Ibriɗe 1:3 - Bible en Guidar

³ Ndəni əkeɗeɗe na gagdaka, agilik va Maŋgəlva səɗeki, tay ərma dələv də əɓap na wəpel nani. Sə dərɓaga abbur mambraya, asanək a disiŋ aka dəzəŋ na məlĩ Maŋgəlva.

Nouveau Testament en Guidar

³ Wətən Maŋgəlva* tayərban təki babar na gakdak na Maŋgəlva, agilik va Maŋgəlva, tayərma dəlva də wəpel nan məs də sembe. Dərɓaga askoɓ mambray net ɗii nani, asanək a disiŋ dəka van dəzəŋ na Maŋgəlva məs də gakdak pakə.

Bible en Guidar

³ Ndəni əkeɗeɗe na gagdaka, agilik va Maŋgəlva səɗeki, tay ərma dələv də əɓap na wəpel nani. Sə dərɓaga abbur mambraya, asanək a disiŋ aka dəzəŋ na məlĩ Maŋgəlva.

Ibriɗe 1:3 ပူးပေါင်းရင်းမြစ်များ

1Alabaraɗe Də Mabərkiziti 29:11

Yawe, mẽmẽtiŋge, əɓapa, əkekeɓe'e, gagdaka, əkasaka, vi zəga na disiŋ də an naka dəlvafuŋ pak noki yi. Yawe istə məlĩ də gagdak aka zəga pakə.

Ɗerewel na Yob 37:22

Pay kəɓak-kəɓak tay əzzan sə tapaslay pay na kəla disiŋ, məlĩ na Maŋgəlva nawgeslne səni.

Gəlyaɗe 110:1

Gəlyanalva na Davit. Yawe aɗiyman aza Daya naw na: «Asok aka dəzəŋ nawa, hã gap an nəvoŋgitik məzuzelɗe nok ammba təlko!»

Gəlyaɗe 75:3

An nəŋgəɗək va, naw təstəs nədawtawwəna.

Məsmaɗula 8:4

Vi əpel na məlĩ tay də gbogboŋgo ya naway nawnah sən na: «mə kədaɗɗaŋ di di?»

Məsdəlveŋge 15:15

Məsdələv dəɗɗagən matuya vi mambraya də taka, an dəmbər tamə, əvəl nawzla kurmbuɗuku; məsdələv dəzaɓgən-Maŋgəlva navvuyon mambray na gbəgba nan aba Yawe.

Mika 5:4

Ndən nawsan zazaya. An mə Asiriɗe tay əzzoŋ əgul dələv namə gəm ətoŋ addəv gəla na məlĩ namə, waməsilgit məzuteɗeŋge buhul akani dit deyeɗe dudopoɗo.

Matiye 22:24

Mərbəzəga, Moyis anahək na: An ɗəf amtək məza əppa kirin ɓa, məlmən dəzəmgən gəla azat guluk nani dəɗisəngən zev məlməni.

Markus 16:19

Dərɓaga Daya Yesu agrak əpel sit vaska, məslani a disiŋ asanək aka va dəzəŋ na Maŋgəlva.

Yohanna 1:14

Əpel nak akkpaŋgək ɗəf də gəɓa zəni, asanək də gəla a walaŋgəmə. Mulak gagdak nani, gagdak va na Karmalay dəknah də mbəlembəle gəm də gegesiŋ arah səza Afəni.

Yohanna 1:29

Vit pumpum nani, Yohanna awlak Yesu dazzan azani, yaŋ amna: Akəŋtə ndargayãk na Maŋgəlva məzəvvuyon mambray naka dəlva.

Yohanna 1:4

Azani zeŋgile asani, zeŋgile van dəki əkeɗeɗe aket ɗiyi.

Wəza net Masləŋɗe 2:33

Maŋgəlva aslanək kan də va dəzən nani, arahək Zeŋgile Salala səva afən va aynan napsəni. Appasanəka, ndəni kədawlaŋ gəm kədaprəmaŋgə.

Wəza net Masləŋɗe 7:56

Yaŋ amna: Intat ula disiŋ yaŋ kollo gəm Wətən ɗəf ziwwe aka va dəzəŋ na Maŋgəlva.

Roma 1:16

Wil aduwən na aka Alabara Nenek ɓa, əɓap na Maŋgəlva yi vi əkõh na ɗəf məs dətaf pakə, anet mə Yudeɗ daabəŋ asna Gərekɗe.

Roma 8:34

Naway nawtawwən aket di? Yesu Kristu məs dəmtə! Dəday na, asilike, tay aka va dəzəŋ na Maŋgəlva, ya tay əkkam ammbamə.

