Hose'a 7:2 - Bible en Guidar

² Awnahaŋ a mekret na mbərayən mədaɗɗa ɓa, nəɗɗumonək akawa, kakaŋ na wəzeɗe net akaraŋgək kiyiti, yeŋ ama harawa.

Hose'a 7:2 ပူးပေါင်းရင်းမြစ်များ

Ɗerewel na Yob 34:21

Vi haran tay aka tive net ɗiyi tay ula ədaw net pakə.

Gəlyaɗe 10:11

Tay Ənah a makran na: «Maŋgəlva azgətka, aɗamanək harani, tay an adawla ɓa.»

Gəlyaɗe 25:7

Kəɗɗumon mambray naka gawlaw də wəɓoŋ naw ɓa; aɗɗum akaw də mbəlembəle noko, vi moggok kənani Yawe.

Gəlyaɗe 50:22

Məprəm lewlewi, mənokum məzəzgətaŋ ki Maŋgəlva. Vi nədawpiwekum, ɗəf tay nawmõhkum ɓa.

Gəlyaɗe 9:16

Ɗiy na guw agəkaŋgək addəv vov aso'oŋgu, tilit arəmək aka bizwil məs aɗamanəni.

Gəlyaɗe 90:8

Kəziyik heslepeɗe nam aboko, an məɗaman aboki ta'ə.

Isaya 1:3

Wasli asənək ɗəf dəlbaha, koro tam təki nawzəm məs afən apsənə. Israyel nan dəsən ɓa; ɗiy naw azgan sləma ɓa.

Isaya 26:16

Addəv əzəmsahã, Yawe, aɗiyənək əɗɗum net akoko; an kəzlotuk bereti ndəɗaŋ əkkamokuni.

Isaya 44:19

Ɗəf tay məzəɗɗum təttaka ɓa, tay də əsən moggon akan təttaka ɓa tay məs maɗɗula akan nawnah na: pəɗak nan na nəzlak akoffo ɓa; nədak way aka slayoffo nani nuya'ək sluwa, nəzəmka. An nədaɗɗaŋ na mambray yi ɗarə. Aba wəlaŋga nədappu'o!

Isaya 5:12

Ɓaɓəlma gəzləŋtəndəŋ də gaŋgara, dəgəla gəm na pozloro tay əhhaɗan əsa neti. Ya awlanən wəza na Yawe va zəga azet ɓa, awlanən wəza an agəɗ də van ɓa.

Yeremiya 14:10

Aŋki an Yawe anah aket ɗiyəŋki: Vas aŋglaŋ əbbal ɓa, tilit awziw a gəlan ɓa. Ya Yawe tay ənan nek dənɗaŋ ɓa, Ya yaŋ na tay əɗɗumonən mambray neti, watawwən aka heslepe neti.

Yeremiya 16:17

Vi haraw tay sekke aket tiveɗ net pakə, aɗamaŋ na səbaw ɓa, heslepe net azə na səma haraw ɓa.

Yeremiya 17:1

Mambray net ɗiy na Yuda məverni də mabəl na təbəz ɓəɓəla. Məverni aka kalaɓ na mekreti gəm aka moho təki nawzaɓ Maŋgəlva neti.

Yeremiya 2:19

Mambray nok dəzga suko, kəta əppan Maŋgəlva dəkisuk əzga'a! Vasna asəna kulagən na wəzgan Yawe Maŋgəlva nok gəm wəgeslne sən tay ɓa na, wən nan təraŋhi, mbərayni, Yawe Maŋgəlva Məzuɓappak aɗiymani.

Yeremiya 32:19

Məs kəɗɗum naɗɗa metiŋgini, is tat əknahani. Is tat ula an ɗiy adaɗɗaŋ pakə, ka kamndagan sən ɗəf pak va aza ədaw nani gəm va wəza nani.

Yeremiya 4:18

Wədaw noko gəm wəza nok dəkinən zəgas pak akoko, əray dəde akoko gesiŋ is tat əttəman tatwãha, gesiŋ tay ətoŋ suk təɗək hã a mokroko.

Yeremiya 44:21

Tursan kəzlaŋ a walaŋgəleɗe gugriɗ na Yuda gəm aket tiveɗ na Yerusalem, mənokum, efiŋgiɗkum, milyeŋge nokum, deyeɗe nokum gəm ɗiy naka dəlva, Yawe dəɗɗumon wən nan hã dətoŋ a makran ɓa sa?

Ezekiyel 21:29

Vini, vaŋ Daya Yawe anahə: Adan kəɗɗumon suwən heslepe nokum, kəkolnən ki əɓoŋ nokum, karban mambray nokum addəv wəza nokum pakə, adan kəɗɗumon suwəni, wakəbətaŋ avet ɗiyi.

Hose'a 12:2

Efrayim, tay əzgəl kizən də səmyã, tay ənzan ammba barkataŋ nammba pay nampum hurruɓu; tay uwet tepelkeɗ gəm gagayə. Aziwginik wənmiyna də Asiri, tay əka mẽl sən Eziptə.

Hose'a 4:9

Əray məstaka dədawrih ɗiy də məsdələv pakə. Wanəzga'sit aka wən na ədaw neti, wanəmndagan sit aza wəza neti.

Hose'a 6:2

Dərɓaga əvoŋ sula, wambəlgəmə, pay mahokon na, wasilgəmə, waməsam madaram abani.

Hose'a 8:13

Azaɓaŋ suwənək Maŋgəlva temtemi, ndəɗaŋ əzəm slu nani, Yawe dətef ɓa; kakaŋ na tay əɗɗumon heslepe neti, tay ətawwən aka mambray neti. Wamilyoŋ a Eziptə.

Hose'a 9:15

Mambray net pak arbanək zən a Gilgal: vi aski nəzele; aka mbərayən na wəza neti wanərɓehet siŋgil anawda, niŋgliw na əmpa ɓa; deyeɗe net pak məɓoŋtiŋgə.

Hose'a 9:9

Akkpumoŋguk addəv əray va aka pay na Gibeya. Waɗɗumonən mambray neti, wanəmpəlkiya na mambray neti.

Amos 8:7

Yawe aswayka: «Aka əɓaygən kiya na Yakob na, nəzgət na ɗah ki zəga naɗɗa net pakəs ɓa!»

Yonas 1:2

«Asili! Dok a walaŋgəla-metiŋgin na Niniwe, apel akani, vi daraw net ɗiy naddəvən agapək abawa.»

Əŋɗa 32:23

An kəɗɗanən vas ɓa hara na, mbərayən kəɗɗaŋ sən Yawe. Məsən na mbərayən nokum tay əzbokum.

Luka 12:2

An mətərən pak wappasə, tay an məɗama məs kawsənni ɓa ɓa.

1Korintus 4:5

Vi vaski kədatawaŋ wən dafsən tak əzza na Daya ɓa, ndəni nawkekeɓe an dəɗam ara guzliyo gəm narban an dəsan a makret ɗiyi. Asna naway pak warah hara gagdak nan səza Maŋgəlva.

Əmsak aka Mahenziŋ 32:29

Va də maɗɗuletiŋ na, waprəmənən gabbani, wawelenən an nabet kəta:

Ibriɗe 4:13

Zəga tay dəɗam ara Maŋgəlva ɓa. Zəga pak appakayi ama harani. Səni mənam pak mədaŋɗan an məgəɗə.