Ibriɗe 12:22 - Bible en Guidar

²² Ya nokum kəddereŋgik aza mossorgo metiŋ na Siyon gəm aza walaŋgəla na Maŋgəlva madarani, va wənah na, Yerusalem na disiŋ, dit maslayɗe nan məza aŋɗaŋ ɓa addəv əzləra.

Nouveau Testament en Guidar

²² Amma nokum kəzoŋguk aka gərəm na Siyon, ha awalaŋ gəla na Maŋgəlva madarani, va wənah na, Zerusalem na disiŋ, dit maslayɗe nan məs ɗəf aɓapna wəŋɗet ɓa, vi diiɗa neti.

Bible en Guidar

²² Ya nokum kəddereŋgik aza mossorgo metiŋ na Siyon gəm aza walaŋgəla na Maŋgəlva madarani, va wənah na, Yerusalem na disiŋ, dit maslayɗe nan məza aŋɗaŋ ɓa addəv əzləra.

Ibriɗe 12:22 ပူးပေါင်းရင်းမြစ်များ

2Milyeŋge 19:4

Awsən ɓa, kuzuŋ Yawe Maŋgəlva nok waprəm əpel na daya net məzəlpaŋ na məlĩ pakə, məs məlĩ na Asiri daya nan aslən vi kawran Maŋgəlva madarani. Awsən ɓa, kuzuŋ Yawe Maŋgəlva nok watawwən aka əpel an aprəmə. Akkam ammbet ɗiy en dəppaŋgə.»

Gəlyaɗe 2:6

«Naw nəɗiyək məlĩ naw aka Siyon mossorgo metiŋ salala nawa.»

Gəlyaɗe 42:2

Va mune adaɗɗa haɓakhaɓak ammbet iŋkile na lolohõ, vaski mayuk adawduwa Maŋgəlva nawa.

Gəlyaɗe 48:2

Yawe metiŋgi yi, nawɗi kini diyɗa a walaŋgəla-metiŋ na Maŋgəlva namə, aka mossorgo metiŋ nan salala.

Gəlyaɗe 68:17

Mossorgo metiŋ məs kiyən ɓaɓayə vimi kədaɗɗa kotorok na mossorgo metiŋ məs Maŋgəlva aŋgəl nassa akan di? Maŋgəlva wasan akan faɗə.

Gəlyaɗe 84:2

Məŋgluwək təki nassa nok sawɓa, Yawe Məzuɓappakə!

Gəlyaɗe 87:3

Zəgeɗ gagdakɗe məpelit akoko, walaŋgəla-metiŋ na Maŋgəlva! Əziwe

Isaya 12:6

Ɗiy na Siyon, mərban ənnek nokum, məŋgəsl vaŋvəl sən ənneke, vi Salala na Israyel metiŋgini yi, awalaŋkum.

Isaya 14:32

Kawzlan mbar sit maslənɗe di? Vi Daya dəvani dəmpa Siyon; adaki məssehẽŋɗe net ɗiy nan adawkayaŋ təki nawɗama.

Isaya 24:23

Wil wadanən təla, paya warbə wili. Vi Daya Məzuɓappak məlĩ yi aka mossorgo metiŋ na Siyon gəm a Yerusalem. Gagdak nan warbə a ma heret ɗiy məsɓet nani.

Isaya 27:13

Pay dəpaska, kaffoni gozloro metiŋgini. Asna ɗiy en dəzaŋ aka dələv na Asiri gəm ɗiy en dətrayaŋ aka dələv na Eziptə wamilyoŋgu. Wappu'oŋ aba Yawe a Yerusalem, aka mossorgo metiŋ salala.

Isaya 28:16

Vini Daya, Yawe anah na: «Nəɗiyək gabba gəla a Siyon addəvən na nəɗiyək gərma, gərəm məwele na bezler məmpan ɓəlɓələ. Ɗəf an dəges azani, zəga tay naɓlan ɓa.»

Isaya 51:11

En Yawe apet wamilyoŋgu. Wazzoŋ a Siyon də vaŋvəl nanneke, də ənnek an asərəkaŋ aka maɗɗuleti də ənnek metiŋgini gəm də wəɗɗəla, wəhəm də əɓuhma assoŋ na ɓa.

