Hose'a 9:3 - Bible en Guidar

³ Aɓapaŋ na kassoŋ də gəla aka dələv na Yawe ɓa: Efrayim wamil a Eziptə, a Asiri wazəmaŋ zəga nawmə'a.

Hose'a 9:3 ပူးပေါင်းရင်းမြစ်များ

1Milyeŋge 9:7

asna, wanərɓahan Israyel səka dələv nəpsənəŋka; wanəppan Gəla məs nəɗi aka iya nawəŋka, wanəzgan sə maharaw faraɗa, Israyel wakkpaŋ va zəga na mamba, va zəga nawmas net ɗiy pakə.

2Milyeŋge 17:6

Aka wəzva mavaytakan na Hose'a aka məlĩ yi, məlĩ na Asiri amõh Samari, ake mə Israyelɗe a Asiri. Azi aka va na Hala, aka va na Gozan, dədaki məlpa Habor adawtoŋgo, gəm a walaŋgəleɗe gugriɗ na Mediya.

Yeremiya 16:18

Wanəfaɗ sit heslepe net də mambray net təɓələn sula, vi arnokonənək dələv naw də kiygəbayit zəgeɗ daryawɗe neti, aknahənək dələv nawzəmgəla naw də zəgeɗ net mbəreyti.

Yeremiya 2:7

Nəkikumuk aka dələv məs guli net wəleŋɗe məzuwaŋgə, kəzəməngən uwa neti də ətərwəray neti. Yaŋ kəzzoŋ kərnokonən dələv nawa, kəkkpaŋganənək dələv nawray naw zəga daryawə.

Əɓuhma 5:6

Mətələk vam sən Eziptə gəm sən Asiri, ka məbəgən way kpe'i.

Ezekiyel 4:13

Yawe amna: «Vaski mə Israyelɗe adawzəmaŋ way na aramba a weleŋgit ɗiy-ɗar en nədarɓehet adaka.»

Daniyel 1:8

Mbaraka na, Daniyel aynanək a makran ka adarnokon zən də əzəm way gəm əsa mbazla na məlĩ ɓa. Akkamanək daya net mətawaŋkoyom nak adaska wəlan na gəgay vi karnokon zən ɓa.

Hose'a 11:11

Wazzoŋ sə Eziptə də wəkker va honzurɗe gəm səka dələv na Asiri va mukuɗuŋguleɗi, Yawe aɗiyman na: wanikiy dəssoŋgən eŋgil anetda.

Hose'a 11:5

Amndoŋ na a Eziptə ɓa, Asiri yi dədawsan məlĩ neti, vi aɓoŋgoŋgək damndoŋ azawa.

Hose'a 7:11

Efrayim tay va bəŋga na wandala tiɓiɓɓe maɗɗulan tay ɓa: Eziptə ayaŋgə, yaŋ addoŋ aza Asiri.

Hose'a 7:16

Tay əkkpaŋgaŋgə, ya azawi ɓa, tahəŋ va bəle mbərayən. Deyeɗe net waskotoŋ a ma masalam sən əpel nawku na meti, mə Eziptiɗ wamasaŋ aketi.

Hose'a 8:13

Azaɓaŋ suwənək Maŋgəlva temtemi, ndəɗaŋ əzəm slu nani, Yawe dətef ɓa; kakaŋ na tay əɗɗumon heslepe neti, tay ətawwən aka mambray neti. Wamilyoŋ a Eziptə.

Hose'a 9:6

Yeŋ anzoŋguk sən əraya, Eziptə wakkeleti, Memfis wandike. Ŋzewɗe wataknən arya na sləma neti, tintif watak gizlirkeɗe neti.

Məsdəlveŋge 18:28

Vasna dələv aptekkum na ɓa va aptek kirtindələv en dəssoŋ daabəŋ kikum, məs dəkkpaŋganən də heslepe.

Məsdəlveŋge 20:22

Mərme mahenziŋɗe naw dit tiveɗnanziya naw pakə, məgəɗ wəza dənɗaŋ, vi dələv nədawtoŋgukum addəvən kəssoŋgən akanəŋ adaptekkum ɓa.

Məsdəlveŋge 25:23

Kədawvəlaŋ dələv ka faɗ ɓa vi dələv nawi; molhõyẽɗ kənanaŋ anawda ɗarə, məsgəleŋgiɗu kənanaŋ;

Amos 7:17

An Yawe anah yaŋka: Guluk nok watəkkpaŋ məpolkoyok a walaŋgəla-metiŋ, kirtuk mezeŋgleket dit muguluŋgit pak waskotoŋ ama masalam. Gulyeŋge nok pak kawɗeketi əslet dəsle də helege. Is sən kiyuk kpak wakəmtə aka dələv net ɗiy dəsənən Maŋgəlva ɓa, ɗiy na Israyel tam kawsimgiti disim səka dələv neti.»

Mika 2:10

Misili! Məddoŋgu! Vi pay naffeti ɓa! Sən ɗarɗar nokum, tatwãh metiŋgin kədawgaŋgə.

Wəza net Masləŋɗe 10:14

Ya Piyer amna: Agəɗ na ɓa Daya! Vi zəga mərnokun awaniɓa zəga nawmə' dəgul ɗah amaw ɓa.

Əmsak aka Mahenziŋ 28:63

Vaski Yawe anneken zən nawgəɗ sukum moggon də uwokum hõyõ' hõyõ'u, vaski ye'e Yawe agəm wən nawzokum kakãhə, karɓahokumi səka dələv an kədawtoŋgoŋ addəvən kawmõhən ka nokuməŋka.

Əmsak aka Mahenziŋ 28:68

Yawe wamndogok dit bəlayɗe nok a Eziptə, kəlaka dələv məs nənah suk na: «Kula na ɗah əmpa ɓa naka!» Adak na wakəppanən ki zukum nawvəl dəvok dəvokum ka belemɗe mezeŋgleket dit muguluŋgit sit məzuzelɗe nokum, ya kərahaŋ na ɗəf nalbuhkum ɓa.

Əmsak aka Mahenziŋ 4:26

ya dəpaŋ na nəɗiyik disiŋ də dəlvafuŋ dəkiyaŋ suwəngən wən akokum: Ɓo' way ta' wakəzaŋ də kakara səka dələv kədaggaraŋ ki Yurden kawmõhən ka nokuməŋka, kənziyaŋ na diyɗa adak ɓa: kawzokumi kakãhə.

Yosuwa 23:15

Ya kan na, va əpel an nenek məs Yawe Maŋgəlva nokum apel sukum agəɗ akokum gesiŋ əŋka, vaska'e Yawe adaknahan əpel an mbərayən akokum gesiŋ hã bay əbaykum, mbo' əzokum səka dələv moggon məs Yawe Maŋgəlva nokum apsukum naka.