Hose'a 3:5 - Bible en Guidar

⁵ Dərɓaga asna, mə Israyelɗe wamndoŋ wakayanən Yawe Maŋgəlva neti, gəm Davit məlĩ neti. Abe na, wakkpaŋgaŋ də əkker aza Yawe də moggon nani.

Hose'a 3:5 ပူးပေါင်းရင်းမြစ်များ

1Milyeŋge 12:16

Mə Israyelɗe dəwənnet awlanənək na, məlĩ dəprəm met ɓa; yaŋ amndagan sənən əpel sən məlĩ dawnəh na: «Miy dəsapam də Davit di? Zəga tay an dəsapam də wətən Yesse ɓa! Mədam anamda Israyel; Kakaŋ na, is də gəla noko Davit.» Mə Israyelɗe mbat anetda.

Isaya 17:7

Pay dəpaska, ɗəf wakkpaŋgan haran aka an dəzəməɗa, haran wawəl kəlaka Maŋgəlva Salala na Israyel.

Isaya 2:2

Addivit əvoŋɗe nabe na mossorgo metiŋ naddəv gəla na Yawe wasan aket mossorgoɗe gugriɗe, waday kiyit mossorgoɗe. Asna ɗiy naket dilveŋge pak wazzoŋ sapsap akani.

Isaya 2:3

Ɗiy diyɗa wambataŋ adaka; wanahaŋ na məndam əpeŋ aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon gi mahenziŋ na Yawe adazzani əpel nan tam sə Yerusalem.

Isaya 60:5

Asna wakula, wakəwiɗi; wakənneken zuko, mokrok waknah də ənneke. Vi ərəh diyɗa na pehe, tay əzzan suko, arya nanet ɗiy-ɗar da wade suko.

Isaya 9:13

Yas Daya arsla kiya də kutur sə Israyel kiva gogozlo gəm vəlar aka pay taka.

Yeremiya 23:5

Pay tay əzzani, Yawe aɗiymani, wanəsilgin zev Davit an təstəsə Wazəm məlyã, wagəɗ zəga də maɗɗula, də tiveni.

Yeremiya 30:24

Makra Yawe tay turõh turõh aɓət na ɓa, hã an aɗɗaka, hã an aknahanək an aɗɗum a makran naɗɗa. Wakəprəmən gabban laha.

Yeremiya 30:9

Waɗɗaŋ wəza sən Yawe Maŋgəlva neti. Davit nədawɗi sit ka məlĩ neti.

Yeremiya 33:17

Vi Yawe vaŋ anahə: Ɗəf zev Davit arslə na dawsan aka mazaŋga na məlĩ na Israyel ɓa.

Yeremiya 33:9

Wakkpaŋ azaw iya na ənnek də əɗi kiya, ka zəga na gawla azet ɗiy naka dəlvafuŋ məs dədapprəmnən moggon an nəgəɗ sitiŋ pakə. Wakkereŋgi, wassoŋ gərəŋ aka wən na moggoni gəm aka wən na zazay məs nəgəɗ sit gbaŋkəŋka.

Ezekiyel 16:63

Vi kəɗɗumongən an dətoŋgu, wil dədukungəni, mok adawkol ɓa sən ərba wil nok pay nədavvuyon suk an kəgəɗ pakə, Daya Yawe aɗiymani.»

Ezekiyel 38:16

Wakəde aket ɗiy naw mə Israyelɗe va slaybuwən kawgul dəlva, addəvit əvoŋɗe nabe adawsani. Wanəkiyuk əgul dələv nawa. Vasna ɗiy-ɗar wasənwən pay nərban salala naw azok a mahereti, Gog.

Ezekiyel 38:8

Addəv əvoŋ diyɗa abe aŋ na, addəv əzvaɗe dədazzoŋ nabe wanəɗiyuk kəgulgən dələv na Israyel, səza ɗiy nan akohõŋ səma masalam, azzoŋguk səket dəlveŋge temtem a təki assoŋgu, wakkalaŋ aket mossorgoɗe gugriɗ net mə Israyelɗe dəssoŋ kiməski pay pakə. Ɗiyiski təŋ səza əgilye net səret ɗiy meɓɓeti, wassoŋ də gəla fendeŋ pakgiti.

Daniyel 10:14

Nəde na vi kaprəman suk an nazzan aket ɗiy nok abe, vi ula aka an dəwəl sən pay vanəs əmpa.»

Daniyel 2:28

Də as pak na Maŋgəlva na disiŋ tay, ndən dədarban an dəsan məɗamən, ya arban sənək məlĩ Nabukodonozor an nazzan abe. Wəssine də ula nok yeŋki.

Hose'a 11:10

Wadawaŋ ammba Yawe. Wahəmaŋ va ɓoolu adawhəma; vi an tay əhəma, kirtin wannekenən zit dazzoŋ səma pehe.

Hose'a 5:15

Wanəmbatə, wanəmndaw agəlawa, hã gap dəsənəngən na araygənənka, addəv əzəmsahã net na dəkayawəngəni dəkkpaŋgaŋgən azawa.

Hose'a 5:6

Waddoŋ əkayan Yawe dit gilew net gəm wasliɗe neti, ya arəhnən na ɓa: vi azarək faraɗa səzeti.

Hose'a 6:1

«Mide, məmndamsəm aza Yawe, vi ndəni dəbakamə, ya wanzaɗmə, argəməka ya waynan səm huwweɗ namə.

Amos 9:11

«Pay dəpas na: wanəsilgin guɗuk na Davit. An dəɓəsl na, wanəsuko, an diɓlu gəm an dəray na wanəsilgini, wanərkan va aka pay asan lahəŋka.

Mika 4:1

Addivit əvoŋɗe nabe na mossorgo metiŋ na gəla na Yawe waday kiyit mossorgoɗe gugriɗe meɓɓeti, gəm waday kiyit təki ɗagarraɗi. Asna ɗiy naka dələv dəwənnet pak wazzoŋ ɗakɗak akani.

Əŋɗa 24:14

An vaski, gəgaŋ na wanəmbat ezet ɗiy nawa; ya ade, nənah suk dafsən an ɗiyiŋ adaɗɗaŋ sitin ɗiy nok pay an nazzan abe.»

Roma 11:25

Vi maw tay aka kəssoŋgən məza əsən mahaɗamaŋ ɓa milmiŋgiɗwa, vi kədawɗinən kikum va məsmaɗɗulet ɓa: kiɓəɓəl net mə israyelɗe meɓɓet wasan hã gap an ɗiy-ɗar pak atoŋgoŋko.

Roma 2:4

Awaniɓa moggon nani, əssa nan haran sekke gəm əɓəs nan kədawzelen sa? Məza əsən tay akan ɓa, kəsən na moggon na Maŋgəlva tay əreɗuk kəɗigən marava ɓa sa?

Əmsak aka Mahenziŋ 4:30

Pay na tatwãh noko, an nəpeliŋ pak arəhkuk pay an nabe, wakəmndoŋ hã aza Yawe Maŋgəlva nokum, wakəprəmən man kana.