Hose'a 4:2 - Bible en Guidar

² Ɗew sənən mefɗeke, uwawəna, əbay gəbaya, wəhãla, əku a gizbe, əsuk met ɗiyi, əbay kiya akan akani.

Hose'a 4:2 ပူးပေါင်းရင်းမြစ်များ

Va'Atəŋ 4:8

Yaŋ Kayin anah sən Abel, məlmən na: «Damsa awra ɗa.» Adan addoŋgu, ndən akan le', bay əbayni.

Isaya 24:5

Dəlvafuŋ arnokuk səmmbet ɗiy nakani, vi amzlahaŋgək səka an Daya ayagan siti akkaɗaŋgək ki mahenziŋ, apələnək wənmiyna, an dəsan faɗə.

Isaya 48:1

Məprəm zəgeɗiŋki, ɗiy na Yakob, mənokum məs adawyukumən də iya na Israyel, mənokum məs kəgulyoŋ səza Yuda na: mənokum məswayaŋ də iya na Yawe gəm də Maŋgəlva na Israyel, ya addəv gegesiŋgi ɓa, addəv təstəsi ɓa.

Yeremiya 51:5

Vi dələv net aknahək də əɗɗa mambray aza Salala na Israyel. Ya Israyel də Yuda na, gil na gəbayəŋ ɓa, Maŋgəlva net dəmtə ɓa Yawe Məzuɓappaki yi.

Yeremiya 6:7

Va vov net iŋkile adaziwgit iŋkile nani, vas adarma daraw nani. An ɗəf adaprəm na ndəni gagay gəm ərma mama. Tatwãh də ərga tahəŋ a maharaw pay pakə.

Əɓuhma 4:13

As pak agəɗ na aka mambray net məskəleŋɗe nani, gəm an məsdəlveŋge nan araygənəni yi, abeyinik ɗiy təstəs addəvni.

Ezekiyel 7:23

Azaɓ ngiyamɗe, vi dələv aknahək dit məbayaŋ gəbaya, walaŋgəla-metiŋ aknahək də gagayə.

Hose'a 10:13

Daraw kinseŋgi, yaŋ kəkkalanən mambraya, kəzəmaŋgək uwa na tepelke. Vi kəbayək vok aka wəɓap noko, aka əŋɗa net məzəlpaŋ nok diyɗa.

Hose'a 10:4

Apeleŋgik ɗarə, aswayaŋgək ɗarə, aɗɗaŋgək wənmiyna ɗarə, wətawwən tay əgilyen va kevile məs muwən adawgilyen aket bareyɗe a gulyo.

Hose'a 12:14

Də məskəleŋgi Yawe apeŋgən Israyel sə Eziptə, məskəleŋgi yi dəga.

Hose'a 5:2

ɗiy mbəreyit aso'oŋguk vov kpukpum na gəbaya. Ya naw wanəzəmgit sahã pakgiti.

Hose'a 6:8

Galad walaŋgəla-metiŋ net məɗɗaŋ mbərayni, arnokuk dit mbeli;

Hose'a 6:9

va vanday net məvoŋgoŋ tive, vanday net məsdəlveŋge tay əbay ɗiy aka tive na Sikem: awle zəga narba wil məs aɗɗaŋgə!

Hose'a 7:1

Gala nədaŋgla ənzaɗ Israyel, yaŋ heslepe na Efrayim arbə gəm mbərayən na Samari: ha'aw, aɗɗaŋgək wəza də tepelke; mahãla tay ətoŋ addəvit gəleɗe, masapeɗ tahəŋ əmõhẽtin ɗiy aka tive.

Hose'a 7:3

Də mambray net adannekenən zə məlyã, ɗiy gugriɗ tamə, də uwawən neti.

Hose'a 7:4

Ndəɗaŋ pak məkuwaŋ a gizbeŋgə. Tahəŋ va magulo nawda peŋ duroɓduroɓu, məs mədə peŋ appan gabba əzaɓ offo təŋ səza məslãh gəpa hã gap əhəs nani.

Mika 3:2

Mənokum tat əzel təstəs gəm əŋglu mambraya, mənokum tat əttor kotorok gəm slu səka slesleŋgit ɗiyi.

Mika 3:9

Kamə məprəma mənokum deyeɗe na Yakob, gəm mənokum mətawaŋwən na Israyel. Mənokum məzeleŋ təstəsə gəm məslokoron təstəsə.

Mika 6:10

Zəga na vurum tay məzaɓan eŋgil ana məsdaraw da, gəm huloŋguk maɗawak nawsla zəga məs nəzel sa?

Mika 7:2

Ɗəf təstəs tay aka dələv ɓa, ɗəf tay taka mədaw sarara aweleŋgit ɗiy ɓa. Baymet pak sən əggbo' mbel avoŋgoŋ tive; ɗəf pak tay ənslən pew̃eŋ aba məlməni.

Sefanya 3:1

Əray aka walaŋgəla-metiŋ məɓoŋni, mərnokən gəm məsər met ɗiyi!

Zakarya 5:3

Aɓsu na: «Aŋki mefɗeke an dədazzan aka dələv gboŋgu. Məhãla pak karɓahani, gəm ɗəf an dəsway dəkan pak karɓahani.

Zakarya 7:9

An Yawe Məzuɓappak apel yaŋka, amna: «Mətawwən aket ɗiy gesiŋ də moggoni, ɗəf pak dula sasãh məlməni.

Matiye 23:35

Ka mbel net ɗiy en təstəs dəziyaŋ aka dəlvəŋ pak, təŋ səza mbel na Abel məs təstəssə, hã gap mbel na Zakari wətən Baraki an məs kəbayaŋ a walaŋ Gəla na Maŋgəlva də matuya dəkkpaŋgaŋgən akokum pakə.

Wəza net Masləŋɗe 7:52

Məskəleŋ awani məs efiŋgiɗkum dəzəmgənən sahã ɓa di? Abeyinik en dəpeleŋ dafsən aka əzza na ɗəf təstəsə. Kakaŋ kan na məzəmaŋ kiyən gəm məbayaŋ gəbay kənanaŋgə.

Əmsak aka Mahenziŋ 5:11

Kədawya iya na Yawe Maŋgəlva nok vi kawa wən ɓa, vi Yawe awla na məwəwən də iya nan ka ɗəf təstəs ɓa.

Əmsak aka Mahenziŋ 5:18

Kədawku a gizbe ɓa.

Əmsak aka Mahenziŋ 5:19

Kədawhãl ɓa.

1Tesaloniki 2:15

Ndəɗaŋgə'e dəbayən Daya Yesu gəm məskəleŋɗe, dəsərnən mam, tahəŋ lew ara Maŋgəlva ɓa, məzuzeleŋ net ɗiy pakəŋ.

Hənhən 17:6

Nulətək guluk nak titemik dit mbel net ɗiy na Maŋgəlva, gəm dit mbel net ɗiy məpelin wən na Yesu. Adan nula, nəggətək sawɓa.