Ibriɗe 11:6 - Bible en Guidar

⁶ Məza ətaf ɓa na, ɗəf asan na lew ara Maŋgəlva ɓa. Vi ɗəf dədadder aza Maŋgəlva pak dəsən na Maŋgəlva tay, afaɗ sit ɗiy məzukayanəni.

Nouveau Testament en Guidar

⁶ An də wətafi ɓana wənna ɗəf asana lew ara Maŋgəlva ɓa. Ko naway dəŋgəl wəzzan aza Maŋgəlva, say dətaf na Maŋgəlva tay, tay faɗ sit ɗii məzu kayanəni.

Bible en Guidar

⁶ Məza ətaf ɓa na, ɗəf asan na lew ara Maŋgəlva ɓa. Vi ɗəf dədadder aza Maŋgəlva pak dəsən na Maŋgəlva tay, afaɗ sit ɗiy məzukayanəni.

Ibriɗe 11:6 ပူးပေါင်းရင်းမြစ်များ

Va'Atəŋ 15:1

Dərɓaga wənəska, Yawe apel sənək Abram addəv ula. Amna: «Kəgeslne' ɓa Abram, intə baray noko, wərəh ammba an kəgəɗ wasan diyɗa ndoɗoɗ-ndoɗoɗu.»

1Alabaraɗe Də Mabərkiziti 28:9

Ya nok is wətu Salomoŋ na, asən Maŋgəlva na afuko, agəɗ sən wəza mokrok paparə, də megenegene zuko, vi Yawe tay əkkesen mekret ɗiy, tay uɗakan əɗɗumɗe pakə. An is tat əkayani, wappan suk zən kərəhgəni, ya an kəppanəka, nan wazgok faɗə.

Ɗerewel na Yob 21:14

Aɓsənən Maŋgəlva na: Azar səzam faraɗa, mam tay aka əsən tive nok ɓa.

Gəlyaɗe 106:24

Azelenənək dələv na sləma, dətafnən əpel nan ɓa,

Gəlyaɗe 119:10

Nəkoyokuk də makraw taka, kədappaw əza faraɗa səzet ətəlmaɗe nok ɓa.

Gəlyaɗe 58:11

Ɗəf təstəs wannek də ula əmpəlkiya na Maŋgəlva, wayop tələn aret mbel na məsdarawə.

Gəlyaɗe 73:28

Əssa go'o də Maŋgəlva na, arya yi azawa; təki nawɗam naw na aza Yawe Maŋgəlva, vi kawpel aket wəzeɗe nok pakə.

Gəlyaɗe 78:22

Vi dəɗiynən əɗɗum net aka Maŋgəlva ɓa, dətafnən na wakõhgiti ɓa.

Gəlyaɗe 78:32

Də vas pak aɗɗaŋgək mambray əmpa, dəɗiynən əɗɗum net aket sekeneɗ nan ɓa.

Wənməkkpaŋga 11:18

Məsdaraw na, wəza na uwawən adaɗɗa; ɗəf məgəɗ təstəsə, zəga an gesiŋgesiŋ adawrəh na hanza nani.

Wənməkkpaŋga 8:17

Naw ɗiy en dəŋgluwən nədaŋgla, en məzukayawən pak warəhwənən.

Isaya 55:3

Məpak sləmokum, mide azawa. Məprəma, wakəssoŋ madorokum. Waninə wənmiyna an faɗ vikum, sesel wanəziw aka moggon na Davit.

Isaya 7:9

Vi ki Efrayim na Samari yi, ki Samari na wətən Remalya yi; an ətaf nokum tay ɓəlɓəl ɓa na kəziweŋ na ɓa.

Yeremiya 2:31

Mənokum ɗiy en kakaŋka, məprəm əpel na Yawe! Nəkkpaŋgək va kapta-muyã aza Israyel sa? Awaniɓa va dələv ara guzli sa? Vimi ɗiy naw anahaŋ na: «Na kiyəm mənani məmil na azok əmpa ɓa di?»

Əŋɗa 14:11

Yawe apel sən Moyis amna: «Hã gap dewɗe ɗiyiŋ adazbanən əzelew di? Hã dewɗe adawɓoŋgoŋ dawtaf wən naw də va nədaɗɗe sekeneɗ naw aweleŋtiŋ pak di?

Əŋɗa 20:12

Yawe aɓsit may Moyis də Aron na: «Adan kəprəmnən maw ɓa, kərbanən təstəs naw abet mə Israyelɗe ɓa na, asna kəkenin na aka dələv məs nədapsitiŋ ɓa.»

Matiye 11:26

Ha'aw, Əbba, vi vaski kəŋglu dəgəɗgən ama horoko.

Matiye 5:12

Mənneken zukum, məpepɗeki, vi ərəh nokum tay a disiŋ diyɗa vaski asərnən met məskəleŋɗe en daabəŋ kikum.