Isaya 51:16

Nəɗiyək əpel naw a moko, nəɗupuk vaw akoko, nəpakək disiŋ, nəzəməɗek dəlvafuŋgu, nənah sitik ɗiy dəssoŋ a Siyon na: Mənokumtə ɗiy nawa.

Isaya 59:20

Məzubit wade a Siyon viyit ɗiy na Yakob en dəmilyoŋ səka əɓoŋgo Yawe aɗiymani.

Isaya 60:14

Ɗiy en dəzəmgukunən sahã wazzoŋ azok də əmpa kiyit afuŋgu, ɗiy dəzelokun pak wappu'oŋ ammba təlko. Wayukun na: Walaŋgəla-metiŋ na Yawe, Siyon na Salala na Israyel.

Yeremiya 10:10

Ya Yawe yi Maŋgəlva gegesiŋ, ndəni Maŋgəlva madarani, məlĩ an faɗə. An adək gədəva, dələv tay əkkere; ɗiy naket dəlveŋge awɓəsən ədagədəv nan ɓa.

Yeremiya 17:25

asna milyeŋge dəssoŋ aka mazaŋga na məlĩ Davit, məzədawaŋ dit pilseŋge awaniɓa aket mawteɗ net pilseŋge, ɗiy gagdakɗe na wəza neti, ɗiy na Yuda gəm ɗiy na Yerusalem, ɗiyis pak watoŋgoŋ kəla maddambeɗe na walaŋgəla-metiŋgini, walaŋgəla-metiŋ vanəs wasan dit ɗiy addəvən hã faɗə.

Daniyel 6:26

Ndəni məlĩ Dariyus aver sit ɗiy pakə, dəlveŋge temtem gəm ma awandi naka dələv pak na: Zazay dəsan akokum!

Daniyel 7:10

Məlpa na offo tay ədaw əgilye səbani. Ɗiy gabal kəlaw təl gabalɗe tahəŋ əɗɗaŋ wəza abani; ɗiy məza əŋɗa net tay ɓa tahəŋ ziwziw abani. Səza mətəŋ wətawwəna, məkolti ɗerewelɗe.

Matiye 16:16

Simoŋ Piyer azlani amna: Kristu Wətən Maŋgəlva madaran kənani

Matiye 5:35

Də dəlvafuŋ ɓa, vi təki nawɗi təlni, də Yerusalem ɓa, vi walaŋgəla-metiŋ na məlĩ metiŋgi.

Roma 11:26

Asna Israyel pak wakõh va məverin na: Sə Siyon məpəl ɗiy adazzani. Wazargən əkəw aba Maŋgəlva səza Yakob.

Roma 9:26

A təki məs adawnah sitin na: «Ɗiy naw kənanaŋ ɓa!» Adaki adawyenin na: Kirtin Maŋgəlva madarani.

Galatiyen 4:26

Ya Yerusalem an na disiŋ, balamək təɓa, ndəttə mamə.

Efesus 2:19

Vaski kana, məlekeɗi awaniɓa mohõyẽɗ kənanaŋ əmpa ɓa, kəkkpaŋgaŋgək dələv taka dit ɗiy salala gəm ɗiy neŋgil ana Maŋgəlva da.

Əmsak aka Mahenziŋ 33:2

Amna: Yawe adek sə Sinay, «va pay səkəla Se'ir, hã səka gərəm na Paran, akekeɓe' ɗiy nani; Adek azet dit maslayɗe diyɗa. Armak mahenziŋ də van dəzəŋ va offo kerkeri.

Əmsak aka Mahenziŋ 5:26

Agəɗək ɗah aza ɗəf dəprəmgən wəla Maŋgəlva madaran əpel addəv offo ndən ɗew madaran sa?

Filipi 3:20

Vi namə, ɗiy na disiŋ mənani. Sədaki mədawga məzukõhgəm Daya Yesu Kristu ɗəhərra.

