Ibriɗe 10:29 - Bible en Guidar

²⁹ Tatwãh metiŋgin awani əmpa aza əɗɗum nokum, məza arəh na ɗəf dəndappan Wətən Maŋgəlva, dərnoket mbel na wənmiyna məs arah ubbur dənɗaŋgə, gəm dəran Əmpəs na mbəlembəle ɓa di?

Nouveau Testament en Guidar

²⁹ Yas dərəŋ kan an ɗəf azelenək Wətən Maŋgəlva*, an awlak mbel na wən minan məs dəskoɓən va zəga ɗar mekeleŋ na, an aranək Əmpəs na mbəlembəle gesiŋ na, nan wara kita məs dəday pak də tattuwãha.

Bible en Guidar

²⁹ Tatwãh metiŋgin awani əmpa aza əɗɗum nokum, məza arəh na ɗəf dəndappan Wətən Maŋgəlva, dərnoket mbel na wənmiyna məs arah ubbur dənɗaŋgə, gəm dəran Əmpəs na mbəlembəle ɓa di?

Ibriɗe 10:29 ပူးပေါင်းရင်းမြစ်များ

2Milyeŋge 9:33

Anah sit na: «Məzgat afuŋ!» Azgatənka. Mbel səzat Izabel, aɗɗaŋgək zẽhe aza gəla gəm aket pilseŋge; Yehu adaw dəkat də mawta nani.

Gəlyaɗe 143:10

Ayagaw əɗɗa wəŋgla noko, vi istə Maŋgəlva nawa. Əmpəs nok moggoni, dəkugən aka təki məpəlayya!

Gəlyaɗe 91:13

wakədaw aka ɓoolu gəm aka barway, wakəndapan wətən ɓoolu də dohõtuya na pehe.

Əgilye 24:8

Moyis agimik mbeli, ndən kusu'kusu' sit ɗiyi, amna: «Eŋkiŋ mbel na wənmiyna məs Yawe aynə də mənokum, aka wəpel temteməŋ pakə.»

Isaya 14:19

Ya nok na, məzgoki səddəv magamas nok appaka, va daway məlotən məs ɗəf aŋgla kawlan ɓa, dohoŋ ammbet ɗiy məbeyti məmbokit də masalamə. Məzget aket gərmeŋge addəv vovu va kigəbay məndapani.

Isaya 28:3

Kawndapani walaŋgəla-metiŋ mətərkiya na əkaɓ net məs mbazla abayaŋ na Efrayim ammba tilit ɗiyi.

Isaya 63:10

Yas net assoŋ məɓoŋti, adan sənən gədəv əmpəs nan salala. Akkpaŋgək məzuzel neti, akkpaŋgək əgay dənɗaŋgə.

Yeremiya 1:5

Tak nəɓəl ərkuk addəvət mok ɓa nəsənkuko; nəwelkuk tak məɓəli əwuk tagay ɓa. Nəɗikuk ka məskəleŋ abet ɗiyi.

Əɓuhma 1:15

Daya arɓehetik gambereɗ nalpa sə nawda pakə. Abu'uk ɗiy akawa, vi kaŋkin gewleɗ nawa. Yawe Ambrosltək waŋ goruk ŋgbuɓɓo na Yuda, a mozgoy nawɗot megezlembirke.

Ezekiyel 16:6

Yaŋ nədawtoŋ kəlazoko, nuluk əzgan zuk addəvit mbel noko, yaŋ nənah suk səddəvit mbel nok na: Asok madoroko! Nənah suk səddəvit mbel noko: Asok madoroko!

Daniyel 8:13

Nəprəmək maslay əpele, maslay mbərən attokonək ma an məzupel na: «Pay ŋgbəŋgbar zəgeɗ məs kəwəl addəv əssine aka wən nawzaɓ-Maŋgəlva ɗayɗayə, kiɓəɓəl məraygən təkiya, gəlamatuya məraygəni gəm məzəlpaŋ na disiŋ adassoŋ məndepet adaɗɗan di?»

Mika 7:10

Məzuzelu wawla wil wadanəni, ndən mənah su wən nak na: Aŋgay Yawe Maŋgəlva nok di? Haraw wawla kawndapani kakaŋ ammba təl ɗəf va ndərɓa aka tive.

Zakarya 12:10

Wanəknəh zev Davit gəm ɗiy na Yerusalem də əmpəs moggon gəm nakkama. Wawlaŋ azawa, in ɗəf məs ambokoŋ naka. Waɓuhnən met ammban va adawɓuhoŋ ma ammba wiyən karmalay. Waskaŋ morkoyo ammban va adaskaŋ morkoyo ammba uwa maddaabəŋ.

Matiye 26:28

Vi eŋ mbel zuwəŋ, mbel na wənmiyna, məs dəggbo'oŋ viyit ɗiy diyɗa, vi kavvuyeɗ mambrayɗe.

Matiye 7:6

Kədapsitin zəga salala sit kirɗe ɓa, vi adawmə'aŋ akokum kawbakokum ɓa. Kədazgetin averzleɗ na sləma nokum sit vedemɗe ɓa, vi adawndapetin də tilit ɓa.

Markus 7:2

Awleninik gewleɗ na Yesu meɓɓet tahəŋ əzəmaŋ way də vet mərga'ən vasna məza əɗa vet ɓa.

