Hose'a 2:20 - Bible en Guidar

²⁰ Waniynan wənmiyna dəpas dit zəgeɗ nawra, biŋgeɗ na disiŋ, zəgeɗ mukroket naka dəlvafuŋ; bile, masalam gəm əlpa, viyit ɗiy nawa; wanəŋgroɓe, assoŋ na aka dələv əmpa ɓa, wanəɗɗa dəvoŋgoŋgən fedeŋge.

Hose'a 2:20 ပူးပေါင်းရင်းမြစ်များ

Va'Atəŋ 9:10

dit zəgeɗ mederet en dəssoŋ də mənokum pakə: biŋgeɗi, wasliɗe, zəgeɗ naka dələv məs dəssoŋ də mənokum, an dəgil səddəv bəlay də mənokum, dit zəgeɗ nawra dayday pakə.

Isaya 2:4

Wataw wən net ɗiy-ɗarə, wasan məzətər net ɗiy diyɗa. Dit masalamɗe neti, wavotoŋ gulekɗe, də tulhõ neti, wazaɓaŋ slogoyɗe. Dələv maɓɓan asil sən na maɓɓan ɓa, ayaganən na əgay əmpa ɓa.

Isaya 62:4

Kawyuki əmpa na: «Məzgani» ɓa, sən dələv nok tamə, kawnah səni əmpa na: «Məpiweni» ɓa. Vi nok kawyuki na: «Ənneke» dələv nok tamə: «Məɓelta», vi Daya waɗi ənnek nan akoko, dələv nok tamə, kawɓelni ka gulku.

Yeremiya 24:7

Wanəpsit maɗɗula dəsənwəngən na intə Yawe. Wassoŋ ɗiy nawa, ya naw wanəsaw Maŋgəlva neti an azzoŋguk azaw də mekret taka.

Yeremiya 30:10

Is Yakob gawla nawa, kəgeslne ɓa Yawe aɗiymani; Israyel kəkker ɓa, vi inyakəŋ kawkõhguk sə faraɗa gəm kirtuk səka dələv an məket aka balamə. Yakob wamili wasan kiyən foŋgo məza əɗɗum ɓa; ɗəf tay nazlzlaɓan ɓa.

Yeremiya 32:41

Wanənnek dənɗaŋ ka kawgəɗ sit moggoni, wanəmpe aka dəlvəŋ gegesiŋ; wanəɗɗa də makraw taka, də maw zək naw pakə.

Yeremiya 9:24

Yawe aɗiyman na, pay wade in kawtawwən aket ɗiy en dəskəlaŋ awra na gəɓa ziti:

Ezekiyel 16:62

Wanəziwgən wənmiyna naw də isi: wakəsən na intə Yawe.

Ezekiyel 16:8

Nətoŋguk go'o dəzoko, yaŋ nuluko; mbara kəgapək naŋgla ɗəfa. In lukut naw zlazlar akok haɗamgən zuk sirndiwweŋka; nəsway suko, nəziwgin wənmiyna də isi. Daya Yawe aɗiymani, naw kənani.

Ezekiyel 34:25

Waniynan sit wənmiyna na zazaya, wanətek zəgeɗ derewit səka dəlev vani, wassoŋ də gəla a kapta-muyã fendeŋge, waleŋgeŋ addəvit wəleŋɗe ŋgərəɓə.

Ezekiyel 34:27

Wəlaŋga nawra wawə, dəlvafuŋ wazaɓ zəga; wassoŋ fendeŋ aka dələv neti, wasənnən na, intə Yawe pay nədaŋzlu zuk məklakən nawleti, wanəkõhgit səvet ɗiy məzəkkpeŋgetin ka belemɗe.

Ezekiyel 38:23

Wanərban mẽmẽtiŋ nawa, wanərban salala nawa, wanərban zu a maheret ɗiy-ɗar diyɗa, wasənnən na, intə Yawe.»

Hose'a 13:4

Intə, Yawe Maŋgəlva nok far səka dələv na Eziptə, Maŋgəlva tay kədawsən abbəru ɓa, məzukõh mbərən tay an intə ɓa ɓa,

Hose'a 2:19

Wanəzargən iya net Ba'alɗe sə mata, kaɗɗumoni iya net əmpa ɓa.

Hose'a 6:6

Ulasahã nəŋgələ, əzaɓ-Maŋgəlva yi ɓa, gəm əsən Maŋgəlva nəŋgəl dayki əvəl nawzla kurmbuɗuku.