2Korintus 4:4

viyit en məs tahəŋ də ətaf ɓa, məs maŋgəlva negge atip maɗɗuleti, awlanən alabara nenek na gagdak Kristu dəsan Maŋgəlva səɗek əwiɗ ɓa.

Kolosi 3:1

Adan kan məsilgukumi səka əmta də Kristu, vi vaski məkeyet zəgeɗ en na disiŋ, a təki Kristu asan aka va dəzəŋ na Maŋgəlva.

Titus 2:14

məs dəppan kiyən viyəm vi kamam səka mambray pakə, abbur ɗiy kanan dəssoŋgən məs kotorokɗe naɗɗa wəza moggoni.

Ibriɗe 1:13

Sən awan səret maslayɗe anah ɗah na: Asok aka dəzəŋ nawa, hã gap an nəvoŋgitik məzuzelɗe nok ammba təlko di?

Ibriɗe 10:12

Kristu, nan dərəŋ na, səza azaɓ-Maŋgəlva navvuyon mambray təl taka, asanək ka faɗ aka dəzəŋ na Maŋgəlva

Ibriɗe 12:2

haram sekke aka məs dətəŋ gabba ətafa gəm dədaknahani, ana Yesu, ndən məs dəppan ənnek nani, dəɓəs məzliwrihe, əzele, wili, məs dəsan aka dəzəŋ na mazaŋga na Maŋgəlva.

Ibriɗe 4:14

Adan mənam tat də daya net məsdəlveŋge metiŋgini, ana Yesu Wətən Maŋgəlva məs dəgap a təki nassa na Maŋgəlva, mərmasəm ətaf mədawpel wən nanəŋ ɓəlɓələ.

Ibriɗe 7:27

Nan tay də wəray va net deyeɗe net məsdəlveŋge meɓɓet nawzaɓ-Maŋgəlva pay pak ammbet mambrayɗe nan tagay asna ammban net ɗiy pak ɓa. Təl taka aɗɗa as ka faɗə də əpsən ki zəni.

Ibriɗe 8:1

Aŋki ki wən na əpel nam pakə: Mənam tat də zev Daya net məsdəlveŋge vanəs gesiŋ məs dəsan aka va dəzəŋ na mazaŋga na məlĩ Maŋgəlva a disiŋ,

Ibriɗe 9:16

Vi a təki əmanma ɗəf asani, aslək əsənən na ɗəf an dəman man van amtəka.

Ibriɗe 9:26

Vasna, kəta wazəmsãhã təl ɓaɓayə təŋ səza ətəŋ na dəlva. Vi təl taka kaka' arbə də əkgrak na paya vi kavvuyon mambray də əzaɓ-Maŋgəlva məs adə də zək nani.

1Piyer 1:21

Dəzani kətafən Maŋgəlva məs dəsilgən səret ɗiy mimtiti, apsənək gagdaka, vi ətaf nokum də əga nokum dəsangən aka Maŋgəlva.

1Piyer 3:22

Nan ateŋgik a disiŋ tay aka va dəzəŋ na Maŋgəlva, tay əzəm məlĩ aket maslayɗe də aket gagdakɗe, də aket əɓapɗe.

2Piyer 1:16

Vi məziw aka mamba məhewin net ɗiy karban sukum əɓap na Daya nam Yesu Kristu gəm pay nazza nan ɓa, mulak memetiŋ nan də haramə.

2Piyer 1:17

Vi arahək əɗikiya gəm gagdak səza Maŋgəlva Afəni. Maŋgəlva afən gagdak apel sənək dawnəh na: Aŋki Wətu an nəŋgələ, in tat ənneken zu dəndən sawɓa.

1Yohanna 1:7

Ya an mənam tat ədaw addəv əkeɗeɗe'e va ndən sən kiyən asan addəv əkeɗeɗe'e, asna məsapək awalaŋ zəmə, mbel na Yesu Wətən wabburnən mambray awandi pakə səzamə.

1Yohanna 3:5

Kəsənənka Yesu Kristu ade na vi kavviyan mambray yi, ya nan mambray tay azan ɓa.

Zuda 1:25

sən Maŋgəlva taka, məs dəkõhgəm də Yesu Kristu Daya namə, səni Gagdaka, memetiŋge, əɓapa gəm əzəm məlĩ farfarə, kakaŋka gəm hã faɗə. Amin.

Hənhən 3:21

Məskəwəla na, wanəɗɗa dəsangən də in aka mazaŋga na məlĩ nawa, va naw pak nəskəwəla nəmbat əssaw də Əbba aka mazaŋga na məlĩ nani.

Hənhən 4:11

Daya Maŋgəlva namə, kəgapək nawrəh gagdaka, əɗi kiya gəm əɓapa. Vi istə kəzəməɗ zəgeɗ pakə, kəŋgələk dəssoŋgəni, yaŋ kəzəməɗe.