Hose'a 4:18 - Bible en Guidar

¹⁸ An abaynənək ma əsa mbazla net na, aza polkoyo adawtoŋgoŋgu. Deyeɗe net ərba wil aŋglaŋgə.

Hose'a 4:18 ပူးပေါင်းရင်းမြစ်များ

Va'Atəŋ 38:24

Sə dərɓaga təla hoku, məprəman sən Yuda də wənah sən na: «Atuk Tamar, təgəɗək polkoyo. An dəray day na, təɗiyək daway aka polkoyo nata!» Yuda amna: «Məgilgəta, kawzləta!»

Gəlyaɗe 47:9

Maŋgəlva tay əzəm məlĩ aket ɗiy-ɗarə, Maŋgəlva tay ɗewwe aka mazaŋga nan salala.

Əgilye 23:8

Kədawtaf zəga na makaryam ɓa, vi zəga na makaryam awtip hara ɗəf dawla moggoni, awraygən wən net ɗiy en təstəsə.

Yeremiya 2:21

Intə nəmpuk va megezlembirke məwelin, va wəlaŋga an moggon diyɗa. Mbarmbar kəkkpaŋ va megezlembirke an ɗar di?

Ezekiyel 16:15

Kəppanək zuk aka lelew noko, kəpolkoyonək zuk sən sləmoko; kəbbalanək polkoyo noko, məzutoŋ pak nan kənani.

Hose'a 4:10

Wazəmaŋgə ya abaŋ na ɓa, waɗɗaŋ polkoyo ya anzləraŋ na ɓa, vi appanənək əprəm ma Yawe.

Hose'a 4:2

Ɗew sənən mefɗeke, uwawəna, əbay gəbaya, wəhãla, əku a gizbe, əsuk met ɗiyi, əbay kiya akan akani.

Hose'a 9:10

Va megezlembirke awra nərəh Israyel, va mədəvərziyo na sokoyo, də wətəŋ nan nulek efiŋgiɗkum. Səza agapaŋ a Ba'al-Pe'or, appannək ki zit sit ərba wili, akkpaŋgaŋ daryawɗe va zəga an aŋglaŋgə.

Amos 5:12

Ya nəsənka, əɓoŋ nokum diyɗa yi mambrayɗe nokum aŋɗaŋ ɓa: məzusərnən ma ɗəf an təstəs kənanaŋgə, mətafaŋ zəga aka əbit ɗəf kənanaŋgə. Mənokum əɗɗa ka wən dərmegin məzurayɗe aka ətawwəna.»

Mika 3:11

Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Mika 7:3

Vet tay əɗɗa zəga daryawə. Kaɗɗa moggon na, ɗiy gugriɗ tay əŋglaŋ zəga, Mətawaŋwən na vi kawrəha, ɗiy gagdakɗe tahəŋ əpel vi kaknahan əsim zəga neti, gəm tay əzəmaŋ kiyit ɗiyi.

Əmsak aka Mahenziŋ 16:19

Kəda əvovyokon wətawwən ɓa; kədawɗeket ɗiy ɓa, kədataf zəga na makaryam ɓa, vi zəga na makaryam awtip hara ɗəf dawla moggoni, awraygən wən net ɗiy en təstəsə.

1Samiyel 8:3

Kirtin dəgəmnən tələn ɓa. Heret ɗəhərra ammba wərəha, wətafaŋ zəga na makaryam, wədoɗonən wən nawtaw sarra.