Hose'a 4:1 - Bible en Guidar

¹ Mə Israyelɗe, məprəm əpel na Yawe: Yawe tay də wən nawtaw aket ɗiy dəssoŋ aka dəlva, vi wən gesiŋ tay ɓa, moggon tay ɓa, may əsən Maŋgəlva tay aka dələv ɓa.

Hose'a 4:1 ပူးပေါင်းရင်းမြစ်များ

1Milyeŋge 22:19

Amna: «Aprəm əpel na Yawe dərəŋgə. Nulak Yawe tay ɗewwe aka mazaŋga nan dit məzəlpaŋ na disiŋ ziwziw a maŋgavani, dəka dəzəŋ gəm dəka zlaɓay.

Gəlyaɗe 81:9

Ɗiy nawa məprəma, wanəssak suko! Israyel, va is tat əprəmu na,

Isaya 1:10

Məprəm əpel na Yawe mənokum məs va ɗiy gugriɗ na Sodom, məpak sləmokum ammba mahenziŋ na Maŋgəlva namə mənokum məs va ɗiy na Gomorra:

Isaya 1:18

Mide, mətawangəni, Yawe anahə. An mambray nokum tay ɗiwɗiwi, wakkpaŋ babar ndasl va ɓeɓrezlerizze. An tay pəreŋ va gozoy, wassan babar va helege na ngərayã.

Isaya 28:14

Məprəm an Yawe anahə: mənokum ɗiy məmasaŋ aka ɗəfa, deyeɗe net ɗiy na Yerusalem əŋki,

Isaya 34:1

Ɗiy naket dəlveŋge məzar aŋka vi kaprəma; vanday məpak sləmokum. Dələv də an dəknah pakə waprəma gəm ənziya egge də an adawa pakə.

Isaya 34:8

Vi pay an Yawe adampəlkiya iyi; əzva nampəlkiya aka wən na Siyon.

Isaya 5:3

Ya kakaŋ na, ɗiy na Yerusalem, ɗiy na Yuda, kamə mətawwən naka walaŋ guli net megezlembirkeɗ nawa də ina.

Isaya 59:4

Ɗəf tay məkə dolgoy aka təstəs ɓa, ɗəf tay məzəddan ətawwən na moggon ɓa. Mənokum tat əziw aka zəga ɗarə, əpel nokum na uwawəni yi, gədəvkum aknahək də mbərayən, yaŋ kədawparəni.

Isaya 59:8

Kəsənən tive nawrəh zazay ɓa, təstəs tay addəv wəza nokum ɓa. Tiveɗ nokum tahəŋ ponzloŋ ponzloŋgu, ɗəf məs dəzbet pak arah na zazay ɓa.

Isaya 66:5

Məprəm əpel na Yawe, mənokum məkkereŋ sənən əpel nani. Milmiŋgiɗkum azelkumənko, aɓɓahkumənək aka batam iya nawa. Tay əmasaŋ akokum dawnəh na: Kəta Yawe dərban gagdak nani, mulagən ənnek nokumu! Ya neti, wassoŋ addəv ərba wili.

Yeremiya 11:7

Vi nəsəɓsitik efiŋgiɗukum gala nəgilgit səka dələv na Eziptə, hã gap dəpaŋka, nəppan gabba əsəɓ sit dawnəh na: məprəm əpel nawa ɓa.

Yeremiya 19:3

Kənahgən na: Məprəm əpel na Yawe, milyeŋge na Yuda, gəm mənokum ɗiy na Yerusalem! An Yawe Məzuɓappak Maŋgəlva na Israyel anah yaŋka: In yakəŋ əki tatwãh aka təkiyəŋka, ɗəf dəprəm pak sləman wagəɗ nzeehẽ.

Yeremiya 2:4

Məprəm əpel na Yawe, kirtin Yakob, dit mahəlfaɗe net ɗiy na Israyel pakə;

Yeremiya 2:9

Vini nəsaw də dolgoy akokum, dolgoy naw wasan aket kirtit kirtukum Yawe aɗiymani.

Yeremiya 25:31

Vaŋvəl nan tay əgap a təki dələv abaymani Vi Yawe tay ətawwən aket ɗiy nani, tay ətoŋ ətawwən dit ɗiy pakə. Tay əppet məs mambrayɗe ama masalam. Yawe aɗiymani.

Yeremiya 34:4

Aprəm əpel na Yawe kaka' Sedekiya məlĩ na Yuda, vaŋki Yawe anah aka wən noko, kəmtə na ama masalam ɓa.

Yeremiya 4:22

Ɗiy naw kiyit tay ɓa, dəsənwən ɓa. Kirin məs aɗɗumoŋ kpum ɓaŋgə, əsən tay aket ɓa. Maɗulet na naɗɗa zəga mbərayni; naɗɗa moggon na, dəsənnən ɓa.

Yeremiya 4:28

Vini dələv asan addəv əhəm na gəlabaya, guzli agəɗək a disiŋ. Vi nəpelke, nəɗɗumko, nəddəɗan na maw ɓa, nəmndaw na akan ɓa.