Luka 12:10

Ɗəf dəpel mbərayən aka Wətən Ɗəf pak warah əvvuy na mambray nani: Ya məs dəran Zeŋgile Salala arah na əvvuy na mambray nan ɓa.

Yohanna 10:36

Ɗəf an Maŋgəlva aweli, aslən aka dəlva. Nokum, mənokum tat ənahaŋ na, is tat əpel mbərayən aka Maŋgəlva, vi nənah na Wətən Maŋgəlva nənani sa?

Yohanna 17:19

Nəppanək zu suk ammbeti vi dəsoŋgən məppanən zit suk ammba gegesiŋ.

Wəza net Masləŋɗe 7:51

Mə ɓəɓəl kiyti, makra ɓəɓəl gəm məsuk sləmeti, kəɓoŋgoŋguk daprəm ma Zeŋgile Salala vanet efiŋgiɗkum aɓoŋgoŋ daprəm mani.

Roma 16:20

Maŋgəlva, afən zazaya, aliy na daŋkən Satan ammba təlkum ɓa. Mbəlembəle na Daya nam Yesu dəsan akokum.

1Korintus 11:27

An ɗəf tay əzəm mepteke na Daya awaniɓa tay əsa addəvət huloŋ nani, məza də tiven ɓa na, mbərayən agəɗ aka gəɓa zə Daya gəm aket mbel nani.

1Korintus 11:29

Vi ɗəf məs dəzəm gəm dəsə məza duɗakan gəɓa zə Daya də əzəm an maɓɓan ɓa, ətawwən adawki akan də əzəm gəm əsa nani.

1Korintus 15:25

Vi adahək dəzəmgən məlyã, hã gap an avoŋgitik məzuzelin pak ammba təlni.

1Korintus 15:27

Vi avoŋgitik zəgeɗ pak ammba təlni, pay adawnəh na: Zəgeɗ pak məvoŋgiti ammba təlnəŋka, vasna mbəksa ɗəf an məs dəvoŋgit sən zəgeɗ pak ammba təlnəŋki.

1Korintus 6:11

Vas ɗiy meɓɓet sərokum assoŋ lahəŋka. Ya məslslaykumi, məkkpaŋgokumi salala, məbburkumi addəv iya na Daya nam Yesu Kristu gəm də Əmpəs na Maŋgəlva namə.

Efesus 4:30

Kədawɗəkanən Zeŋgile Salala na Maŋgəlva, məs məɗɗa sukum lamba dəndən də əya əga pay nawmokuməŋ ɓa.

Efesus 5:26

Vi kakkpeŋget salala də əzlzleyit aret iŋkile na əpel nani.

Ibriɗe 10:10

Addəv əŋglaski mərah əbbur də əvəl na zə Yesu Kristu, aɗɗa təl taka ka faɗə.

Ibriɗe 12:25

Məzi zukum kədawɓoŋgoŋ aka məzupel sukuməŋ ɓa! Adan məs dəɓoŋgoŋ aka məzupel sit aka dələv dəkõhoŋ səma wəzga' ɓa na, mənamtə dərəŋ məkõh kan, an məktuhuk dəɓam sən məzupel səm hã sə disiŋ.

Ibriɗe 13:20

Kəta Maŋgəlva afən zazaya məs dəsilgin Yesu Kristu, məzutaɗa net timiŋgiɗ metiŋgin sə walaŋgit ɗiy mimtit də mbel na wənmiyna an faɗə,

Ibriɗe 2:11

Vi Yesu, məs dəskoɓ mambray net ɗiyi dit ɗiy məs məskoɓ mambray net van pak akkpaŋgaŋgək Afit taka. Vini wil dədanən dawyet na milmiŋgiɗwa ɓa.

Ibriɗe 2:3

mbarmbari nam mədawkõh kan an məzək sləma aka əkõh metiŋgin məs Daya sən kiyən atəŋ ərbani, ɗiy məs dəprəmən aziwgin səmən wən nani,

Ibriɗe 4:14

Adan mənam tat də daya net məsdəlveŋge metiŋgini, ana Yesu Wətən Maŋgəlva məs dəgap a təki nassa na Maŋgəlva, mərmasəm ətaf mədawpel wən nanəŋ ɓəlɓələ.

Ibriɗe 6:4

Vi tuwahĩ azet ɗiy dərahaŋ ɗah əkeɗeɗe'e, dənanən əvəl na disiŋ gəm dərahaŋ Zeŋgile Salala,

Ibriɗe 6:6

də as pak yaŋ azbəraŋgə, wasan sit tuwãh ka namsakaŋ əɗi marava. Vi ndəɗaŋ sən kiyit tay əmsak əkkpa'ən Wətən Maŋgəlva aka məzliwrihe, əkkpaŋganən zəga ɗar ama heret ɗiyi.

Ibriɗe 9:13

Vi an mbel net porsokɗe gəm net medgeɗgeɗe mãy an moŋglo na bəlata məzlan məndolun aket ɗiy məs mambrayɗe akkpaŋget salala gəm abburti,

Ibriɗe 9:20

amna: Eŋ mbel na wənmiyna məs Maŋgəlva aɗi sukum wən nanəŋ.

Hənhən 1:5

gəm səza Yesu Kristu, miziwe an gesiŋ, məs dəgil daabəŋ səret ɗiy mimtiti, gəm məlĩ net məlyeŋge naka dəlvafuŋ pakə. Aŋgluməka, agilgəmək səddəv mambray nam də əmta nani.