Ibriɗe 12:15 - Bible en Guidar

¹⁵ Məzi zukum ɗəf səmmbokum adawmilyen dərɓe kappan mbəlembəle na Maŋgəlva ɓa; ɗəf səmmbokum adawsan va gaslamba tatrah məzugilyeni, kattepet ɗiyi, kaslsləret diyɗa ɓa.

Nouveau Testament en Guidar

¹⁵ Məzi zukum ɗəf səmbokum adawmilyan dərɓe ɓa, kapan mbəlembəle na Maŋgəlva ɓa. Məzi zukum ɗəf səmbokum adawsan va gaslamba tattrah məzu ɓaya, kawzəm git saha net ɗii də muwən nan ɓa.

Bible en Guidar

¹⁵ Məzi zukum ɗəf səmmbokum adawmilyen dərɓe kappan mbəlembəle na Maŋgəlva ɓa; ɗəf səmmbokum adawsan va gaslamba tatrah məzugilyeni, kattepet ɗiyi, kaslsləret diyɗa ɓa.

Ibriɗe 12:15 ပူးပေါင်းရင်းမြစ်များ

1Milyeŋge 14:16

Wappet mə Israyelɗe, vi Yerobo'am agəɗək mambray gəm atoŋgitik ɗiy na Israyel addəv mambraya.

Əgilye 32:21

Moyis anah sən Aron na: «Miy ɗiyiŋ aɗɗaŋ sukun ka kəkiygən mambray metiŋgin vaŋ aket di?»

Wənməkkpaŋga 4:23

Ataɗ mokrok day ki zəga pakə, vi səzani yi səwer ənziya egge temtem asili.

Isaya 5:4

Miy əmpa nawgəɗ sən guli net megezlembirkeɗ məs nəɗɗa ɓa di? Nəɗiyək əɗɗum naw akan na wawə moggoni, yaŋ awə uwa daryawə, vimi di?

Isaya 5:7

Vi guli net megezlembirkeɗ na Yawe Məzuɓappak na, ɗiy na Israyel əŋgə. Megezlembirke dədanneken zən vani, ndəni Yuda. Aɗiyək əɗɗum nan na wadawaŋ sarara, awla na əggbo mbeli yi, wadawaŋ təstəsə, awla na əhəm də əɓuhma yi.

Yeremiya 2:21

Intə nəmpuk va megezlembirke məwelin, va wəlaŋga an moggon diyɗa. Mbarmbar kəkkpaŋ va megezlembirke an ɗar di?

Luka 22:32

Ya nəkkamək viko, vi ətaf nok adawza ɓa. Nok an kəmilke asɓet milmiŋgiɗko.

1Korintus 10:12

Vini, ɗəf məs dədaɗɗum na tay ziwwe, dəzi zəni adazbər ɓa.

1Korintus 13:8

Əŋgla awza kpak ɓa. Kəleŋ wazə, əpel də ma temtem pak wagrakə, əsən wazə.

1Korintus 15:33

Kədawzanən zukum ɓa! Ədaw də ɗəf mbərayən waraygən ənziya an moggon na ɗəfa.

1Korintus 5:6

Əkaɓ nokuməs lewi ɓa, kəsənən na wuɗo siɗikke dədawhəs gəpa məllaɓəŋ pak ɓa sa?

2Korintus 13:5

Mənokum sən kikum mula, addəv ətaf kənanən sa? Mənokum sən kikum məkosoni. Awaniɓa, nokum kəsənənək na Yesu Kristu tay addəvkum ɓa sa? An tay vas ɓa na, təstəs kənanən ɓa.

2Korintus 6:1

Adan mənam tat aka wəza dəndəni. Mənam tat əkkamokum ka kədappanən mbəlembəle Kərəhaŋ səza Maŋgəlvaŋ əddan fit ɓa.

Galatiyen 2:13

Yaŋ mə Yudeɗi meɓɓet aɗɗaŋ va nani, hã kpaŋ agdəhən Barnabas əɗɗa va neti.

