Ibriɗe 13:15 - Bible en Guidar

¹⁵ Də iya na Yesu, məpsən səm əvəl nawɗi kiya sən Maŋgəlva məza əppan gabban ɓa, va ənəh na əpel na mam məzuya iya nani.

Nouveau Testament en Guidar

¹⁵ Məpsən səm zəga sən Maŋgəlva məza wəppan gabban ɓa, ndəni wəgakdakani, tay va zəga mətaw wəlan də Zezu va wənah na məgakdakan səm iya nan ɗayɗay də mamə.

Bible en Guidar

¹⁵ Də iya na Yesu, məpsən səm əvəl nawɗi kiya sən Maŋgəlva məza əppan gabban ɓa, va ənəh na əpel na mam məzuya iya nani.

Ibriɗe 13:15 ပူးပေါင်းရင်းမြစ်များ

2Alabaraɗe Də Mabərkiziti 29:31

Məlĩ Hizkiya agəmək əpele, amna: «Gəgaŋ na, adan vokum tay məknəhən sən Yawe, məde məki zəgeɗ nawzaɓ-Maŋgəlva də əvəl nawfet addəv gəla na Yawe!» Yaŋ ɗiy akinin zəgeɗ nawzaɓ-Maŋgəlva gəm əvəl nawfete. Ɗiy en məs mekkret də əŋgla pak akiyaŋgək zəga naɗɗa əvəl nawzla kurmbuɗuku.

2Alabaraɗe Də Mabərkiziti 33:16

Yaŋ azaɓan matuya na Yawe, azaɓ-Maŋgəlva nawrəh zazaya gəm naɗɗa soko, aɗi wən nan sən Yuda dəkkamangən Yawe Maŋgəlva na Israyel.

2Alabaraɗe Də Mabərkiziti 7:6

Məsdəlveŋge tahəŋ ama wəza neti, mə leviɗe tam dit zəgeɗ na gəlya məs məlĩ Davit azaɓ nawgagdakan Yawe ənəhaŋ na: «Vi moggon nan tay hã faɗə.» An Davit anahək dəgagdakanən Yawe; asna məsdəlveŋge uffoŋ mohõ abeti, mə Israyelɗe pak ziwziwi.

Ezra 3:11

«Də wəɗi ki Maŋgəlva, də wəfet aka Yawe, ndəɗaŋ əddəɗanən əpel vaŋka: Lewi, vi moggon nan tay aka Israyel faɗə. Ɗiy pak aŋzlaŋgək vaŋvəl nawɗi ki Yawe vi gabba Gəla na Yawe məɗiyəni.»

Nehemi 12:40

Vandayɗe net məyaŋ gəlya sulegit pak azəweŋgək addəv gəla na Maŋgəlva. Naw pak in ziw, dit mətawaŋwən məzəwdawaŋ ammbaw pakə.

Nehemi 12:43

Dəpasək na, məziyi mbel afuŋ diyɗa dəka ənnek na wəzləra. Vi Maŋgəlva aknihik ɗiy nan də ənnek diyɗa. A Yerusalem na, zit gil dit kirin memeɗeŋɗe tam annekeŋgik sawɓa, hã gugoyo net əprəm səka faraɗa.

Gəlyaɗe 118:19

Məkol su maddambeɗe məs ɗiy təstəs adawtoŋgoŋgu, nətoŋgən əɗi ki Yawe.

Gəlyaɗe 119:108

Kamə ataf əvəl na əkkam nawa Yawe, ayagaw wətawwən nok temtemi.

Gəlyaɗe 18:49

Is tat əkõhgu səvet məzuzelɗe nawa; gəm əmpa is tat əkõhgu səvet məzusilyoŋ akawa, gəm səvet məsgagayɗe.

Gəlyaɗe 50:14

Afet aka Maŋgəlva a gəla əzaɓ-Maŋgəlva, gəm aɗɗa an mok aynə sən Məsəɗəɗə.

Gəlyaɗe 50:23

Məzaɓ-Maŋgəlva nawfet akaw tay əgagdakawa. Məzək sləma aka tive nani, wanərban sən əkõh na Maŋgəlva.

Isaya 57:19

Wanəgul əpel nawgagdakaw a meti. Zazaya, zazaya, vi ɗəf an fusu vi ɗəf an go'o Yawe anahə. Wanənzaɗa.

