Hose'a 5:5 - Bible en Guidar

⁵ Wəkaɓ na Israyel tay ətawwən akani. Israyel də Efrayim ataŋgbayãŋgək vi heslepe neti, Yuda pak ataŋgbayə̃k dənɗaŋgə.

Hose'a 5:5 ပူးပေါင်းရင်းမြစ်များ

Wənməkkpaŋga 11:21

Tay va məsdaraw adawkõh səddəv əzga' ɓa, zəv ɗəf an təstəs na, nan wakõhu.

Wənməkkpaŋga 11:5

Təstəs na ɗəf məs təstəs-gərak dədakkpaŋgan tive nan sarara, məsdaraw addəv daraw nan adazbəra.

Wənməkkpaŋga 14:32

Mambray na məsdaraw wazlba, ya ɗəf an təstəs addəv əmta nan zlaŋ tay də təki nawɗama.

Wənməkkpaŋga 24:16

Vi ɗəf təstəs waskot təl buhul, wasili, ya net məsdarawɗe ətaŋmgbãyaŋ na aza tatwãhã.

Wənməkkpaŋga 30:13

Sayit ɗiy tay məɗinən ki zit diyɗa, ulenin ɗiy pak guffo azeti.

Isaya 3:8

Vi Yerusalem askotko, Yuda aɓəslka. Əpel neti gəm wəza neti əɓoŋgi aba gagdak na Yawe.

Isaya 3:9

Əkəw net tay ərba wən aketi. Tahəŋ ərbanən mambray net va ɗiy na Sodom aɗɗaŋgə dəɗamanən ɓa. Aw əraya, məɗɗaŋ əray ka kiyti.

Isaya 44:9

Məzaɓaŋ zəgakamaŋgəlva pak tahəŋ va zəga ɗarə. Wəza lalaw net tay də ətərwəray ɓa: assoŋguk miziwe neti, awlanən ɓa, awsənnənən ɓa vini wil adawdeti.

Isaya 59:12

Vi əɓoŋɗe nam adayaŋgə aboko, mambrayɗe nam tay ərbaməni. Əɓoŋɗe nam tahəŋ akamə, məsənik heslepeɗe namə.

Yeremiya 14:7

An heslepeɗe nam tahəŋ əkkpaŋ akamə Yawe abbah səm vi iya noko. Mərbə sukuk wil təl ɓaɓayə, məgəɗək mbərayən.

Yeremiya 2:19

Mambray nok dəzga suko, kəta əppan Maŋgəlva dəkisuk əzga'a! Vasna asəna kulagən na wəzgan Yawe Maŋgəlva nok gəm wəgeslne sən tay ɓa na, wən nan təraŋhi, mbərayni, Yawe Maŋgəlva Məzuɓappak aɗiymani.

Hose'a 14:1

Samari araygənəka, vi aɓoŋguk aka Maŋgəlva nani: kawbeyti ɗiy nan də masalam, kaŋkinti kirtin na met bide, gil nan də daweyɗe kawbekti.

Hose'a 14:2

Israyel amndok aza Yawe Maŋgəlva noko, vi heslepe nok ataŋgbaygukko.

Hose'a 4:5

Wakətaŋgbãy də kapaya, məskəleŋ na nok da pak wataŋgbay də dəfɗa; wanəzat mok faɗə.

Hose'a 5:14

Vi wanəsaw va ɓoolu aza Efrayim, va gawla ɓoolu aza Yuda. Naw in nədawpiweni, sissiŋ wanəmbat dəndəni, ɗəf tay nawmõhən ɓa.

Hose'a 7:10

Əkaɓ na Israyel tay əpel akan tusso ama harani, ya dəmil aza Yawe Maŋgəlva nan ɓa; də as pak dəkayan ɓa.

Hose'a 8:14

Israyel azgətək ki an dəzəməɗa, arkək gəla na məlĩ sən kini. Yuda tam awetik walaŋgəleɗe net korguɗe. Ya wanəslən offo addəvit walaŋgəleɗe nani, offo wapalket gəleɗe mogget neti.

Amos 5:2

Waŋ ŋgbuɓɓo na Yerusalem təskotko, təsil na əmpa ɓa, Israyel lelew naka, tat ɓulohõ aka dəlvafuŋgu, ɗəf tay nawsilgit ɓa!

Matiye 23:31

Munokum tat əpel aka zukum tusso vi kirtit ɗiy dəbeyin məskəleŋɗe kənanaŋgə.

Luka 19:22

Yaŋ aɓsən na: Wanətaw wən akok aka əpel na moko, balam mbərayən. Kəsənək na naw ɗəf ɓəɓəl nani, nawgəm zəga an məs in nəɗi ɓa, gəm nakkal zəga na mabardaw məs in nəzlga ɓa.