Ibriɗe 10:22 - Bible en Guidar

²² Məzar səm kan aza Maŋgəlva də makram barə gəm məknahəm də ətafa, makram mubburun səza heslepe naddəv əɗɗum pakə, gəɓa zəm məslslayən dit iŋkile salala;

Nouveau Testament en Guidar

²² Vini kana say məzar səm aza Maŋgəlva də makram an də goŋga, də wətaf an də sembe, makram an salala səza mambraya, gəɓa zəm bo məslayni dit iŋkile məs salala.

Bible en Guidar

²² Məzar səm kan aza Maŋgəlva də makram barə gəm məknahəm də ətafa, makram mubburun səza heslepe naddəv əɗɗum pakə, gəɓa zəm məslslayən dit iŋkile salala;

Ibriɗe 10:22 ပူးပေါင်းရင်းမြစ်များ

1Milyeŋge 15:3

Azbanək əɗɗa mambray an afən agəɗ daabəŋ kiyən pakə; makran dəziw aka Yawe Maŋgəlva nan va na Davit afən ɓa.

1Alabaraɗe Də Mabərkiziti 12:33

Səret Kirtin Isakar, en dəsənnən əgohonən paya, vi kawsən an Israyel adaɗɗa: deyeɗe tahəŋ səkat sula, gəm milmiŋgiɗit en nammba veti.

1Alabaraɗe Də Mabərkiziti 28:9

Ya nok is wətu Salomoŋ na, asən Maŋgəlva na afuko, agəɗ sən wəza mokrok paparə, də megenegene zuko, vi Yawe tay əkkesen mekret ɗiy, tay uɗakan əɗɗumɗe pakə. An is tat əkayani, wappan suk zən kərəhgəni, ya an kəppanəka, nan wazgok faɗə.

1Alabaraɗe Də Mabərkiziti 29:17

Maŋgəlva nawa, nəsənəka, kakkesen makra ɗəfa, əssa təstəs kədaŋgla, naw makraw papar nəzi zəgeɗiŋ pakə, kakaŋ na ɗiy nok en neŋkiŋ in tat ulet əkisukun əvəl də zit nek mekret taka.

Gəlyaɗe 111:1

Məɗi ki Daya. Wanəɗi ki Daya də makraw pakə a təki məɗama net meŋ net ɗiy təstəs gəm a təki əkkala.

Gəlyaɗe 119:10

Nəkoyokuk də makraw taka, kədappaw əza faraɗa səzet ətəlmaɗe nok ɓa.

Gəlyaɗe 119:145

Də makraw taka nəyuko, azlan suwa, Yawe nərme əsərəkɗe noko.

Gəlyaɗe 119:2

Əzaɓ aket məzərmanən an aziwgini, dədawkayanən də mekret pakə.

Gəlyaɗe 119:34

Aprəman suwa, nərmagən mahenziŋ noko, nərmagən də makraw taka.

Gəlyaɗe 119:58

Nəkoluk makraw pak ka kihorok dəppargəni, awla sasãhũ va əpel nok anahə.

Gəlyaɗe 119:69

Məsfərkeɗ attəpawənək dit tepelkeɗ neti, Naw, də makraw taka nədarme wəsəɓɗe noko.

Gəlyaɗe 119:7

Wanəɗi kiyuk də makraw taka, də wəyagan ətawwənɗe də təstəs noko.

Gəlyaɗe 119:80

Kəta makraw dəsan təstəs-gərak aket əsərəkɗe noko, vi nədarba wil ɓa.

Gəlyaɗe 32:11

Mənneken zukum addəv Yawe, məɗɗələ, ɗiy təstəsə, məs mekret bar pak məŋgəsl vaŋvəl nanneke!

Gəlyaɗe 51:10

Aɗɗa ka nəprəmgən wəɗɗəla də wənneke. Sleŋsləŋɗe kəŋzletiŋ dəskəlaŋgəni!

Gəlyaɗe 73:28

Əssa go'o də Maŋgəlva na, arya yi azawa; təki nawɗam naw na aza Yawe Maŋgəlva, vi kawpel aket wəzeɗe nok pakə.

Gəlyaɗe 84:11

Vi əvoŋ taka adaŋgla anokda, adayək ki əvoŋ gabal a təki mbərni, An nəwel na: əssa aka ma tive na gəla na Maŋgəlva nawi, day ki əssa a gizlirkeɗe net məs mambrayɗe.

Gəlyaɗe 9:1

Səza daya net məyaŋgəlya; ndarara. Gəlyanalva na Davit.

Gəlyaɗe 94:15

vi təstəs wamil akki ətawwən əmpa, məs mekret bar pak waddoŋ ammbani.

