Hose'a 5:1 - Bible en Guidar

¹ Məsdəlveŋge məprəm wənəŋka, məpak sləmokum gəla na Israyel; gəm gəla na məlyã: mənokumtə nawtawwən kəta, yaŋ kəkkpaŋgaŋ həmbaw a Mispa, ka mazzaɗ aka mossorgo metiŋ na Tabor;

Hose'a 5:1 ပူးပေါင်းရင်းမြစ်များ

Yeremiya 11:7

Vi nəsəɓsitik efiŋgiɗukum gala nəgilgit səka dələv na Eziptə, hã gap dəpaŋka, nəppan gabba əsəɓ sit dawnəh na: məprəm əpel nawa ɓa.

Yeremiya 13:18

Anah sən məlĩ dət ma'ãyə̃k nan na: Məɓe'gin kiyzukum, məssoŋ afuŋ vi kulpup na gagdak nokum dədannek zukum abətək səkokum.

Yeremiya 46:18

Madaraw nani, məlĩ aɗiymani iya nan na Yawe Məzuɓappak: Va mossorgo Tabor aweleŋgit mossorgoɗe, gəm va mossorgo Karmel aka pehe, tay əzzani.

Hose'a 10:15

Aski Betel agəɗ sukum vi mambray nokum man awsla ɓa: a bapummo məlĩ na Israyel adawbay mani.

Hose'a 13:8

Wanəzlah sit va zəga darawən mənde kirtini, wanəŋgar slu naka dadaweti, wanimpir va ɓoolu adak ləŋgə, zəga nawra wapuweti.

Hose'a 4:1

Mə Israyelɗe, məprəm əpel na Yawe: Yawe tay də wən nawtaw aket ɗiy dəssoŋ aka dəlva, vi wən gesiŋ tay ɓa, moggon tay ɓa, may əsən Maŋgəlva tay aka dələv ɓa.

Hose'a 6:9

va vanday net məvoŋgoŋ tive, vanday net məsdəlveŋge tay əbay ɗiy aka tive na Sikem: awle zəga narba wil məs aɗɗaŋgə!

Hose'a 9:8

Məzuga na Efrayim na də Maŋgəlva nawi, məskəleŋgi yi, mazzaɗɗe mənslənit aket tiveɗ nan pakə, məwak səni hã səddəv gəla na Maŋgəlva nani.

Yo'el 1:2

Mənokum ɗiy məsɓokum məprəma, ɗiy naka dələv pakə, məpak sləmokum. Zev aŋ agəɗək pay nokum, awaniɓa pay net efiŋgiɗkum ɗah sa?

Amos 3:1

Mə Israyelɗe gəm məlma bayman məs Yawe agilgit səka dələv na Eziptə, məprəm əpel nan akokum, dawnəh na:

Amos 7:9

Wanəɓzlu gəla net tuyeŋge net kirtin Isak. Gəm gəleɗe salalaɗe na Israyeləŋki wassoŋ ka kiməskiya, Ya wanəsil əwak sən gəla na Yerobo'am də masalam.

Mika 3:1

Yaŋ nənah na: Məprəma kamə mənokum deyeɗe na Yakob mənokum mətawaŋwən na Israyel. Əsən ətawwən təstəs wəza nokumi ɓa sa?

Mika 3:9

Kamə məprəma mənokum deyeɗe na Yakob, gəm mənokum mətawaŋwən na Israyel. Mənokum məzeleŋ təstəsə gəm məslokoron təstəsə.

Mika 7:2

Ɗəf təstəs tay aka dələv ɓa, ɗəf tay taka mədaw sarara aweleŋgit ɗiy ɓa. Baymet pak sən əggbo' mbel avoŋgoŋ tive; ɗəf pak tay ənslən pew̃eŋ aba məlməni.

Malakiya 1:6

Wəyin wagagdakan afəni, məgəɗ wəza tamə daya nani. Ya, an afən wəyin nan na, ngay gagdak naw di? Ya an daya nan na, ngay əɓe' kədawɓe'eŋ suwən di? Yawe Məzuɓappak anah sukum mənokum məsdəlveŋge məzuzelenən iya nawa. Mənokum tat ənahaŋ na: «Mbarmbar məzelen iya nok di?»

Malakiya 2:1

Məsdəlveŋge, kakaŋ wən məɗiynəŋ sukumi:

Mətawaŋwəna 4:12

Məprəman səni Sisera na, Barak wət Abino'am, apeŋgək aka gərəm na Tabor.

Mətawaŋwəna 4:6

Təslən iya Barak wət Abino'am sə Kedes dələv na Neftali, təɓsən na: «Yawe Maŋgəlva na Israyel aɗi sukuk wən naɗɗa. Doko, andə ɗiy gabal kəlaw səddəv mahəlfa na Neftali gəm na Zabulon, akkelet aggərəm na Tabor.

1Samiyel 7:16

Aza wəzva pak tay əbbal aka waleŋgit gəleɗe na Betel, na Gilgal gəm an na Mispa, wətaw wən net mə Israyelɗe na təkiɗes pakə.

1Samiyel 7:5

Samiyel amna: «Məkkelet mə Israyelɗe pak a Mispa; nəkkamangən Yawe ambokum.»

1Samiyel 7:6

Akkalaŋgək a Mispa. Ambaɗaŋgək iŋkile azlufin afuŋ aba Yawe, aɗɗaŋgək meme dəpaska. Aɓɗaŋ na: Asna məgəɗək mambray aka Yawe. Samiyel atawək wən aket mə Israyelɗe a Mispa.