Hose'a 8:9 - Bible en Guidar

⁹ Vi net apeŋgeŋgik a Asiri, assoŋ na kiyit va koro nawra, Efrayim albahək beyneŋgiɗni.

Hose'a 8:9 ပူးပေါင်းရင်းမြစ်များ

2Milyeŋge 15:19

Pul məlĩ na Asiri, aguluk dələv kulo'u, yaŋ Menahem apsən təbəz net koɓeɗ kilo gabal kaklaw hoku, vi dəbbah səngən dəsɓan məlĩ nani.

Isaya 30:2

Ndəɗaŋ məpurkoŋ a Eziptə, məza əttokon maw ɓa, vi kawɗam ara Farawən, gəm kawsor ara zeŋgile na Eziptə.

Isaya 30:6

Wəpel aket zəgeɗ memeyẽɗ na Negev. Aka dələv na tatwãha gəm nawzəm sahã, na ɓoolu mugolun də məzilin, na barway də bomtoro məzuveŋge. Tahəŋ əka aryeɗ gəm əzaɓ net aket korɗe gəm aket zlogomeɗ sit ɗiy məs tahəŋ də ətərwəray ɓa.

Yeremiya 2:24

Is tat va koro mugolun nawra, məs dəsərək də kapta-muyã. Pay narka' nani tay əffok səmyã; naway nawtak pay narkã nan di? En mezeŋgleket məzukayanən pak awyaŋ sam ɓa; tahəŋ əpeŋ akan an təla nani.

Hose'a 12:1

Ɗiy na Efrayim azzəŋgaŋgək kiyu dit tepelkeɗi, mə Israyelɗe tam də uwawəna. Yuda nan tay ədaw də Maŋgəlva tagay, tay ɗew ndərəsl də Salala.

Hose'a 12:2

Efrayim, tay əzgəl kizən də səmyã, tay ənzan ammba barkataŋ nammba pay nampum hurruɓu; tay uwet tepelkeɗ gəm gagayə. Aziwginik wənmiyna də Asiri, tay əka mẽl sən Eziptə.

Hose'a 2:10

Təsən lahəŋ na, intə nədapsət haykəmari, mbazla na meketepe, mẽl ɗololo ɓa; nənzlərgən sətək təbəz babar də meleŋge, yaŋ aɗɗaŋ wəza sən Ba'al dəndəni.

Hose'a 5:13

Efrayim awlak gbəgba' nani, Yuda tam yoro nani; Efrayim alək kəla Asiri, aslənik metiveɗ aza məlĩ metiŋgini, ya nan aɓap na əkõhgukum ɓa hara, anzaɗ sukum na yoro nokum ɓa.

Hose'a 7:11

Efrayim tay va bəŋga na wandala tiɓiɓɓe maɗɗulan tay ɓa: Eziptə ayaŋgə, yaŋ addoŋ aza Asiri.