Əgilye 29:4

Kəkagən Aron dit kirtin a maddamba na gizlirke nalma də Maŋgəlva, dəslslayaŋgən aret iŋkile.

Wənməkkpaŋga 23:26

Wətuwa, aprəmu də mokrok taka, ədaw naw dəgəm horoko.

Isaya 29:13

Daya amna: ɗiyiŋ tahəŋ əzzoŋ azaw də met ɗarə, də met adagagdakawən kaka'ə, mekret farafaray səzawa. Əgeslne adawgeslne suwənəŋ na mahenziŋ məs ɗiy ayegetini yi.

Isaya 52:15

Vaska'a ɗiy diyɗa waggətaŋ aka wən nani, milyeŋge wamsanən meti. Vi wawlanən an dulanən ɗah ɓa, waprəmən gabba an dəprəmən ɗah ɓa.

Yeremiya 24:7

Wanəpsit maɗɗula dəsənwəngən na intə Yawe. Wassoŋ ɗiy nawa, ya naw wanəsaw Maŋgəlva neti an azzoŋguk azaw də mekret taka.

Yeremiya 3:10

Də as pak na Yuda hinzere məlmən dəmil azaw də makran taka ɓa, də əwa wən kaka'ə hara, Yawe aɗiymani.

Yeremiya 30:21

An dəgil səzan dədawsan daya nani; an dədawzəm məlĩ akan səddəvən adawgilyeni. Wanəddergin go'o, wade azawa, vi naway narga makran nadder azaw di? Yawe aɗiymani.

Ezekiyel 16:9

«Nəslslaykuk dit iŋkile, nəzzorik mbel səzoko, nəppay sukuk mẽlẽ.

Ezekiyel 36:25

Wanəggbo' iŋkile salala akokum, wakəssoŋ məbburkum səza heslepe nokum pakə; wanəbburkum səzet zəgeɗmeŋgiveɗ nokum pakə.

Məsdəlveŋge 14:7

Dəksu'gin aka ɗəf məskokolo naslslay nak təl buhul; dərbangən na heslepe tay azan ɓa; dəppangən bəŋga an madaran dəveŋgin kəladdesl muyã.

Məsdəlveŋge 16:4

dəslslaygən tagay asna dəgulgən lukutɗe naɗɗa matuya va wənah na: lukutu, bente ammbani, maslapa addakən gəm gabaga mətəvəɗən aka kiyəni, pakgit məɗɗeɗ na helege na ngərayã;

Məsdəlveŋge 8:6

Yas Moyis aki Aron dit kirtini, aslslayaŋ eret iŋkile;

Zakarya 13:1

Pay nan na, met iŋkile wakol sən zev Davit gəm sit ɗiy na Yerusalem ka naskoɓ mambray net də haramba neti.

Əŋɗa 8:7

Vaŋ kədawgəɗ sit naslsleyti: akso' iŋkile naskoɓ mambray aketi; dəkkratən gəba zit təh də slambər, dəskoɓin lukutɗe neti, asna wabburongu.

Matiye 3:11

Naw in tat əgəɗ sukum baptem dit iŋkile vi kəɗiyaŋ marava. Ɗəf an nazan dərɓagawa də gagdaki day kiwa, nəgap nakgbuk hensek səka tələn ɓa, nan waɗɗa sukum baptem də Zeŋgile Salala gəm də offo.

Luka 1:1

Adan ɗiy diyɗa agayaŋgək wəver alabaraɗe məs dəɗɗaŋ awalaŋgəm,

Yohanna 3:5

Yesu azlanəka: Gesiŋ gesiŋ nədawnah suko: An muwani ɗəf dit iŋkile gəm də Əmpəs ɓa, aɓap na ətoŋ məlĩ na Maŋgəlva ɓa.

Yohanna 8:9

Adan aprəmən wənəska, ambataŋgək taka taka pakə, təŋ səket mezzeɗi. Yesu dəpəl takərgəni, gəm guluk ziwe naddak təki nakə.

Wəza net Masləŋɗe 22:16

Ya mi kədawga kakaŋ di? Asili, ataf baptem gəm əskoɓ na mambray nok də iya nani.

Wəza net Masləŋɗe 8:21

Haran nok tay ɓa, tay an dəwəl suk addəv əpeliŋ ɓa, vi mokrok tay sarara aba Maŋgəlva ɓa.

1Korintus 6:11

Vas ɗiy meɓɓet sərokum assoŋ lahəŋka. Ya məslslaykumi, məkkpaŋgokumi salala, məbburkumi addəv iya na Daya nam Yesu Kristu gəm də Əmpəs na Maŋgəlva namə.