Məsdəlveŋge 26:5

wərga hay wanzi anokum da hã gap aza wəɓuh megezlembirke, wəɓuh megezlembirke wanzi hã gap aza əzlga; wakəzəmaŋ way nokum kpe'i, wakəssoŋ aka dələv nokum fendeŋgi;

Məsdəlveŋge 26:6

Wanəki zazay aka dəlva; wakəvoŋgoŋ məza zəga əzzan əzlzloɓokum ɓa; wanəzet zəgeɗ memeyẽɗ mbəreyit səka dəlva; wəgay atoŋ na aka dələv nokum ɓa.

Mika 4:3

Wataw wən a walaŋgit ɗiy diyɗa, wasan məzətər net ɗiy en gbogboŋɗe na faraɗa. Dit masalamɗe neti, wavotoŋ gulekɗe, də tulhõ neti, wazaɓaŋ slogoyɗe. Dələv maɓɓan asil sən na maɓɓan ɓa, ayaganən na əgay əmpa ɓa.

Zakarya 9:10

Wanəzan mawta nawgay sə Efrayim, pilseŋge sə Yerusalem, kawzani bəle nalpa, wapel wən zazay sit dəlveŋge. Məlĩ nan wasil sə pehe hã gap a pehe maɓɓani, gəm sə məlpa metiŋ gap aka dələv abaymani.

Matiye 11:27

Zəga pak Əbba apsuka. Ɗəf tay dəsən Wətən an Afəni ɓa ɓa, ɗəf tay dəsən Afən an Wətəni ɓa ɓa, gəm ɗəf an Wətən aŋgəl narban səni.

Luka 10:22

Zəga pak Ebba apsuka. Ɗəf tay dəsən Wətən an Afəni ɓa ɓa, ɗəf tay dəsən Afən an Wətəni ɓa ɓa, gəm ɗəf an Wətən aŋgəl narban səni.

Yohanna 17:3

Zeŋgile an faɗə, ndəni dəsənkungən na istə kaka' Maŋgəlva an gesiŋ gəm Yesu Kristu məs kəslənə.

Yohanna 8:55

Ya nokum kəsənən ɓa, naw nəsənka. An nənahək na nəsən ɓa, wanəsaw məwə wən va munokum. Ya nəsənka, in tat ərma əpel nani.

2Korintus 4:6

Maŋgəlva məs dənah na: Əkeɗeɗe wawiɗ ara guzliyo, ndəni dəwiɗ a makramə. Vi kawiɗgən əsən na gagdak na Maŋgəlva aka məɗahara Yesu Kristu.

Filipi 3:8

Arbək na, in tat ula zəga pak ɗarə, vi nərahək zəga an na sləma dayə: Əsən Kristu Yesu Daya nawa. Aka batamni nətaf əzgan zəga pakə, in tat ula zəga pak va dagərgiya ɗarə, ka nərahgən Kristu.

Kolosi 1:10

Asna wakəɓap ədawaŋ va Daya aŋgələ, də əkayan an nannek zən addəv wəza moggon nawtərwəraya gəm əɓay addəv əsən Maŋgəlva.

2Timote 1:12

Vini nədawzəm sahãŋka. Ya wil aduwən na viyən ɓa, vi nəsənək ɗəf an nəɗi ətaf naw akani, nəsənək gesiŋ na tay də əɓap nawga zəga an məvay hã gap pay nawtaw wəna.

Ibriɗe 8:11

Dəf tay səmmbet nayagan sən ɗəf naka dələv nani awaniɓa məlmən dawnah sən na: asən Daya ɓa. Vi ndəɗaŋ pak wasənwəni, təŋ səka muzliya hã gap aza ɗəf metiŋgin na walaŋti.

1Yohanna 4:6

Ya nam na Maŋgəlva mənani. Ɗəf dəsən Maŋgəlva waprəmmə; ɗəf an na Maŋgəlva yi ɓa, aprəməm ɓa. Səza aski mədawsən Əmpəs na gegesiŋ də əmpəs na əza.

1Yohanna 5:20

Məsənka Wətən Maŋgəlva adeke, apsəmək maɗɗula vi məsəngən Maŋgəlva an gesiŋ. Ya mənam tat addəv Maŋgəlva an gesiŋ, addəv Yesu Kristu Wətəni, ndəni Maŋgəlva an gesiŋ gəm zeŋgile an faɗə.