni. Vi Tahəŋ wəga zeŋgilokum məza wəfet ɓa, adan waŋɗanən wəza net aba Maŋgəlva. Vasna waɓap əɗɗanən wəza van də zit neki məza də wərwər ɓa vi asan na ka nawtər sukum ɓa.

Ibriɗe 13:17 ပူးပေါင်းရင်းမြစ်များ

Va'Atəŋ 16:9

Maslay na Yawe apsət na: «Amil azat ɗak daya noko, avoŋ sən an tədawnah suko.»

Əgilye 32:31

Moyis amndanək aza Yawe, yaŋ amna: «Kamə, ɗiyiŋ aɗɗaŋgək mambray metiŋgini, aɗɗaŋgək meŋgilveɗ na meleŋge sən kiyti.»

Wənməkkpaŋga 5:13

Vimi nəprəm əyak net mərbaŋ suwən zəga ɓa gəm nəpak sləmaw ammba əyak net məzəyagawən ɓa di?

Isaya 62:6

Aka zlava nok na Yerusalem nəziwgit məgaɗe; dəfəɗ də kapay pakə, adassoŋ simbimme ɓa. Mənokum məzəfɗahan sənən wən nan sən Daya, kəffeteŋ ɓa.

Yeremiya 13:17

An kəprəmən əzga'əs ɓa, wanəhəm mahaɗama sən əkaɓ nokum, wanəmet sini, haraw wasan zletzlet dit sini, vi məkani gazlaŋ na Yawe aka balamə.

Ezekiyel 33:2

«Wətən ɗəfa, apel sit ɗiy noko, kənah sitgən na: An in tat əki masalam aka dəlva: Ɗiy naka dələv van wagəmaŋ ɗəf taka səreti, waɗiynən ta' ka məzuga neti.

Luka 16:2

Yaŋ aya, aɓsən na: Mi nədaprəm əpel akokuŋ di? Aŋɗan su wəza narma arya nawa, vi kəɗɗa wəza narma arya naw əmpa ɓa.

Wəza net Masləŋɗe 20:28

Məga zukum mənokum sən kiykum, gəm ngaɓa məs Zeŋgile Salala aɗikum akan ka məgaɗe. Məssoŋ məzuteɗeŋge na əsap net məkristuɗe na Maŋgəlva, məs arah də əmta na Wətəni.

Roma 14:12

Vas kan na, mənam pak waŋɗan an məgəɗ sən kiyəm sən Maŋgəlva.

1Korintus 16:16

Məɓe' sit ɗiy en veski gəm sit en dədaɗɗaŋ wəza gəm dədawzəmaŋ sahã va neti.

Efesus 5:21

Məɓe' sən zukum addəv geslne na Kristu.

Filipi 1:4

Addəv əkkam naw vikum pay pakə, in tat əkkam də enneke,

Filipi 2:12

Bayneŋgiɗwa, pay nəsaw anokumda na, munokum tat əprəmən maw pay pakə. Ya adan kakaŋ faraɗa nan də munokum, məprəm mawa. Məɗɗa wəza nawkõh nokum də geslne də wəkkere.

Filipi 2:16

də ərma əpel na zeŋgile ɓəlɓələ. Wasan ənnek naw pay na Kristu, vi nənzaw ɗar ɓa, nəyə ɗar ɓa.

Filipi 2:29

Vi vaski mətaf kan də zukum nek addəv Daya, məɗi kiyit ɗiy zev en veskiski.

Filipi 3:18

Nənah sukumək ɗayɗayə ya kakaŋ na də sin araw nədawnah sukum, ɗiy diyɗa tahəŋ ədawaŋ va meseŋgiɗ əmta na Kristu.

Filipi 4:1

Milmiŋgiɗu na makrawa, maw aka ulukum, mənokumtə ənnek gəm gagadak nawa, vasna məziw ɓəlɓəl addəv Daya bayneŋgiɗwa.

2Tesaloniki 3:14

An ɗəf dəɓe' sən əpel nam naddəv letərəŋ ɓa, məsəŋlani, kədawsapaŋ dəndən ɓa, vi wil dədanəngəni.

1Timote 5:17

Ɗiy məsɓet en mədawgənən wəza moggon na, adahək nawfaɗ sit təl sula, sasak en məzuyaŋ addəv ərbawəna gəm əɗɗa əyaka.

Ibriɗe 13:24

Məsɗet ɗiy gugriɗ nokum gəm ɗiy salala baymeti. En na Italiya tay əsɗokuməni.

Ibriɗe 13:7

Məɗɗumon wən net ɗiy gugriɗ nokum məs dərban sukumən əpel na Maŋgəlva. Məɗɗumon va ənziya net agrakə, məzban ətaf neti.

Yakob 4:7

Məɓe'gən kizukum aba Maŋgəlva, məsok zukum Satan wanzan sukum.

1Piyer 5:5

Gewleɗi, nokum pak məprəm met ɗiy məsɓeti. Məɓe' sən zukum addəv ənziya a walaŋ zukum pakə. Va Əver anahə: Maŋgəlva tay əbay gagay sit məgagdakanən ki ziti, ya wapsit mbəlembəle sit ɗiy məɓe'gənən ki ziti.

1Samiyel 8:19

Mə Israyelɗe aɓoŋgoŋgək dəprəm ma Samiyel, aɓɗaŋ na: «Owwo nam məlĩ dəsan akam dərəŋgə.