Matiye 6:16

An munokum tat əɗɗa meme na, kədassoŋ so'or so'or va net muluvuluvuɗe ɓa, gesiŋ tay ərosnən ki hereti, vi karban sit ɗiy na tay əɗɗaŋ meme. Gesiŋ nədawnah sukum: Net arəhənək iya neti.

Matiye 6:33

Məkayan məlĩ na Maŋgəlva də təstəs nan daabəŋ, asna wapsukum zəgeɗis pakə.

Matiye 6:5

An munokum tat əkkama, kədassoŋ va net muluvuluvuɗe ɓa, vi aŋglaŋgək iziw addəvit gəlaɗe nakkal net mə Yudeɗi gəm aka zlazlaŋgbra tiveɗ əkkam vi ɗiy duleningəni. Gesiŋ nədawnah sukum: Arəhənək əfaɗ net səzeti.

Markus 16:17

Zəgeɗ narbet ɗiy en dətafaŋ yeŋki: Warɓehetin tuyeŋge də iya nawa, wapeleŋ maɗe meleketeti,

Luka 12:31

Ɗəɗah məkayan məlĩ na Maŋgəlva daabəŋ, zəgeɗis kapsukumi azani.

Luka 6:35

Ya məŋglu məzuzelɗe nokum, məgəɗ moggoni, məpsit dəmən məza əɗɗum na ərəh akan səbbərən ɓa. Ərəh nokum wasan diyɗa, wakəssoŋ kirtin Məsəɗəɗə, vi ɗəf moggoni azet məs awfeteŋ ɓa dit məs mambrayɗe pakə.

Yohanna 14:6

Yesu azlan sən na: Naw, intə tive, gegesiŋ gəm zeŋgile. Ɗəf tay nawmbat aza Afən an də iyni ɓa ɓa.

Yohanna 8:24

Vini nənah sukum na: Wakəmtaŋ addəv mambray nokum. Ya an kətafnən na Intə Iyna ɓa wakəmtaŋ addəv mambray nokum.

Roma 10:14

Ya mbarmbari adawyanən iya nan məza dətafnən ɓa di? Mbarmbari adawtafnən məza dəprəmnən wən nan ɓa di? Mbarmbari adaprəmnən an mətəl ma tay ɓa di?

Galatiyen 5:6

Vi addəv əsap də Yesu Kristu na, əskəlawra də əssa gayã atəraŋ na wəray abbər ətaf məzərba də əŋgla ɓa.

Ibriɗe 11:26

Aɗi ərba wil na Kristu azan va arya metiŋgin dayki arya na Eziptə, vi haran tay sekke aka zəga nawrəh na vani.

Ibriɗe 3:12

Milmiŋgiɗwa məzi zukum, vi ɗəf təttaka səmbokum adawsan də makran mbərayən məza də wətaf ɓa ɓa, kapan Maŋgəlva madaran ɓa.

Ibriɗe 4:2

Vi nam pak məprəmək alabara nenek va neti. Aprəmənka, ya dətər sit wəray ɓa, vi dərmanən wən nan də wətaf ɓa.

Ibriɗe 4:6

Vas kan na, adan tay ziw ɓəlɓəl ɗiy meɓɓet dətoŋgoŋgən adaka, ɗiy en dəprəmən Alabara Nenek daabəŋ dətoŋgoŋ addəvən ɓa vi dətafaŋ ɓa.

Ibriɗe 7:19

Vi tay an mahenziŋ aknahan ɓa, ya an məs mədawga day adeke, məs mədawzar aza Maŋgəlva ndəndəni.

Ibriɗe 7:25

Vi vaski waɓap əkõhgit ɗiy məs dəzaraŋ dəndən aza Maŋgəlva ha faɗə, adan madarani hã faɗə nakkam ammbeti.

2Piyer 1:10

Vi wənəski milmiŋgiɗwa məsok zukum məssoŋ ɓəlɓəl aka iya an məyukum gəm uwel an məwelkum. Vi an kəɗɗaŋgək vas na asna sessel kəzbəraŋ na ɓa.

2Piyer 1:5

Sən aski kana, məsok zukum, məsapan ətaf nokum aza gbogboŋgo, gbogboŋ tam aza əsəna,

2Piyer 3:14

Vi vaski bayneŋgiɗwa, dawga payəska, məsok zukum kəssoŋgən salala, məza də heslepe azokum ɓa aba Maŋgəlva, məssoŋ zay dəndəni.

Hənhən 21:8

Ya ɗiy mədekti, məɓoŋti, məɗɗaŋ zəga an na henziŋ, mãy məbayaŋ ɗiyi, məkuhwaŋ a gizbe, məɗɗaŋ sekene, məzbetin zəgeɗkamaŋgəlva, məwaŋ tepelke pakə, net təki net na, ndəni pehe məs offo adawzla adak va muhurən, ndəni kan əmta an ma sula'ən.

Ɗerewel nat Rut 2:12

Kəta Yawe dəfaɗsuk an kəgəɗə, Yawe, Maŋgəlva na Israyel məs kəde əɗam ammba təlnən dəfaɗsuk hanza nok tutu'u.»