Hose'a 2:19 - Bible en Guidar

¹⁹ Wanəzargən iya net Ba'alɗe sə mata, kaɗɗumoni iya net əmpa ɓa.

Hose'a 2:19 ပူးပေါင်းရင်းမြစ်များ

Gəlyaɗe 85:10

Ha'aw wəkõh nan go'oy azet məzugeslne'eŋ sənəni, vi gagdak dəsangən aka dələv namə.

Isaya 1:27

Siyon wakõh də əɗɗa təstəsə, ɗiy en dəɗiyaŋ marava tam də ədawaŋ sarara.

Isaya 54:14

Təstəs waɓɓəloko. Wakəsok ɓa' səza əzəmsahã, kəgəslne na əmpa ɓa. Kəkker na sən geslne ɓa, vi agapuk na ɓa.

Isaya 54:5

Vi məs dəɗɗuk ndəni zilko, Yawe Məzuɓappaki iya nani. Məzukõhguko, ndəni Salala na Israyel, dawyanən na Maŋgəlva na dələv pakə.

Isaya 54:6

Gala Yawe ayuk na, is tat va guluk məppata, məs maɗɗulat azlzlaɓə. Maŋgəlva nok amna: Ɗəf wappat guluk na gawla nan sa?

Yeremiya 4:2

an kəswayək na, Yawe madarani addəv gegesiŋ, addəv ətawwəna gəm addəv təstəsə, asna ɗiy-ɗar pak warahaŋ əzaɓ də iya nani gəm wakaɓaŋ addəvən.

Ezekiyel 16:8

Nətoŋguk go'o dəzoko, yaŋ nuluko; mbara kəgapək naŋgla ɗəfa. In lukut naw zlazlar akok haɗamgən zuk sirndiwweŋka; nəsway suko, nəziwgin wənmiyna də isi. Daya Yawe aɗiymani, naw kənani.

Ezekiyel 39:29

Nəɗaman sit na haraw əmpa ɓa, vi wanəppasan Əmpəs naw aket mə Israyelɗe, Daya Yawe aɗiymani.»

Hose'a 14:4

Asiri aɓap na kawkõhgəm ɓa, məpeŋ na aka pələs ɓa gəm wamənah əmpa na “Maŋgəlva namə” sən an məgəɗ də vam ɓa, vi azoki mitiwe adawrəh ula sasãh kaka'ə!»

Zakarya 13:2

«Yawe Məzuɓappak aɗiyman na, wanəzan iya net zəgeɗmeŋgilveɗ səka dəlva; kaɗɗumeti əmpa ɓa. Wanəzet məskəleŋɗe pak də maɗɗulet mərnokənəŋ səka dəlva.

Yohanna 3:29

Ɗəf məs dəɓel gulku, ndəni zilta. Ya bayna na məs dəɓeli, tay ziwwe əprəmən də ənneke, tay zən nek də wəla məs dəɓeli. Vaski kan ənnek naw gərakə.

Roma 7:4

Vaski munokumu'e milmiŋgiɗwa, kəmtaŋgək sə kəlaza mahenziŋ də əsap də gəɓa zə Kristu vi kakkpaŋ sən ɗəf mbərni, məs dəsil səret ɗiy mimtiti, ka məgəɗgən an nawtər sən Maŋgəlva.

2Korintus 11:2

Nəknahək də kotorok nokum a makraw va Maŋgəlva asan də kotoroku. Vi nədahkumuk sən ɗəf təttaka, ana Kristu, kawkukum sən va waŋ ŋgbuɓɓo salala.

Hənhən 21:2

Nulak walaŋgəla an salala, Yerusalem meleketen tay əprike sə disiŋ sə maŋgava Maŋgəlva zən sekke, va waŋ məzaɓan zət nambat a təki wəɓele.