Hose'a 8:7 - Bible en Guidar

⁷ Vi səmyã adazlgaŋgə, barkataŋ adakkalanəni. Haykəmari net apok na ɓa, an apokko, agəɗ na gəpa ɓa, ya an agəɗək gəpa, molhõyẽɗ dədawzəməni.

Hose'a 8:7 ပူးပေါင်းရင်းမြစ်များ

Va'Atəŋ 41:23

Sə dərɓagani ki hay buhul, məkufit kəfyuwa kəfyuwa dəgilyoŋ, səmyã na mawala aŋkəluwke.

2Milyeŋge 15:19

Pul məlĩ na Asiri, aguluk dələv kulo'u, yaŋ Menahem apsən təbəz net koɓeɗ kilo gabal kaklaw hoku, vi dəbbah səngən dəsɓan məlĩ nani.

2Milyeŋge 15:29

Aka pay na Peka, məlĩ na Israyel na, Tiglat-Pileser, məlĩ na Asiri, adek əmõh Iyon, Abel-Bet-Ma'aka, Yano'a, Kedes, Hasor, Galad, Galile, gəm dələv na Neftali baymani; asimgit ake a Asiri.

Ɗerewel na Yob 4:8

Aŋki nəwəl azet ɗiy məɗɗaŋ mambrayə: ɗiy məzlgaŋ tatwãhã, anan adakkalanəni.

Wənməkkpaŋga 22:8

Ɗəf dəzlgə daraw na, zəga mbərayən adawpete; zleŋge naɗɗa mambray nan waŋgəslə.

Məsmaɗula 5:16

An dəday əmpa na, tay ətoŋgən ənziya nan pak addəv guzliyo; tay əhəm sawɓa, zən appar ɓa, pay pak gədəvən mədani.

Isaya 17:11

Pay nazlga zeŋve noko, də mompumo is tat ula an kəzlgə əgilye, is tat əɗɗa dəffuygəni. An mekkalən hara na tay əza an pay nawza adeke, əzəmsãhã məza miha nan ɓa.

Isaya 55:2

Vimi kədawzanən dala məza aka zəga an nazgəl ɗəfi ɓa, mənokum gəm əyan zukum ammba an aban na ɗəf ɓa di? Məprəma, məprəmwa, məzəm zəga moggoni, gəm əban zukum də da'asə.

Isaya 66:15

Vi Yawe yaŋ əzzan addəv offo, mawteŋɗe net pilseŋge nan tahəŋ va barkataŋɗe. Waki gagay na ədagədəv nani kawhãy addəv hərzlum offo.

Yeremiya 12:13

Aslgaŋgək haykəmari, yaŋ apeteŋ tintifɗe. Ayanənək ziti ya zəga tay arahaŋ ɓa. Wil dədukum sən əpet nokum! Vi ədagədəv na Yawe vakvaki.

Əɓuhma 5:2

Məpsiti arya nawray nam sit ɗiy-ɗarə, ya gəleɗe namə, sit ɗiy-ɗarə.

Hose'a 2:9

Watəzbet gəreŋgiɗta, tərufne ɓa, watəkeyeti, tərih na ɓa, watənah na: «Wanəmndak ana zəlu maddaabəŋ da, vi moggon nəsaw adak lahəŋ day ki kakaŋka.»

Hose'a 7:9

Molhõyẽɗ azəmənək gbogboŋ nani, nan awsənən ɓa; əgal adek akani, ya awsənən ɓa.

Hose'a 9:16

Məbayni Efrayim, suwerin aŋkəlka, awə na kirtin kpak ɓa. An awək dayday na, wanəbey en aŋgəl səddəvən.

Nahum 1:3

Yawe awda gədəv gu' ɓa, tay də wəɓap metiŋgini, appan na məgəɗ zəga ka məs man bartata ɓa. Tive na Yawe tay addəv buwən də səmyã gəm addəv barkataŋ; slaybuna, ndəni ologudum nammba təlni.

Haggay 1:6

Kəzlgaŋgək diyɗa, ya məkkalan nan siɗikke kərahaŋgə; mənokum tat əzəmaŋgə ya kawbaŋ ɓa; mənokum tat əsaŋgə ya zukum appar ɓa; mənokum tat əguloŋgu ya zukum akkpaŋ kãh ɓa, ərah na məgəɗ wəza tay əmbat addəv taɓak mətilik gabbani.

Galatiyen 6:7

Kədawmbəɗanən zukum ɓa, Maŋgəlva appan na ɗəf dəmasgən akan ɓa, vi an məs ɗəf azlgə pak anan adawbəla.

Galatiyen 6:8

Vi ɗəf məzəzlga sən gəɓa zəni, wabəl an məs gəɓa zən awə: Əmta. Ya ɗəf məzəzlgan sən Əmpəsa, wabəl an Əmpəs awə: Zeŋgile nasa faɗə.

Əmsak aka Mahenziŋ 28:33

Zəgeɗ na mabardaw nok də iya nok pak ɗiy meɓɓet məs kəsin ɓa dədawzimini, ɗiy wazəmgukun sahã də wəsər mok pay pakə.