Ibriɗe 10:1 - Bible en Guidar

¹ Mahenziŋ na, ərəh an nazzan kaka' adarban ɓa, na an gesiŋgi dayday ɓa, vi aɓap na əɗɗa ka ɗiy dədazzoŋ aza Maŋgəlva dəssoŋgən təstəs kpak vi adawzaɓaŋ-Maŋgəlva dəvan dəvan aza əzva pak məza meŋge nan ɓaŋ ɓa.

Nouveau Testament en Guidar

¹ Ma henziŋ net Yahudiyenɗe tay də zəga an gesiŋ gesiŋ adəvən ɓa, say foto nan kaaka'ə. Tay va zeŋgille zəga an mogon dədazani. Adəv wəsva pakə, tahəŋ wəpsənən zəga mətaw wəlan sən Maŋgəlva. Ya də zəga mətaw wəlan vas məza wətaf net ɓaŋ na, mbarmbari ma henziŋ adawɓap wəkpaŋget məzu tawən zəga nan təstəs aba Maŋgəlva di?

Bible en Guidar

¹ Mahenziŋ na, ərəh an nazzan kaka' adarban ɓa, na an gesiŋgi dayday ɓa, vi aɓap na əɗɗa ka ɗiy dədazzoŋ aza Maŋgəlva dəssoŋgən təstəs kpak vi adawzaɓaŋ-Maŋgəlva dəvan dəvan aza əzva pak məza meŋge nan ɓaŋ ɓa.

Ibriɗe 10:1 ပူးပေါင်းရင်းမြစ်များ

Məsdəlveŋge 9:16

Akiyək əvəl nawzla kurmbuɗuku, avəl sənək də əzban tive nani.

Roma 8:3

Vi, zəga an mahenziŋ aɓap na ɓa yi, vi gəɓa zə ɗəf tay əddakani, Maŋgəlva aslənək Wətən də gəɓa zən va gəɓa zə ɗəf na mambraya, dəwəl sən mambray na, atawwən aka mambray addəv gəɓa zə ɗəfa.

Kolosi 2:17

As pak na, zəga məs dədazzan adarban kaka'ə, ya gegesiŋ nan addəv gəɓa zə Kristu wi.

Ibriɗe 10:22

Məzar səm kan aza Maŋgəlva də makram barə gəm məknahəm də ətafa, makram mubburun səza heslepe naddəv əɗɗum pakə, gəɓa zəm məslslayən dit iŋkile salala;

Ibriɗe 7:11

An wəza net məsdəlveŋge kirtin Levi təstəsi vi asan gabba mahenziŋ məpsit ɗiy na, wəray mi əmpa nawɗi məsdələv maɓɓan məs dəgil va Melkisedek məza əwelin səddəv zev Aron ɓa di?

Ibriɗe 8:5

Ya əɗi ki Maŋgəlva adawɗiyaŋ na tay va foto, va zeŋgile zəga aza zəga an na disiŋ. Va əpel an Moyis arah səma Maŋgəlva narka gizlirke, aɓsən na: Awla, kəɗɗagən təɗe' va an mərban suk aka mossorgo metiŋ.

Ibriɗe 9:11

Ya Kristu adeke, ndəni daya net məsdəlveŋge na moggon temtem dədazzani. Atoŋguk addəv gizlirke metiŋgin gəm an gərrak nalma də Maŋgəlva məs wəza na va ɗəfi ɓa, va ənəh na, məs səka dəlvəŋki ɓa,

Ibriɗe 9:23

Ya an zeŋgile zəga an dəsan a disiŋ abburuk dit matuyaɗe asna aslək an dəsan gesiŋ zək nan a disiŋ dəsangən mubburun də əzaɓ-Maŋgəlva an dəsan na sləma dayə.

Ibriɗe 9:25

Dətoŋ vi kapsən ki zən təl ɓayɓay va daya net məsdəlveŋge adawtoŋ aza əzva pak addəv gəla matuya dit mbel məza nanəŋ ɓaŋ ɓa.