Hose'a 3:1 - Bible en Guidar

¹ Yawe aɓsu əmpa na: «Dok, əmpa, aŋgləwət guluk məs ɗəf aŋgəl ŋgəle'sa kəŋkə, məppan zət sən polkoyoŋka: vi vaski əŋgla na Yawe viyit mə Israyelɗe dəka net tay əkkpaŋgaŋ azet meŋgilveɗ meɓɓeti gəm əŋglaŋ məpəpla net kirtin megezlembirke.»

Hose'a 3:1 ပူးပေါင်းရင်းမြစ်များ

2Samiyel 6:19

Awɗakək zəga nawzəm sən vanday net ɗiy na Israyel pakgiti; ɗəf mizilin dət guluk pak arahaŋgək haran net moŋgosok moŋgosoku, gəpa məbaya net kirtin gogozlo gəm net kirtin megezlembirke məktimti. Dərɓagan na, naway pak alək eŋgil ananda.

2Milyeŋge 13:23

Yaŋ Yawe agəɗ sit moggoni, awla sasẽhti, akkpaŋgək azet vi wənmiyna nan də Abraham, də Isak gəm də Yakob; dəŋgəl əzet kakãh ɓa: hã kakaŋka dəzget faraɗa sə maharan ɓa.

1Alabaraɗe Də Mabərkiziti 16:3

Sissiŋ na awɗak peŋ kuɗuvurro, gəpa məpəpla net kirtin gogozlo gəm net kirtin megezlembirke sit ɗiy na Israyel pakə, ɗəf pak arahək haran nani ɗəf mizilin va gulku.

Nehemi 9:31

Ya vi ulasahã nok məza meŋge nan ɓa naka, kəzet kəkkãh ɓa; kəppet ndol ɓa, vi Maŋgəlva məs də mbəlembəle gəm məwəl sahã kənani.

Gəlyaɗe 123:2

Awla, va belemɗe aziynən heret ammba vet migilti, may va balamək təzi harat ammba vat dayak nata, vaski yi mizi haram kəlaza Yawe Maŋgəlva nam də əga ulasasãh nani.

Əgilye 32:6

Mazayin nan asilyoŋ dafsən azaɓən-Maŋgəlva də əvəl nawzla kurmbuɗuku, akiynənək azaɓənək-Maŋgəlva vi nawrəh zazaya, ɗiy assoŋguk kawzəm gəm kawsa, le'en kasmayã.

Gəlya net Gəlyaɗe 2:5

Məzəmgu də məpəpla net megezlembirkeɗi, məvay gbogboŋ dit goɗoŋgoyɗe; vi in tat də gbəgba' na əŋgla.

Isaya 45:22

Ɗiy naket meŋge na dəlva, məkkpaŋ azawa, wakəkõhoŋgu, vi intə Maŋgəlva, tay maɓɓan əmpa ɓa.

Yeremiya 3:20

Ya va guluk hinzerek tədawmbəɗan zəlta vas ɗiy na Israyel assoŋ hinzereɗe azawa, Yawe aɗiymani.

Yeremiya 31:20

Efrayim, wətu an na makrawi sa? Wətu an nəŋgəl dayi hara nəpelgən akan nəɗɗum əɗɗum akan əmpa sa? Vini makraw adaɗɗa birbir vini, ulasãh na, nulak sasãhni. Yawe aɗiymani.

Hose'a 11:8

Mbar nədapsuk di Efrayim, mbar nədawɓap əppok di, Israyel? Mbar nədakkpoŋgok va walaŋgəla-metiŋ na Adma di? Nəgəɗ suk va na Seboyim sa? Makraw tay əgəbəɗa, də as pak əŋgla naw akok ɓəlɓəli yi.

Hose'a 2:5

Vas ɓa na wanəggbuk zəga səzat kappat zət mekeleŋ zawzawə, wanəkkpaŋgat va pay muwəta, wanəkkpaŋgat va kapta-muyã, wanəɗɗət va təki kpokpõhõ gəm ka in kawbayət dit meme.

Hose'a 4:11

Polkoyo gəm mbazla də an na meketepe pak azlzlaɓanən ki ɗəfa.

Hose'a 7:5

Pay na wəzləra na məlĩ na, ɗiy gugriɗ azgaŋgək gbəgba' sən tatrah na mbazla, atəl van sit məmasaŋ aka ɗəfa.

Amos 2:8

Aket lukutɗe mətefit bas ka dəmən adawvoŋ aba matuya pakə. Tahəŋ əsanən mbazla məs afaɗgitin ɗiy addəv gəla net meŋgilveɗ neti.

Amos 6:6

Mənokum məsan zəga dit hiliŋgiɗ nawsa mbazla, mənokum tat əppay mel məzufok nek diyɗa azukum. Ya mokrokum assokum aka wən na əray na Yosef ɓa.

Mika 7:7

Ya nawa, aza Yawe nədawla, səza Maŋgəlva nədawga əkõh nawa, Maŋgəlva naw waprəmwa.

Zakarya 1:16

Vini Yawe anah na: Wanəmndaw aza Yerusalem də ula sasãhni, Karkani Gəla naw adak əmpa, Yawe Məzuɓappak aɗiymani. Kawpakni helege aka Yerusalem.»

Matiye 26:50

Yesu aɓsən na: Baynawa aɗɗa an kəde əɗɗa. Yaŋ ɗiy nek azzoŋgu, ndəɗaŋ vet sur aka Yesu armanəni.

1Korintus 10:21

Kəɓapən na əsa zəga addəvət huloŋ na Daya gəm addəvət huloŋ net tuyeŋge ɓa. Kəɓapən na əzəm way na Daya gəm an net tuyeŋɗe ɓa.

1Korintus 10:7

Kədakkpaŋgaŋ məzbaŋ zəgeɗkamaŋgəlveɗ va meɓɓet səret ɓa, va məverin na: Ɗiy assoŋguk kawzəma, kawsa, ndəɗaŋ le kasmaya.

1Piyer 4:3

Vi, pay məs kəzanən lahəŋ də əɗɗa an nannek zit ɗiy məs dəsənən Maŋgəlva ɓaŋ məkki. Kəssoŋguk addəv əɗɗa ɗarɗarə, wəsim mbərayən, əbay na mbazla, əsmay mbərayən, wəsa mbazla diyɗa də wəzaɓ zəgeɗkamaŋgəlva.

Mətawaŋwəna 10:16

Ndəɗaŋ zargitin meŋgilveɗ naguw sə weleŋti, azbanən Yawe, nan zlaŋ əzəmsahã net mə Israyelɗe aknəhək makran.

Mətawaŋwəna 9:27

Ndəɗaŋ mbataŋ awra əɓuh uwa net megezlembirkeɗ neti; yaŋ aɗotini aɗɗaŋ wəzləra. Atoŋgoŋ addəv gəla na maŋgəlva neti, azəmaŋgə, asaŋgə, yaŋ aɓuhnən met nawraygən Abimelek.