Yeremiya 33:11

gogoyo na əpepɗeke, gogoyo na ənneke, gəlya na məɓel gulku də əɗɗəla nat məɓelta, wəlet ɗiy məzunəhaŋ na: məɗi ki Yawe Məzuɓappakə, vi Yawe moggoni yi, vi moggon nan hã faɗi yi. Kaprəmi wəlet məkiyaŋ zəga nawfet addəv gəla na Yawe. Vi wanəzaɓan wən na dəlvəŋ va asan lahəŋka» Yawe anahə.

Yeremiya 33:18

Ɗiy məsdəlveŋge mə leviɗe arslaŋ na səbaw nawzla əvəl nawzla kurmbuɗuku, gəm nawzla tursan, gəm nawtaw wəlet zəgeɗ pay pak ɓa.

Hose'a 14:2

Israyel amndok aza Yawe Maŋgəlva noko, vi heslepe nok ataŋgbaygukko.

Məsdəlveŋge 7:12

An əzaɓ-Maŋgəlva sap də əya gəlya amban adawkiya, asna dəvəlgən ammba əzaɓ-Maŋgəlva sap də əya gəlya van: Gəpa məpəpəla məza wuɗo ɓa məllaɓən də mẽlẽ, gbirdidi məkete'it də mẽlẽ gəm gəpa kukuɗ məslahan də gəpa məpəpəla məllaɓən moggon də mẽlẽ;

Əŋɗa 7:62

hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

Matiye 11:25

Pay nan dəpaska, Yesu agəmək əpele, yaŋ amna: Intat əgagdokoko Əbba, Daya na disiŋ də dəlvafuŋ, vi kəɗemetik zəgeɗis səma heret məs maɗɗulet dit məs əsəna, kərbet sit kirin muzliyeɗi.

Luka 10:21

Avan avanəs ləŋ, Zeŋgile Salala aknahək Yesu də ənneke yaŋ amna: Intat əgagdokoko Əbba, Daya na disiŋ də dəlvafuŋ, vi kəɗemetik zəgeɗis səma heret məs maɗɗulet dit məs əsəna, kərbet sit kirin muzliyeɗi. Ha'aw, Əbba, vi vaski kəŋglu dəgəɗgən ama horoko.

Yohanna 10:9

Naw, intə maddamba, an ɗəf atoŋguk dəkawa, wakõhu. Watoŋgu, wagili gəm warah ətaɗa.

Yohanna 14:6

Yesu azlan sən na: Naw, intə tive, gegesiŋ gəm zeŋgile. Ɗəf tay nawmbat aza Afən an də iyni ɓa ɓa.

Roma 12:1

In tat əɓɓəlokum kana milmiŋgiɗwa, də ulasahã na Maŋgəlva kərahaŋgəŋ na, məpsən zukum ka əzaɓ-Maŋgəlva madarani, salala, məs dəslə sən Maŋgəlva. Aski əpəl nokum dəslə na əpalən.

Roma 6:19

Va ɗəf nadawpele, vi əddak na gəɓa zukum. Va kəppetin zəgeɗ na gəɓa zukum ka belemɗe na ərnoko gəm na mbərayən, ka sən mbərayni, vaski, kakaŋ na, məɗi zəgeɗ na gəɓa zukum ka belemɗe na təstəs ka nawɓay addəv salala.

Efesus 2:18

Vi mbəlembəle nani, mənam sulegəm pak addəv Əmpəs taka mərah ətoŋ aza Afəni.

Kolosi 1:12

məgəɗ sən soko sən Afəni, məs dəkkpaŋgokum də əɓap nawrəh haran nokum səza an məzaɓan sit ɗiy salala addəv əkeɗeɗe'e.

Ibriɗe 12:28

Adan məlĩ məs aɓəl na ɓa mərahə, mərma səm mbəlembəle van lewlewi. Məgəɗ səm wəza nannek zən Maŋgəlva də mbəlembəle vani, də əɓe'səni gəm də əgeslne' səni.

Ibriɗe 7:25

Vi vaski waɓap əkõhgit ɗiy məs dəzaraŋ dəndən aza Maŋgəlva ha faɗə, adan madarani hã faɗə nakkam ammbeti.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.

1Piyer 4:11

An ɗəf wapeli, dəpel wən na Maŋgəlva; an ɗəf tay əɗɗa wəza, dəɗɗa də gbəgboŋ an Maŋgəlva apsəni, vi addəv zəga pak Maŋgəlva dərahgən gagdak də Yesu Kristu məs gagdak də əɓap pak asan nan hã faɗə. Amin!