Hose'a 9:1 - Bible en Guidar

¹ Israyel kənneken zuk sam hã kiyuk zlazlaɓ va ɗiy meɓɓet ɓa, vi kələk faraɗa səza Maŋgəlva noko kəgəɗək polkoyo, may kəŋgələk əfaɗ suk aket kelleɗe na haykəmari pakə.

Hose'a 9:1 ပူးပေါင်းရင်းမြစ်များ

Gəlyaɗe 73:27

Vi məzuzaraŋ səzok tahəŋ əzaŋgə; wakəzan ɗəf an dəppoko.

Isaya 17:11

Pay nazlga zeŋve noko, də mompumo is tat ula an kəzlgə əgilye, is tat əɗɗa dəffuygəni. An mekkalən hara na tay əza an pay nawza adeke, əzəmsãhã məza miha nan ɓa.

Yeremiya 2:19

Mambray nok dəzga suko, kəta əppan Maŋgəlva dəkisuk əzga'a! Vasna asəna kulagən na wəzgan Yawe Maŋgəlva nok gəm wəgeslne sən tay ɓa na, wən nan təraŋhi, mbərayni, Yawe Maŋgəlva Məzuɓappak aɗiymani.

Yeremiya 2:20

Far kəŋzlu zuk noko, kəpəlik helegeɗ dəynokuni; kəmna: Nəgəɗ na wəza ɓa! Aka təki ɗagarra gəm ammbet wəleŋɗe tindiŋ tindiŋ pak kəweɗik zuk əɗɗa polkoyo.

Yeremiya 44:17

Vi əpel an dəgil səmam pak mədazba, kawzla tursan sət Ma'ãyək na disiŋ, waməpeslit va məgəɗə, mənamə, efiŋgiɗmə, milyeŋge namə, deyeɗe namə, a walaŋgəleɗe gugriɗ na Yuda gəm aket tiveɗ na Yerusalem. Gala mədaɗɗa zəgeɗiski, mənam tat əba də zəga nawzəma, mənam tat əsam zayə tatwãh tay məwəl ɓa.

Əɓuhma 4:21

Ya anneki, asok zuk babyak babyakə, waŋ na Edom, is məs kəsok də gəla aka dələv na Us! Haran nok wade nawtaw wən akoko! Wabayuk va mbazla, wakəkgbuk zuk mekeleŋ!

Ezekiyel 16:15

Kəppanək zuk aka lelew noko, kəpolkoyonək zuk sən sləmoko; kəbbalanək polkoyo noko, məzutoŋ pak nan kənani.

Ezekiyel 16:30

Daya Yawe aɗiymani, adan kiyuk awtak ɓa, ndəni kədaɗɗa zəgeɗis pak wəza nat məpolkoyok gaŋgaŋ.

Ezekiyel 20:32

An naddəv əɗɗum nokum agəɗ na ɓa; mənokum tat ənəhaŋ na: “waməsam va ɗiy-ɗar tamə, va mahəlfaɗe naket dəlveŋge mbirti, kappu' sən wəlaŋga də gərma.”

Ezekiyel 21:10

Asna ɗiy pak wasənnən na, intə Yawe məpət masalam nan sə gəlani, amndan na əmpa ɓa.»

Hose'a 10:5

Ɗiy na Samari tahəŋ gərəŋ aka wən nat wət wasliyək na Bet-Awen, vi ɗiy nat tahəŋ a gəlabay aka wən nani, məsdəlveŋge nan wakkereŋ aka wən na gagdak nata, vi gagdak nat azəka!

Hose'a 2:12

Kakaŋ wanərban ərba wil nat a maheret gəreŋgiɗta, ya ɗəf tay nawtərət səvaw ɓa.

Hose'a 4:12

Ɗiy naw tahəŋ əssohõnən ma wəlaŋga neti, ya kivan məzuboton siti. Vi əɗɗum na polkoyo azetike. Də əɗɗa polkoyo agohoŋ səza Maŋgəlva neti.

Hose'a 5:4

Wəzaɗe net tahəŋ ərban na, əmnda net tuwãhĩ aza Maŋgəlva neti, vi əmpəs na polkoyo dəzəm məlĩ aketi, dəsənən Yawe dərəŋ ɓa.

Hose'a 5:7

Araygənənək iya na Yawe, vi awaŋ sulomɗe; kakaŋ wəzləra na təla ama gərəm wazim də zəga an haran net pakə.

Amos 3:2

«Anokum kaka' nəsən səddəv məlma nammba dələv pakə; vini nədawtaw wən akokum aka mbərayən nokum baymani.»

Amos 4:5

Məzla peŋ mədan də wuɗo ka əzaɓ-Maŋgəlva naɗɗa soko! Mətəlma na əvəl an də makra, məprəman siti, vi vaski kəŋglaŋ mənokum mə Israyelɗe.» Yawe Maŋgəlva aɗiymani.

Amos 6:13

Mənokum tat ənneken zukum aka Lo-dabar (ɗarə); mənokum tat ənah na: «Də gboŋgboŋ nami məmõh Karnayim, mohõ sula ɓa sa?»

Amos 8:10

Wanəkkpeŋget wəzləreɗ nokum ka gəlabayɗe gəlyeŋɗe nokum tam ka wəhəma. Ɗiy pak waynaŋ gomboɗok ama gizeti, kiyit ɗiy baymet wasan məfaɗən, wanəɗi va pay əmta na karmalay. As pak wagrak wəsɓəta mbərayən diyɗa.

Yakob 4:16

Ya munokum dal wəgakdakan zukum də wəɗi kizukum də wəpel nokum. Zev wəɗi kizukum an vas tay lew ɓa.

Yakob 5:1

Məpak sləmokum ammba wəpeləŋka, munokum məsaryeɗi. Məhəmə məngəsl vaŋvəla vi wəzəmsahã məs dədazan diyɗa akokum.