Galatiyen 5:4

Kuɗaŋkaŋgək də Kristu, munokum məzukayaŋ əssa təstəs də mahenziŋ, kəbətaŋgək səddəv mbəlembəle.

Efesus 5:3

Polkoyo gəm ɗarɗar zev awandi pakə awaniɓa mamayã net koɓeɗi, wən nan dayday adawsan a waloŋkam ɓa, aski dəslə azet ɗiy en salala.

Əmsak aka Mahenziŋ 29:18

An ɗəf aprəmək wəpel naswayəŋka, ndən ula zən na azaɓka, ənəh tam na: «Miy dəpəl su əmpa di, wanəmpa təlu aka wəɗɗum nawa, vi dələv məziy sən iŋkile na, meme armanən ɓa.»

Əmsak aka Mahenziŋ 32:32

Zev megezlembirke net sə Sodom ade, səka guli sən Gomorra, kirtit də muwən azetiŋgə, mokkoy net trãhəŋgə.

Əmsak aka Mahenziŋ 4:9

Ya asla zuko, aziy zuk təstəsə, vi kədazgət kiyit zəgeɗ məs horok awəliŋ ɓa; pay nanziya nok egge pak adawgilyoŋ sə mokrok ɓa. Kərban sitgin kirtuk dit dihiŋgiɗko.

Kolosi 3:5

Məbay zəgeɗ negge naddəv gəɓa zukum, polkoyo, mbərayən, mãy na zəga diyɗa diyɗa, əŋgla mbərayən gəm mamayã net deleɗi (mamayã net deleɗ van məstaka yi də əzban zəgakamaŋgəlva.)

Titus 1:15

Zəga pak moggoni azet məs makret barə, ya azet ɗiy mbəreyti dit ɗiy məs dətafaŋ ɓa, zəga moggon tay ɓa, vi maɗɗuleti gəm kpukpum na mekret arayaŋka.

Ibriɗe 3:12

Milmiŋgiɗwa məzi zukum, vi ɗəf təttaka səmbokum adawsan də makran mbərayən məza də wətaf ɓa ɓa, kapan Maŋgəlva madaran ɓa.

Ibriɗe 4:1

Adan aynan səmək man mətoŋgən addəv əffet nani, məzi səm zəm kana, vi ɗəf təttaka səmmbokum adawbew dawtoŋ ɓa.

Ibriɗe 4:11

Məgəmsəm zəm kan ətoŋ addəv əffet vanəs kana, vi ɗəf adazbər sən zev əggbak mas ɓa.

Ibriɗe 6:11

Məŋgəl kan na naway di pak sə walaŋkum dəsok zən əmbat abe abe addəv an adawga hã aza əgraka,

Yosuwa 6:18

Ya nokum na, məsla zukum səza zəga an mətakən, vi kədawsimeŋ zəga ka mənokum kawgəm an mətakən ka kawki əray aka dibirgidik na Israyel gəm kawki mambray akan ɓa.

2Piyer 1:10

Vi wənəski milmiŋgiɗwa məsok zukum məssoŋ ɓəlɓəl aka iya an məyukum gəm uwel an məwelkum. Vi an kəɗɗaŋgək vas na asna sessel kəzbəraŋ na ɓa.

2Piyer 2:18

Tahəŋ əpeleŋ wən nawɗi kiy zit ɗarə. Tahəŋ əmbəɗetin ɗiy də əsim zəga na gəɓa ziti gəm polkoyo, vi karme ɗiy məs dəgilyoŋ səzet ɗiy məɗɗaŋ mambraya.

2Piyer 3:11

Adan zəgeɗ pak wazaŋ vaska, kəsənənək va kədassoŋ. Məssoŋ addəv salala, məzban Maŋgəlva də gegesiŋ.

2Piyer 3:14

Vi vaski bayneŋgiɗwa, dawga payəska, məsok zukum kəssoŋgən salala, məza də heslepe azokum ɓa aba Maŋgəlva, məssoŋ zay dəndəni.

2Yohanna 1:8

Məzi zukum vi kədawzanən ətərwəray na wəza nam vikum ɓa, kərəhaŋgən əfaɗ na iya nokum gərakə.