Hose'a 2:7 - Bible en Guidar

⁷ Vi met təkuwək a gizbe, akən təɗi daway net tərbək wili Vi tənah na: «Wanəzbet gəreŋgiɗwa, məzuvayaŋ way dit iŋkile, zeŋze də helege na ngərayã, may mẽl dit zəgeɗ nawsa nawa.»

Hose'a 2:7 ပူးပေါင်းရင်းမြစ်များ

2Alabaraɗe Də Mabərkiziti 28:23

Yaŋ azaɓ-Maŋgəlva sit meŋgilveɗ na Damas məs dəskanən wəlan neki, amna: «Adan meŋgilveɗ net milyeŋge na Aram tahəŋ əbbah sit na, sit anet nədawzaɓ-Maŋgəlva vi dəbbahaŋ suwəngəni.» Assoŋguk ka zəga nazbərgen ndən də Israyel baymani.

Gəlyaɗe 116:7

Naw wanəmbat addəv əffet nawa, vi Yawe agəɗ suwək moggoni.

Isaya 30:16

Yaŋ kənahaŋ na: vaski ɓa dit pilseŋge mədazzamə. Ndəni kədanzoŋgu. Pilseŋge nam tahəŋ də kakara azeti. Ya məzərɓohkumən wassoŋ kakara day kikum!

Yeremiya 14:22

Səweleŋgit meŋgilvet net ɗiy-ɗar vet na tay məs nawɓap əzi buwən sa? Awaniɓa disiŋ dədawki buwən sa? Nam na is Yawe Maŋgəlva nam məs məɗi əɗɗum nam akok tə ɓa sa? Vi istə kəɗɗe zəgeɗis pakə.

Yeremiya 2:2

Doko, kəpelgən a sləmet ɗiy na Yerusalem də wənah na: Vaŋ Yawe anahə: In tat əɗɗumon moggon nok aka kəsok gore. Aka əŋgla na gəre noko! Gala kədazbaw a kapta-muyã, aka dələv məza guli adak ɓa.

Yeremiya 2:28

Ŋgahəŋ meŋgilveɗ nok məs kəzaɓ sən kiyuk nek di? Dəsilyoŋgu an wakõhgukun pay na tatwãh noko? Yuda vi əŋɗa net walaŋgəleɗe gugriɗ nok gba net meŋgilveɗ noki.

Yeremiya 2:36

Mbar kəgəm zuk əddok faraɗa kaddəɗan tive nok di? Aba Eziptə dayday wakərbə wil va kərbə wil aba Asiri.

Yeremiya 3:1

Yawe aɗiyman na: An ɗəf appatək guluk nani yas təgili təkkpaŋ ga ɗəf mbərni, wamsak əgəmət ka gon əmpa sa? As waraygən dələv tipi. Mbaraka nok na, kəgəɗək əku dit gəreŋgiɗuk diyɗa, kawmilyok anawda sa?

Yeremiya 31:18

Əprəm nəprəm Efrayim əɓuh man na: Kəzgasuwəka, nətafək əzga' van va wasli məyagani ənse ɓa. Amndagawa, wanəmndawa vi istə Yawe Maŋgəlva nawa.

Yeremiya 31:32

Asan na va wənmiyna nəziwgin dit efiŋgiɗit aka pay nərme aza vet kawgilgit səka dələv na Eziptə ɓa, net araygənənək wənmiyna nawa, də nəsaw daya net zlaŋ Yawe aɗiymani.

Yeremiya 44:17

Vi əpel an dəgil səmam pak mədazba, kawzla tursan sət Ma'ãyək na disiŋ, waməpeslit va məgəɗə, mənamə, efiŋgiɗmə, milyeŋge namə, deyeɗe namə, a walaŋgəleɗe gugriɗ na Yuda gəm aket tiveɗ na Yerusalem. Gala mədaɗɗa zəgeɗiski, mənam tat əba də zəga nawzəma, mənam tat əsam zayə tatwãh tay məwəl ɓa.

Ezekiyel 16:18

Kəgimik lukutɗe na gabaga nok məbay sit gawla, kəsiritke; mẽl naw də tursan kəɗi abeti.

