Hose'a 4:9 - Bible en Guidar

⁹ Əray məstaka dədawrih ɗiy də məsdələv pakə. Wanəzga'sit aka wən na ədaw neti, wanəmndagan sit aza wəza neti.

Hose'a 4:9 ပူးပေါင်းရင်းမြစ်များ

Wənməkkpaŋga 11:31

Ɗəf an təstəs tay ərəh zəga na van aka dəlvafuŋ, ya məsdaraw də məgəɗ mambray warəhən ammba veti!

Wənməkkpaŋga 12:14

Ɗəf wabəh də zəga moggon səza ətərwəray na əpel na mani; warah iya na wəza na vani.

Wənməkkpaŋga 5:22

Heslepeɗe na məsdaraw warmanəni, warəm addivit helegeɗ na mambray nani.

Isaya 24:2

Əray məstaka dədawrəh məsdəlva va ɗiy-ɗarə, daya va ɗəf məgəɗ wəza nani, dayakə va balamək nata, məvəl zəga va məlbah zəga, məpsən dəmən sən ɗəfa va məŋgəl dəməna, məs dəmən nan nawfaɗ də iŋkile akan aka ɗəf va ɗəf məzban dəməna.

Isaya 3:10

Mənah na: dəɗah net ɗiy en təstəs vi wazəmən ətərwəray na wəza neti.

Yeremiya 5:31

Məskəleŋɗe aɗɗaŋgək kəleŋ na uwawəna, məsdəlveŋge tahəŋ ətaf ərəh net kaka'ə, ɗiy naw tahəŋ ulanən lew a ma hereti. Ya mi kədaɗɗaŋ dərɓaga as di?

Ezekiyel 44:10

«Ya mə leviɗe məs dəzaraŋ səzaw gala mə Israyelɗe assoŋ slorsloru, ndəɗaŋ məs dəzaraŋ səzaw dəzbetin zəgeɗmeŋgilveɗ netiŋ na, waslanən heslepe neti.

Ezekiyel 44:12

Vi aɗɗaŋ sitin wəza abet zəgeɗmeŋgilveɗ neti gəm akkpaŋgaŋ ka zəga nazbərgit ɗiy na Israyel addəv heslepe, vini nəslan vaw aketi, Daya Yawe aɗiymani, waslanən heslepe neti.

Hose'a 1:4

Yawe aɓsən na: «Alvan na Yizrel, vi abe aŋ siɗikke əmpa na, wanəssõhõn wən net mbel na Yizrel a ma gəla na Yehu, wanəbayma əzəm məlĩ sə Israyel.

Hose'a 10:10

Aza əŋgla naw na, wanəzga' siti, ɗiy wasapaŋ aketi aka wən na mambray net wəlan sulaŋka.

Hose'a 12:2

Efrayim, tay əzgəl kizən də səmyã, tay ənzan ammba barkataŋ nammba pay nampum hurruɓu; tay uwet tepelkeɗ gəm gagayə. Aziwginik wənmiyna də Asiri, tay əka mẽl sən Eziptə.

Hose'a 12:3

Yawe tay də wən nawtaw aka Yuda, gəm kawsilyen aka Yakob sən wədaw nani, wapsən aza wəza an agəɗə.

Hose'a 7:2

Awnahaŋ a mekret na mbərayən mədaɗɗa ɓa, nəɗɗumonək akawa, kakaŋ na wəzeɗe net akaraŋgək kiyiti, yeŋ ama harawa.

Hose'a 8:13

Azaɓaŋ suwənək Maŋgəlva temtemi, ndəɗaŋ əzəm slu nani, Yawe dətef ɓa; kakaŋ na tay əɗɗumon heslepe neti, tay ətawwən aka mambray neti. Wamilyoŋ a Eziptə.

Hose'a 9:15

Mambray net pak arbanək zən a Gilgal: vi aski nəzele; aka mbərayən na wəza neti wanərɓehet siŋgil anawda, niŋgliw na əmpa ɓa; deyeɗe net pak məɓoŋtiŋgə.

Hose'a 9:9

Akkpumoŋguk addəv əray va aka pay na Gibeya. Waɗɗumonən mambray neti, wanəmpəlkiya na mambray neti.

Zakarya 1:6

Wəpel nawa dit mahenziŋɗe naw en nəɗi sit wən nan sit gewleɗ naw məskəleŋɗe, dəgepnin efiŋgiɗkum ɓa sa? Yaŋ amilyoŋ anahaŋ na: Vaski Yawe Məzuɓappak aziwgin wən nan nawgəɗ səm va tive namə gəm va wəza namə, vas vani agəɗ səmə.»

Matiye 15:14

Məppeti: deŋgerɗe, məkdahaŋ deŋgerɗeŋ. An daŋgar tay əgdəh daŋgar, sulegit pak wazbəraŋ addəv vovu.