Hose'a 4:10 - Bible en Guidar

¹⁰ Wazəmaŋgə ya abaŋ na ɓa, waɗɗaŋ polkoyo ya anzləraŋ na ɓa, vi appanənək əprəm ma Yawe.

Hose'a 4:10 ပူးပေါင်းရင်းမြစ်များ

2Alabaraɗe Də Mabərkiziti 24:17

Dərɓaga əmta na Yoyada na, ɗiy gugriɗ na Yuda payaŋ əsɗan məlyã, məlĩ aprəmək meti.

Gəlyaɗe 125:5

Ya net ɗiy mədawaŋ slokorslokor na Yawe warɓehet sap dit məɗɗaŋ mbərayən! Zazay aka Israyel!

Gəlyaɗe 36:3

Vi tay əɗi ki zən dayə, awla na heslepe nan ka dəzelgən ɓa.

Wənməkkpaŋga 13:25

Ɗəf an təstəs na, wazəm kpe'i, ya gədivit məsdarawɗe na, warah zəga ɓa.

Yeremiya 34:15

Nokum na, kəmilyoŋguk dəpaŋka, kəɗɗaŋgək zəga təs ama haraw də ətəlma na, ɗəf pak dəppan məlmən dəssangən na kiyən, kiziwgininik wənmiyna abaw addəv gəla məs iya naw adawya adaka.

Yeremiya 9:12

Yawe amna: Vi azganənək mahenziŋ məs nəɗi aveti, dəprəmnən maw ɓa, dədawaŋ va nənah sit ɓa.

Ezekiyel 18:24

An ɗəf təstəs appanək təstəs nani, yaŋ adaɗɗa zəgeɗ daryawɗe en məsdaraw agəɗə: waɗɗe ndən ɗew madaran sa? An agəɗ təstəs lahəŋ pak kaɗɗumi aket ɓa. Vi əggbak ma nani gəm mambray an agəɗə, aka wən net adamta.

Ezekiyel 22:9

Ɗiy məzəmaŋ kiya tahəŋ anokda vi kawbay gəbaya; tay əzəmaŋ addəv gəleɗe-nettuyeŋge anokda; tay əɗɗaŋ zəga net wil anokda.

Hose'a 4:14

Nəzga'sit na kirtukum muguluŋgit aka wən na polkoyo net ɓa may sit gil net kirtukum aka wən na əku net a gizbe ɓa. Vi məsdəlveŋge sən kiyit tay əbiteŋ dit gil məpolkoyeɗ na matuya kawzaɓ-Maŋgəlva matakə. Ɗiy məs dəsənən əgohon wən ɓa na wazaŋgə.

Hose'a 7:4

Ndəɗaŋ pak məkuwaŋ a gizbeŋgə. Tahəŋ va magulo nawda peŋ duroɓduroɓu, məs mədə peŋ appan gabba əzaɓ offo təŋ səza məslãh gəpa hã gap əhəs nani.

Məsdəlveŋge 26:26

Pay nədawgəm way sə bokum; may wagəɗə, gil kəlaw wadanən way nokum aka gulo taka; way an adawkiyaŋ sukumən wasan siɗikke, wakəzəmaŋgə ya kəbaŋ na ɓa.

Mika 6:14

Wakəzəmə, ya kəbə na ɓa hara, may wasan a walaŋkum! Wakəzaɓ zəga, ya asan na ɓa hara. Ya an kəzaɓə, wanəzan də masalam.

Sefanya 1:6

En dəmilyoŋ səmmba Yawe, məs awkayanən Yawe ɓa gəm assohõnən ɓa.

Haggay 1:6

Kəzlgaŋgək diyɗa, ya məkkalan nan siɗikke kərahaŋgə; mənokum tat əzəmaŋgə ya kawbaŋ ɓa; mənokum tat əsaŋgə ya zukum appar ɓa; mənokum tat əguloŋgu ya zukum akkpaŋ kãh ɓa, ərah na məgəɗ wəza tay əmbat addəv taɓak mətilik gabbani.