Hose'a 2:4 - Bible en Guidar

⁴ Mətawwən akat mokum, mətawwən akata, vi guluk nawtə ɓa, naw pak zələt nan ɓa. Tətor zəga naku natəŋ səka harata, gəm an naku a gizbe tam sə weleŋgit bide.

Hose'a 2:4 ပူးပေါင်းရင်းမြစ်များ

2Milyeŋge 9:22

Səza Yoram, awla Yehu, amna: «Zay yi vaŋkəŋka Yehu?» Yaŋ azlan sən na: «Zay miy kan adan mok Izabel tat əzban əɗɗa polkoyeɗ dit garzlawɗe məza meŋge net ɓaŋ di?»

Isaya 27:11

An kivet wəleŋɗe aŋkəlaŋka, kaŋzluti, gil wandenin kasɗa offo. Vi maɗɗula tay aket ɗiy vet ɓa. Ndəni məs dəɗɗe dəwəl sãhã aket ɓa, məs dəzəmiɗ tay də mbəlembəle aket ɓa.

Isaya 50:1

An Yawe anah yaŋka: Ŋgay ɗerewel nawɗak dət mokum məs nəver narban na nəppatəka di? Awaniɓa naway səmmbet məzəzbawən dəmən nəvəlkum sən di? Mula aka mambray məvəlkum. Vi əɓoŋ nokum məppat mokum.

Isaya 57:3

Mənokum, midder aŋka, Kirtət məsək heligi, kirtət məgəɗ ɗarɗarə gəm mana'a.

Yeremiya 13:14

Wanəɓeheti, an taka aka an mbərən, əfiŋgiɗit dit kirtit pak matakə Yawe aɗiymani. Nəmbər na ɗəf ɓa, nəwəl na sãhã ɓa, nə'ugit dawzet ɓa.

Yeremiya 16:5

Vi vaŋki Yawe anahə: Kədawtoŋ a daŋgla əzəm way na gəlabay ɓa, kədaddok əhəm na gəlabay ɓa, kədasɗet na gəlabay ɓa, vi nəgəmək zazay naw səket ɗiyiŋki, moggon nawa gəm ulasahã nawa, Yawe aɗiymani.

Ezekiyel 23:25

Wanərban kotorok naw akoko; waɗɗukun net herɗe, waboŋnən məŋkunuk də sləmoko, də masalam adawbeynin madambirgit ɗiy noko. Wandenin kirtuk mezeŋgleket dit muguluŋgiti, en dəppaŋ sukuni offo nawzimti.

Ezekiyel 8:18

Ya naw pak wanəɗɗa dit herɗe; nəwəl na sãhã ɓa, ɗəf tay nədappa ɓa; waŋzlaŋ vaŋvəl iyu də wəlet dayadaya, nəprəm sit na ɓa.»

Ezekiyel 9:10

Naw pak nəwəl na sasãh ɓa, ɗəf tay nədappa ɓa; wanəslan sit zəga naɗɗa net aketi.»

Hose'a 1:2

Wətəŋ əpel na Yawe də ma Hose'a: Yawe aɓsən Hose'a na: «Doko, agəm guluk məku a gizbe, kirin kədawwa dəndəta, dəssoŋgən kirtət məku a gizbe, vi dələv tay əku abe abe də əmzləh səmmba Yawe.»

Hose'a 1:6

Təɗiyək daway əmpa, ndət bok waŋkə, yaŋ aɓsən na: «Alvat na Lo-Ruhama (Məza məŋgluti ɓa), vi nəzban na ulasahã aka Israyel ɓa, nəvvuyon sən na əmpa ɓa.

Hose'a 5:7

Araygənənək iya na Yawe, vi awaŋ sulomɗe; kakaŋ wəzləra na təla ama gərəm wazim də zəga an haran net pakə.

Zakarya 1:12

Yaŋ maslay na Yawe azlani amna: «Yawe Məzuɓappak, hã gap dewɗe kula na sasãh Yerusalem ɓa dit walaŋgəleɗe gugriɗ na Yuda en məs kədəgədəv aket əzva kaklaw buhuləŋ di?»

Yohanna 8:41

Nokum, wəza na afukum kədaɗɗaŋgə. Yaŋ aɓsənən kan na: Nam uwa na sulom mənan ɓa, afəm taka yi, ndəni Maŋgəlva.

Roma 11:22

Azlək sləma aka moggon gəm daraw na Maŋgəlva, daraw nan aket en məlotti, moggon nan akoko an kəsokuk addəv moggon vani, an vaski ɓa na, nok pak kawlotki yi.

Roma 9:18

Vas kan na, tay ulasahã aka ɗəf va aŋgələ, tay əɓɓəlan ki ɗəf va aŋgələ.

Yakob 2:13

Vi ɗəf məs awla sahã aka ɗəf ɓa, Maŋgəlva pak watawwən akan məza ulasahã akan ɓa, ya an kawla sahã aket ɗiyi, asna nok pak wən armuk na ɓa.