1Tesaloniki 1:9

Vi ndəɗaŋ sən kiti apelinik wən nam va kətafməni, va kəkkpaŋgaŋ aza Maŋgəlva də əppet zəgeɗkamaŋgəlva, vi kawgəɗ sən wəza sən Maŋgəlva madaran gəm an gegesiŋ,

2Timote 4:18

Daya wakõhgu səza wəza mbərayən pakə, wakõhgu vi kawku addəv məlĩ nan a disiŋ. Gagdak nani va sayit ɗiy amə pakə. Amin.

Ibriɗe 10:31

Wəbəta ava Maŋgəlva madaran wən nan tuwãhi sawɓa.

Ibriɗe 11:10

Vi tay əga walaŋgəla-metiŋ məs məɗi gabban gboloŋgboloŋgu, məs Maŋgəlva sən kiyən avere, arka.

Ibriɗe 11:16

Gesiŋ nan na, ammba dələv moggon day nassan ka net adawgayaŋgə, ammba dələv net na disiŋ. Ndəni kan wil awdanən Maŋgəlva an məyani na Maŋgəlva neti ɓa, vi azaɓ sitik walaŋgəla-metiŋ.

Ibriɗe 13:14

Vi mənam tat də walaŋgəla-metiŋ afuŋ aŋ nassan faɗ ɓa, mənam tat əkayan walaŋgəla-metiŋ an nazzani.

Ibriɗe 3:12

Milmiŋgiɗwa məzi zukum, vi ɗəf təttaka səmbokum adawsan də makran mbərayən məza də wətaf ɓa ɓa, kapan Maŋgəlva madaran ɓa.

Ibriɗe 9:14

an vaski na mbel na Kristu dədawtəraŋ wəray day pakə. Də Əmpəs nassa hã faɗi apsən zeŋgilen sən Maŋgəlva va zəga mamayã məza heslepe azan ɓa nawzaɓ-Maŋgəlva abbur əɗɗum na makram səzet wəzeɗe mimtit vi məgəɗ səngən wəza sən Maŋgəlva madarani.

Yosuwa 3:10

Yaŋ Yosuwa anah əmpa na: «Aza aŋki kədawsənnən na, Maŋgəlva madaran tay addakkum, gesiŋ warɓih mə kana'anɗe, mə Hittiɗe, mə Hivviɗe, mə Perziɗe, mə Girgasɗe, mə Amorɗe dit mə Yebusɗe səbokum.

Zuda 1:14

Enok dəhən Adamu məkuturkutur mabuhulon agəɗək kəleŋ aket dawnəh na: Yaŋ na Daya adek dit maslayɗe salala nan gabal kaklawɗe,

Hənhən 14:1

Ya nəwəl na: Ndargayãk tat ziwwe aka mossorgo metiŋ na Siyon dit ɗiy gabal səkat də kaklaw poɗo kiyən poɗo dəndə iya nat azeti gəm iya na Afət məverin a mirbizti.

Hənhən 21:10

Əmpəs na Maŋgəlva adek akawa, maslay nak akuwək aka gərəm məɓayən diyɗa. Arban suwək Yerusalem walaŋgəla-metiŋ, məs salala dəde səza Maŋgəlva ana disiŋ.

Hənhən 21:2

Nulak walaŋgəla an salala, Yerusalem meleketen tay əprike sə disiŋ sə maŋgava Maŋgəlva zən sekke, va waŋ məzaɓan zət nambat a təki wəɓele.

Hənhən 22:19

An ɗəf akdahək wən na kleŋgəŋ səddəv ɗereweləŋka, Maŋgəlva wakdəh haran nan səza uwa na wəlaŋga na zeŋgile də haran nan səddəv walaŋgəla-metiŋgin məs salala.

Hənhən 3:12

Məskəwəla na, wanəɗɗa dəsangən dədəka addəv gəla na Maŋgəlva nawa, agil na əmpa ɓa, wanəver iya na Maŋgəlva naw akani, gəm iya na walaŋgəla-metiŋ na Maŋgəlva nawa, Yerusalem meleketen dədawpirken sə disiŋ səza Maŋgəlva nawa, gəm iya naw meleketeni.

Hənhən 7:2

Nəwələk maslay maɓɓan dazzan səmmba pay nampum, də tampoŋ na Maŋgəlva madaran avani. Apelik dayadaya sit maslayɗe poɗo məs məpsit gbogboŋ nawzəmgən sãhã na dəlva gəm na pehe,