Ezekiyel 16:8

Nətoŋguk go'o dəzoko, yaŋ nuluko; mbara kəgapək naŋgla ɗəfa. In lukut naw zlazlar akok haɗamgən zuk sirndiwweŋka; nəsway suko, nəziwgin wənmiyna də isi. Daya Yawe aɗiymani, naw kənani.

Ezekiyel 20:32

An naddəv əɗɗum nokum agəɗ na ɓa; mənokum tat ənəhaŋ na: “waməsam va ɗiy-ɗar tamə, va mahəlfaɗe naket dəlveŋge mbirti, kappu' sən wəlaŋga də gərma.”

Ezekiyel 23:12

Mayət asilik aket mə Asiri: deyeɗe na kivadəlva, deyeɗe na bərzləŋna-kivadələva, meggeŋgiɗit məguloŋ lukut na sləma, məpeŋgeŋ pilseŋge, pak gewleɗ məgəmaŋ hara ɗəfəŋgə.

Ezekiyel 23:22

Vini kana, Oholiba, vaŋ Daya Yawe anahə: In yakəŋ əsilgit gəreŋgiɗuk akoko; en məs kiyuk akkpaŋ səketi, wanəki akok sə təki pakə.

Ezekiyel 23:4

Iya net yaŋka: Akən daya, Ohola, məlmət tamə, Oholiba. Vasna nawəŋgə, awaŋgək kirin mezeŋgleket dit muguluŋgiti. Iya net van na, Ohola, Samari yi, Oholiba tamə, Yerusalem iyi.

Daniyel 4:17

Wəlaŋga məs kəwəl məɓayən ɓəɓəl məs əɓay nan hã a disiŋ, dədawla hã sə təki dələv abaymanəŋ,

Daniyel 4:25

As pak arəhək məlĩ Nabukodonozor.

Daniyel 4:32

Ɗiy naka dəlvafuŋ pak dəgapaŋ zəga azan ɓa: tay əɗɗa va aŋgəl dit məzəlpaŋ na disiŋ gəm ɗiy naka dəlvafuŋgu; ɗəf tay nawɓap ətak van ɓa may nawnah sən na miy kədaɗɗaŋ di ɓa?

Daniyel 5:21

Mərɓahni faraɗa sə weleŋgit ɗiyi, makran kpaŋ va net zəgeɗ nawra. Ataɗək dit Korɗe nawra, azəmək kevile va net wasliɗe, minɗe aziyaŋgək akani, hã gap ataf na Maŋgəlva Məsəɗəɗə yi daya aka məlĩ net ɗiyi, tay əɗi ɗəf an aŋgəl pak aka məlyã.

Hose'a 1:2

Wətəŋ əpel na Yawe də ma Hose'a: Yawe aɓsən Hose'a na: «Doko, agəm guluk məku a gizbe, kirin kədawwa dəndəta, dəssoŋgən kirtət məku a gizbe, vi dələv tay əku abe abe də əmzləh səmmba Yawe.»

Hose'a 13:6

Əgap net a təki nawzəm ləŋgə, ndəɗaŋ kpe'i, adan abaŋgə, mekret ufkuku, vini azgətaŋ kiywa.

Hose'a 14:1

Samari araygənəka, vi aɓoŋguk aka Maŋgəlva nani: kawbeyti ɗiy nan də masalam, kaŋkinti kirtin na met bide, gil nan də daweyɗe kawbekti.

Hose'a 2:16

Vini, wanəmbəɗata, wanəkdahət a kapta-muyã, wanəpel sət a makrata.

Hose'a 5:13

Efrayim awlak gbəgba' nani, Yuda tam yoro nani; Efrayim alək kəla Asiri, aslənik metiveɗ aza məlĩ metiŋgini, ya nan aɓap na əkõhgukum ɓa hara, anzaɗ sukum na yoro nokum ɓa.

Hose'a 5:15

Wanəmbatə, wanəmndaw agəlawa, hã gap dəsənəngən na araygənənka, addəv əzəmsahã net na dəkayawəngəni dəkkpaŋgaŋgən azawa.