Ibriɗe 10:24 - Bible en Guidar

²⁴ Məzgə səm sləma a walaŋ zəmə vi kahhaɗam addəv əŋgla gəm addivit wəzeɗe moggeti.

Nouveau Testament en Guidar

²⁴ Say məsok səm zəmə də wəbaah sit milmiŋgiɗmə də wərban sit wəŋgla də wəɗɗa wəza mogoni.

Bible en Guidar

²⁴ Məzgə səm sləma a walaŋ zəmə vi kahhaɗam addəv əŋgla gəm addivit wəzeɗe moggeti.

Ibriɗe 10:24 ပူးပေါင်းရင်းမြစ်များ

Gəlyaɗe 41:1

Səza daya net məyaŋgəlya. Gəlyanalva na Davit.

Wənməkkpaŋga 29:7

Ɗəf an təstəs asənək tatwãh net məzurayɗe, ɗəf mbərayən tay də əsən naprəm wənəs ɓa.

Wəza net Masləŋɗe 11:29

Məzutafaŋ aziwgininik a mekret nawslən əbbah neti, naway di pak va an arahə, sit ɗiy na Maŋgəlva a Yude.

Roma 11:4

Mbar Maŋgəlva azlan sən di? Aɓsən na: Nəpələk ɗiy gabal buhul ammba ki zuwa məs duddukun takpret aba Ba'al ɓa.

Roma 12:15

Mənnek dit məzennekeŋgi, məhəm dit məzuhəmaŋgə.

1Korintus 10:33

Vaski, naw nədawsok zu ənneken zit ɗiy pak addəvit zəgeɗ pakə, məza əkayan an natər su wəray sən kiyu kaka ɓa ya an natər wəray sən vadaysa net ɗiyi, vi dəkõhoŋgəni.

1Korintus 9:22

Dit ɗiy məddekit addəv ətafa, in kpaŋ va məddakwa, vi nərehgin ɗiy meddekti. Nəkkpaŋganək zu azet ɗiy pak addəv va assoŋ addəv zəga pakə, vi də tive awan di pak na nərahgən əkõhgit ɗiy meɓɓeti.

2Korintus 8:8

Kaska wəlokumi nədawnəh vaskəs ɓa, də alabara na əsok zə ɗəf net ɗiy meɓɓet nədaŋgla əsla gegesiŋ na əŋgla nokum.

2Korintus 9:2

Vi nəsənək əŋgla nokum. Nəɗiyək kikum abet ɗiy na Makedoniya dawnah sit na: Ɗiy na Akaya aslanək zit far na dəbyaŋga. Zukum məs kəsokoŋgəŋ afɗahanək vadaysa net ɗiy na Maŋgəlva.

Galatiyen 5:13

Məlmiŋgiɗwa, nokum, kassa na kiykumi məyukum. Ya hara na, əssa na kiykum adakkpaŋ ka zəga nazban əngla na gəɓa zukum ɓa, məssoŋ belemɗe a walaŋ zukum də əŋgla dərəŋgə.

Galatiyen 5:22

Ya uwa na Əmpəs na ndəni: Əŋgla, ənneke, zazaya, əɓəsa, ulasahã, əɗɗa moggoni, ətafa,

Galatiyen 5:6

Vi addəv əsap də Yesu Kristu na, əskəlawra də əssa gayã atəraŋ na wəray abbər ətaf məzərba də əŋgla ɓa.

Galatiyen 6:1

Məlmiŋgiɗwa, an məggbati aka ɗəf daɗɗa heslepe awandi pakə, munokum məs də Əmpəsa, məki zev ɗəf vas aka tive də makra na zazayə. Asla zuko, vi kədawtoŋ addəv ərak ɓa.

Kolosi 3:16

Əpel na Kristu dəsan a walaŋkum də ərəh nan pakə, məyagan gəm məbbah sən zukum də maɗɗula. Məyə sən gəlya sən Maŋgəlva də mokrokum, gəlyanalva, gəlya gəm gəlya dəde səza Əmpəsa.

1Tesaloniki 1:3

Mənam tat əɗɗumon wəza nawtaf nokum aba Maŋgəlva Afəmə, də əŋgla nokum də əsok zukum əga məs dəde səm səza Daya nam Yesu Kristu.

1Tesaloniki 5:11

Vi vaski məsɓan zukum gəm məɓɓəlan zukum addəv ətafa, va kədaɗɗanən səkayə.

2Tesaloniki 3:9

Mənam tat də gagdak naɗɗan vas ɓayi ɓa ɓa, ya məsam vas na vi məsamgən zəga narba abokum, kəgəməngən təlmə.

1Timote 6:18

Anah siti, dəɗɗaŋ moggoni, dəssoŋ məsaryeɗ net wəzeɗe lelewɗe, dəssoŋ məzuvəla, dəbbahaŋ sitin ɗiy meɓɓet də arya neti.

Titus 2:4

vi dəziwginingən maɗɗulet gil en kirin kirin dəŋgluningin zilŋgiɗti dit kirtiti,

Titus 3:8

Aŋki əpel an dəslə nawtafa. Nəŋgəl kəziwginigin wənəska, vi ɗiy məs dətafən Maŋgəlva dəsokəngən zit əɗɗa wəzeɗe moggeti, wənəs moggoni, watər wəray azet ɗiyi.

Ibriɗe 13:1

Əŋgla na məlma dəsan a walaŋkum.

Ibriɗe 13:3

Məɗɗum aket ɗiy na fərsəna, va a fərsəna kənanaŋ dənɗaŋ. Məɗɗum aket ɗiy adawzəmgitin sahã, adan nokum van mənokum tat də zukum.

Ibriɗe 3:13

Pay pak məsəɓ sən zukum va adawɓap ənahaŋ na pay dəpaŋka. Vi makra ɗəf səmbokum adaɓɓəl sən ərah na mambray ɓa.

1Yohanna 3:18

Kirin nawa, mədaŋgla də əpel ɗar awaniɓa də ma ɓa, dəsan də wəza gəm də gegesiŋ.