Hose'a 6:7 - Bible en Guidar

⁷ Net van va Adam, aggaraŋ ki wənmiyna, adaki aɗɗaŋ mbərayən azawa:

Hose'a 6:7 ပူးပေါင်းရင်းမြစ်များ

Va'Atəŋ 3:11

Yaŋ amna: «Naway dənah suk na, zuk mekeleŋ kənani di? Kəzəmək ki wəlaŋga məs nəɗi suk wən nan kədawzəmən ɓa nak sa?»

Va'Atəŋ 3:6

Yaŋ guluk tula na, uwa na wəlaŋga nak moggoni nawzəma, tay lewi, nawsimi, nawsən gabba wən kpekpe'i. Ndət wətən nak ɓuh namnamə, ndət tah sən zələt a maŋgavata, ndən namnamə.

2Milyeŋge 17:15

Azgetinik mahenziŋɗe nan də wənmiyna nan məs aynan dit efiŋgiɗti gəm wən an aprəman siti; yaŋ azbanən zəga ɗarə, akkpaŋgaŋ tam va zəga ɗarə, gəm azbetin ɗiy-ɗar en tərwəsl kiyiti məs Yawe aɗi sit wən nan na kədaɗɗaŋ va net ɓa naka.

Ɗerewel na Yob 31:33

Nəsərət ki əɓoŋ naw va ɗiy meɓɓet adaɗɗaŋ kawɗaman mambray naw ɓa.

Isaya 24:16

Mənam tat əprəm gəlya, əzzan sə metteɓ ma dəlva: Gagdak aza an Təstəsə! Naw nənahək hara na: naw məzaw nani, naw məzaw nani, əray akawa! Məzəmaŋ kiya tahəŋ əzəmaŋ kiya, əzəm kiya net məzəmaŋ kiya tay əzəm kiya.

Isaya 24:5

Dəlvafuŋ arnokuk səmmbet ɗiy nakani, vi amzlahaŋgək səka an Daya ayagan siti akkaɗaŋgək ki mahenziŋ, apələnək wənmiyna, an dəsan faɗə.

Isaya 48:8

Kəprəmənən ɓa, kəsənənən ɓa, kəpakən sləmokum ɓa. Vi nəsənək na əzəm kiya kədawzəmaŋgə, məɓoŋkum kənanaŋ far adawyukumən səddəvət mokum.

Yeremiya 3:7

Naw nəmna, dərɓaga aɗɗa as pak na wamil azaw soko. Ya dəmil ɓa. Yuda hinzere məlmən awlaka.

Yeremiya 31:32

Asan na va wənmiyna nəziwgin dit efiŋgiɗit aka pay nərme aza vet kawgilgit səka dələv na Eziptə ɓa, net araygənənək wənmiyna nawa, də nəsaw daya net zlaŋ Yawe aɗiymani.

Yeremiya 34:18

Wanəkkpeŋget ɗiy məs dəmzlahaŋ səka wənmiyna nawa, məs dəknahanən əpel na wənmiyna məs aziwginin abaw də əprasl wət wasli pərasl sula atoŋgoŋ də walaŋnəŋ ɓa.

Yeremiya 5:11

Ɗiy na Israyel va en na Yuda azəmənək kiwa, Yawe aɗiymani.

Yeremiya 9:6

Vini kana, aŋki an Yawe Məzuɓappak anahə: Wanəhĩs akoffo, kawlan an təstəsəŋgə. An vaski ɓa na mbar nədawgəɗ sit ɗiy naw əmpa di?

Hose'a 5:7

Araygənənək iya na Yawe, vi awaŋ sulomɗe; kakaŋ wəzləra na təla ama gərəm wazim də zəga an haran net pakə.

Hose'a 8:1

Affon gozloro! Va gazla, vaski wəray adawteh aka gəla na Yawe, adan aggaraŋ ki wənmiyna nawa gəm aggaraŋ ki mahenziŋ.

Roma 5:14

Ya əmta dəzəm məlĩ təŋ səza Adam hã gap aza Moyis, də aket en dəɗɗaŋ mambray mə zeŋvin na Adam ɓa zlaŋ. Ndən məs dəsan zeŋgile na məs dədazzani.

Əmsak aka Mahenziŋ 31:20

Vi wanətoŋgit ɗiyiŋ aka dələv məs moŋvo də amama adadaw akan lokloku, məs niynan sit wən nan sit efiŋgiɗit də wəsway ammban, wazəmaŋ kpe'i, wakəraŋgə, wamanən heret azet meŋgilveɗ meɓɓeti; waɗɗaŋ sitin wəza, wazelewəni, wappanən wənmiyna nawa;

Ibriɗe 8:9

Asan na va wənmiyna məs niynə dit efiŋgiɗit pay məs nərma vet nawgilgit səka dələv na Eziptə ɓa. Vi ndəɗaŋ sən kiyit van dəziweŋ addəv wənmiyna naw ɓa, vini naw tam nəppeti Daya anahə.