Hose'a 7:1 - Bible en Guidar

¹ Gala nədaŋgla ənzaɗ Israyel, yaŋ heslepe na Efrayim arbə gəm mbərayən na Samari: ha'aw, aɗɗaŋgək wəza də tepelke; mahãla tay ətoŋ addəvit gəleɗe, masapeɗ tahəŋ əmõhẽtin ɗiy aka tive.

Hose'a 7:1 ပူးပေါင်းရင်းမြစ်များ

Isaya 28:1

Əraya! Məs mbazla abay na Efrayim tay əkaɓaŋ də walaŋgəla-metiŋ dəsan mətərkiya, dəzlzlet hã aka walaŋ məs ba'ar gagdak nan aɓətək va uffiyo məɓətən aket məs mbazla abayə.

Isaya 59:12

Vi əɓoŋɗe nam adayaŋgə aboko, mambrayɗe nam tay ərbaməni. Əɓoŋɗe nam tahəŋ akamə, məsənik heslepeɗe namə.

Isaya 59:13

Məɓoŋko, məwək wən aka Yawe, məppanək əzban Maŋgəlva namə. An mədawpele, nattapan ənziya yi gəm əɓoŋgo. An mədaɗɗum a makramə, əpel na uwawəni yi.

Isaya 59:14

Vas ətawwən təstəs amndan dirɓə, əkõh aziwik faraɗa. Əpel wən təstəs ataŋgbãyək a gəla lumu, təstəs aɓap na əziw ɓa.

Yeremiya 51:9

Məmbeɗik Babilon, ya dəmbəl ɓa. Məzar səzani, ɗəf pak dəlgən aka dələv nani. Vi wən mətaw akan agapək hã disiŋ asilik hã gap aza slaybuwna.

Ezekiyel 16:46

Məlmuk akən daya, ndəttə Samari dit kirtət muguluŋgiti, məs təsat də gəla aka vok zlaɓay. Məlmuk akən sawã akən də gəla aka vok dəzəŋ, ndəttə Sodom dit kirtət mugluŋgiti.

Ezekiyel 23:4

Iya net yaŋka: Akən daya, Ohola, məlmət tamə, Oholiba. Vasna nawəŋgə, awaŋgək kirin mezeŋgleket dit muguluŋgiti. Iya net van na, Ohola, Samari yi, Oholiba tamə, Yerusalem iyi.

Ezekiyel 24:13

Ərba wil tay addəv ərnok noko; vi nəbburkuko, ya ərnok nok dəbbur səzok ɓa, ya kəbbur na əmpa ɓa hã gap in mah əke herɗe naw akoko.

Hose'a 10:5

Ɗiy na Samari tahəŋ gərəŋ aka wən nat wət wasliyək na Bet-Awen, vi ɗiy nat tahəŋ a gəlabay aka wən nani, məsdəlveŋge nan wakkereŋ aka wən na gagdak nata, vi gagdak nat azəka!

Hose'a 11:8

Mbar nədapsuk di Efrayim, mbar nədawɓap əppok di, Israyel? Mbar nədakkpoŋgok va walaŋgəla-metiŋ na Adma di? Nəgəɗ suk va na Seboyim sa? Makraw tay əgəbəɗa, də as pak əŋgla naw akok ɓəlɓəli yi.

Hose'a 12:1

Ɗiy na Efrayim azzəŋgaŋgək kiyu dit tepelkeɗi, mə Israyelɗe tam də uwawəna. Yuda nan tay ədaw də Maŋgəlva tagay, tay ɗew ndərəsl də Salala.

Hose'a 12:2

Efrayim, tay əzgəl kizən də səmyã, tay ənzan ammba barkataŋ nammba pay nampum hurruɓu; tay uwet tepelkeɗ gəm gagayə. Aziwginik wənmiyna də Asiri, tay əka mẽl sən Eziptə.

Hose'a 4:17

Na Efrayim azbetik meŋgilveɗi: nan appani.

Hose'a 4:2

Ɗew sənən mefɗeke, uwawəna, əbay gəbaya, wəhãla, əku a gizbe, əsuk met ɗiyi, əbay kiya akan akani.

Hose'a 5:1

Məsdəlveŋge məprəm wənəŋka, məpak sləmokum gəla na Israyel; gəm gəla na məlyã: mənokumtə nawtawwən kəta, yaŋ kəkkpaŋgaŋ həmbaw a Mispa, ka mazzaɗ aka mossorgo metiŋ na Tabor;

Hose'a 6:4

Efrayim, mi nədawgəɗ suk di? Is Yuda, mi nədawgəɗ suk di? Moggon nokum akaw tay va slaybuwən na mompummo, va minɗe məzuziyaŋ, məzəssaraŋ go'u.

Hose'a 7:13

Əray aketi, vi anzoŋ faraɗa səzawa, əray neti, vi aɓoŋgoŋgək akawa! Wanəbit kəta, yaŋ net awaŋ wən akawa.

Hose'a 8:5

Məzgani wət wasliy noko, Samari! Asilginək ədagədəv naw aketi. Hã pay gbəŋgbar kan kədassoŋ məza heslepe ɓa di?

Hose'a 8:9

Vi net apeŋgeŋgik a Asiri, assoŋ na kiyit va koro nawra, Efrayim albahək beyneŋgiɗni.

Amos 3:10

Dəsənaŋ əɗɗa moggon ɓa «ndəɗaŋ məkkalanən zəga mərəhən də gagay gəm də popoho addivit gəleɗe net moggetiŋki.» Yawe aɗiymani.

Amos 3:9

Mətəl ma azet gəleɗe mogget na Asdod gəm naka dələv na Eziptə, mənah na: «Mekkal aket mossorgeɗe gugriɗ na Samari, mula ɗarɗar naddəvən diyɗaŋka, gəm əzəmsahã an dədaɗɗa addəvən.»

Amos 8:14

Ɗiy məzəswayaŋ də mambray na Samari gəm ənahaŋ na: Də iya na Maŋgəlva noko, Dan: “awaniɓa də iya na tive na matuya na Ber-Seba!” Ɗiyis pak wazbəraŋgə asilyoŋ na əmpa ɓa.»

Mika 6:16

Is tat əzban an məlĩ Omri aziwgini, is tat ədaw va gəla na Akab adawə. Is tat əzban təlni! Wanəraygən walaŋgəla-metiŋ, kawmasi aket ɗiy nani. Əra net wil net ɗiy naw wakkpaŋ akokum.

Matiye 23:37

Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken di, ya kəŋgereŋ ɓa.

Luka 13:34

Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken kawvoŋ aket di, ya kəŋgereŋ ɓa.

Luka 19:42

Amna: Va pay dəpaŋkəŋ nok kəsənək va mbar ərəh zazay asani! Ya kakaŋ məɗamni səma horoko.