Yeremiya 5:4

Naw nəmnah: net məmeɗeŋɗeŋgə; mətemtiŋgə, vi dəsənnən tive na Yawe ɓa, dəsənnən ətawwən na Maŋgəlva net ɓa.

Yeremiya 51:5

Vi dələv net aknahək də əɗɗa mambray aza Salala na Israyel. Ya Israyel də Yuda na, gil na gəbayəŋ ɓa, Maŋgəlva net dəmtə ɓa Yawe Məzuɓappaki yi.

Yeremiya 6:13

Vi təŋ səka muzliya hã gap ɗəf metiŋgini, naway pak tay əkayan ərəh kaka. Təŋ səza məskəleŋ gap aza məsdəlva, naway pak tay uwawəna.

Yeremiya 7:28

Kəneh sitgin na: Ɗiy məs aprəmən ma Yawe Maŋgəlva net ɓa gəm məzuɓoŋ sən əzga' nani. Təstəs tay azet ɓa, agilik sə meti.

Yeremiya 9:20

Əmta atoŋguk də təkifoŋgo məpəl aza gəla namə, atoŋguk addivit gəleɗe lelewɗe namə, kawbay kirin səka tive gewleɗ tamə sə təki nakkala.

Yeremiya 9:3

Naway pak dəsla zən səza baynani! Kəɗiyən əɗɗum nokum aka məlmukum ɓa, vi məlma pak wambəɗokum; baynokum zlaŋ wazəm kikum.

Yeremiya 9:7

Herzlimit tay va har mətakaɗən də muhun azani an adawpeleŋ pak uwawəni yi: Əpel nenek tay əgilyen səmet sən bayneti, addəv kpukpum na mekret hara na tahəŋ ənslənaŋ sənən peweŋ.

Ezekiyel 16:35

«Vi vaski, məpolkoyokə, aprəm əpel na Yawe dərəŋgə.

Hose'a 12:2

Efrayim, tay əzgəl kizən də səmyã, tay ənzan ammba barkataŋ nammba pay nampum hurruɓu; tay uwet tepelkeɗ gəm gagayə. Aziwginik wənmiyna də Asiri, tay əka mẽl sən Eziptə.

Hose'a 12:3

Yawe tay də wən nawtaw aka Yuda, gəm kawsilyen aka Yakob sən wədaw nani, wapsən aza wəza an agəɗə.

Hose'a 5:1

Məsdəlveŋge məprəm wənəŋka, məpak sləmokum gəla na Israyel; gəm gəla na məlyã: mənokumtə nawtawwən kəta, yaŋ kəkkpaŋgaŋ həmbaw a Mispa, ka mazzaɗ aka mossorgo metiŋ na Tabor;

Hose'a 5:4

Wəzaɗe net tahəŋ ərban na, əmnda net tuwãhĩ aza Maŋgəlva neti, vi əmpəs na polkoyo dəzəm məlĩ aketi, dəsənən Yawe dərəŋ ɓa.

Yo'el 1:2

Mənokum ɗiy məsɓokum məprəma, ɗiy naka dələv pakə, məpak sləmokum. Zev aŋ agəɗək pay nokum, awaniɓa pay net efiŋgiɗkum ɗah sa?

Amos 3:1

Mə Israyelɗe gəm məlma bayman məs Yawe agilgit səka dələv na Eziptə, məprəm əpel nan akokum, dawnəh na:

Amos 7:16

Kakaŋ na aprəm əpel na Yawe, is mənah na, kəpel na əpel na kəleŋ aka Israyel gəm kəpar na wən aka gəla na Isak ɓa kəŋkə.

Mika 6:2

Mossorgoɗe gugriɗe, məprəm dolgoy na Yawe, mənokum kəssoŋ gabba dələv məs aɓla ɓa kəŋkə: Yawe tay əki dolgoy aket ɗiy nani, tay əki wən aka Israyel.

Yohanna 8:55

Ya nokum kəsənən ɓa, naw nəsənka. An nənahək na nəsən ɓa, wanəsaw məwə wən va munokum. Ya nəsənka, in tat ərma əpel nani.

Roma 1:28

Adan dətafnən əsən Maŋgəlva ɓa, Maŋgəlva mbegit addəv əsən net ɗarəŋka, ndəɗaŋ əɗɗa zəgeɗ en naɗɗaŋ ɓa.

1Korintus 15:34

Məziwgin maɗɗulokum təstəsə, kədaɗɗaŋ mambray ɓa, vi ɗiy meɓɓet tahəŋ də əsən na Maŋgəlva ɓa. Nənah vasna sən ərba wil nokumi.

Hənhən 2:11

Ɗəf məs də sləman, dəprəm an məs Əmpəs adawnah sit gəleɗe na Maŋgəlva. Məskəwəla pak azəmna sãhã na əmta masula'ən kpak ɓa.

Hənhən 2:29

Ɗəf an məs də sləman, dəprəm an Əmpəs adawnah sit gəleɗe na Maŋgəlva.