2Korintus 7:1

Adan mənam tat də iynama vas na bayneŋgiɗwa, məbbur səm zəm səza ərnok na gəɓa zəm də an na əmpəs pakə, məsok səm zəm əssa salala gərrak addəv geslne na Maŋgəlva.

Efesus 3:12

Ndəndəni, mərah əsən gesiŋ gəm ətoŋ aza Maŋgəlva kiyəm foŋgo də ətaf an mətafa.

Efesus 5:26

Vi kakkpeŋget salala də əzlzleyit aret iŋkile na əpel nani.

Efesus 6:5

Balamɗe məprəm met deyeɗe na gəɓa zukum, də geslne də əkkere, də mokrokum taka, va sən Kristu.

1Timote 4:2

Wazbanən muluvuluvu net muwaŋ wəna, məs məslar əɗɗum na makret də təbəz nziliwnziliwi.

Titus 3:5

akõhgəməka, vi wəza an məgəɗ təstəsi ɓa, ya vi ulasahã nani, də ərəh baptem nakkpaŋ meggeɗe gəm nakkpaŋ meleketem də Zeŋgile Salala;

Ibriɗe 10:1

Mahenziŋ na, ərəh an nazzan kaka' adarban ɓa, na an gesiŋgi dayday ɓa, vi aɓap na əɗɗa ka ɗiy dədazzoŋ aza Maŋgəlva dəssoŋgən təstəs kpak vi adawzaɓaŋ-Maŋgəlva dəvan dəvan aza əzva pak məza meŋge nan ɓaŋ ɓa.

Ibriɗe 10:19

Milmiŋgiɗwa, vi mbel na Kristu məs dəziyaŋ kan mərah tive nawtoŋ a təki məs salala an dədayə.

Ibriɗe 11:28

Də ətafi, aɗɗa əzləra na Pak gəm aksu' mbeli ka Maslay na əmta adawrəŋgit tiziɗe na Israyel ɓa.

Ibriɗe 12:24

gəm aza Yesu metive na wənmiyna meleketeni, gəm azet mbel naksu' dədawpeleŋ daykiyit en na Abel əmpa.

Ibriɗe 4:16

Mədder səm kan kiyəm foŋgo aza mazaŋga na mbəlembəle vi mərahgən ulasahã gəm mbəlembəle, mərahgən əbbah də pay an aŋgələ.

Ibriɗe 6:11

Məŋgəl kan na naway di pak sə walaŋkum dəsok zən əmbat abe abe addəv an adawga hã aza əgraka,

Ibriɗe 7:19

Vi tay an mahenziŋ aknahan ɓa, ya an məs mədawga day adeke, məs mədawzar aza Maŋgəlva ndəndəni.

Ibriɗe 9:10

Aziweŋgik aka wən na zəga nawzəma də zəga na əsa gəm əɗɗa ubburɗe temtemi, es əsərək net ɗiyi dəzəmən təki hã gap aza pay na wənmiyna meleketeni.

Ibriɗe 9:19

Səza Moyis aŋɗan an məziwgin sit ɗiy pak va aza mahenziŋ, ndən mbel net kirit wasliɗe mãy net porsokɗe gəmə, siske agim iŋkile, deɓekeɗ pepreŋɗe na time gəm isop aksu' aka ɗerewel zək nani gəm aket ɗiy pak,

Yakob 1:6

Ya dəŋgəl də wətafa məza də kuzuŋ dayday ɓa, vi ɗəf məgəɗ kuzuŋ pak tay va vovolumɗe net iŋkile a pehe, məs səmyã adawka də təki aŋgəl pakə.

Yakob 4:8

Məzar aza Maŋgəlva nan pak wazar azokum. Məɗa vokum səza mambraya, məskoɓ mokrokum munokum muluvuluvuɗe.

1Piyer 1:2

Kəkkpaŋgaŋgək muwelkum vi wən na əŋgla na Maŋgəlva Afəni. Əmpəs nan aɗɗukumuk kəsoŋgən kəɓe'eŋ sənəngən Yesu Kristu vi mbel nan dəskoɓkuməngəni. Mbəlembəle də zazay dənzlər sukum.

1Piyer 3:21

Vasna iŋkileŋki, ana baptem məs dədawkõhgukum kakaŋ arbaŋgə, əskoɓ haramba na gəɓa zə ɗəfi ɓa, əŋgla əssa makra babar səva Maŋgəlva yi, tay əkõhgukum də wəsilye na Yesu Kristu səka əmta.

Hənhən 1:5

gəm səza Yesu Kristu, miziwe an gesiŋ, məs dəgil daabəŋ səret ɗiy mimtiti, gəm məlĩ net məlyeŋge naka dəlvafuŋ pakə. Aŋgluməka, agilgəmək səddəv mambray nam də əmta nani.