Hose'a 2:13 - Bible en Guidar

¹³ Wanəɓətgən ənnek nat pakə, wəzləra nata, təlaper də pay naffet nata, gəm dit wəkkalɗe na wawya nata.

Hose'a 2:13 ပူးပေါင်းရင်းမြစ်များ

2Milyeŋge 1:2

Akaziya abətək səket ɓeɓeleɗ naddəv gəla nan məzarŋgasla na Samari, argək diyɗa sawɓa. Aslən maslənɗe, yaŋ aɓsit na: Məddoŋ məssõhõn su Ba'al-Zebub, maŋgəlva na Ekron, kawsənən an wanəmbəl səka gbəgba'əŋka.

2Milyeŋge 10:28

Yehu azanək Ba'al sə Israyel.

2Milyeŋge 21:3

Arketik gəleɗe-nettuyeŋge en Hizkiya afən aɓəsl neki. Arkək matuyaɗe sən Ba'al, ampək Astera va Akab məlĩ na Israyel agəɗə. Appu'uk abet məzəlpaŋ na disiŋ baymet agəɗ sit wəza.

Ɗerewel na Yob 8:13

Vaski tive net ɗiy məzgətaŋ ki Maŋgəlva pakə, an ɗəf mbərayən aɗɗum nawrah pak wazə.

Gəlyaɗe 106:13

Azgətaŋgək kiyit wəzeɗe nan go'u, dəganən an aɗɗum naɗɗa dərɓagan ɓa.

Gəlyaɗe 106:21

Azgətaŋgək ki Maŋgəlva, məkõhgiti, məs dəgəɗ zəgeɗ gugriɗ a Eziptə,

Gəlyaɗe 78:11

Azgətaŋgək kiyit wəzeɗe gugriɗ nani, gəm sekeneɗ en arbə siti:

Əgilye 32:34

Ya kakaŋ na, doko! Ake ɗiy a təki nənoh suko, maslay naw yaŋ wambat aboko. Ya pay nədaɗɗum aka wən nan na, asna wanəzge'sit aka mambray neti.»

Isaya 17:10

Vi kəzgətək ki Maŋgəlva məs dəkõhguko, kəɗɗum aka milɓe nawɗam nok ɓa. Vini is tat əmpa guli net wəleŋɗe moggeti kəzləgək uwa na wəlaŋga na guwa.

Isaya 65:7

Nənɗanək heslepe neti gəm heslepe net efiŋgiɗit sapə Yawe anahə, ndəɗaŋ məzuzlaŋ tursan aket mossorgoɗe tahəŋ əmasaŋ akaw aket mossorgoɗe gesiŋ wanəfə̃h an na makraw pakə wanəpsit meŋgesl wəza net dətoŋgu.

Yeremiya 11:13

Yuda əŋɗa net walaŋgəleɗe gugriɗ nok tay gba net meŋgilveɗ noko gəm gəleɗe net matuyaɗe məs kərkaŋ sən ərba wili, Yerusalem, əŋɗa net gəleɗe net matuyaɗe nok nawzla tursan sən Ba'al tahəŋ gba tiveɗ noko.

Yeremiya 18:15

Ya ɗiy naw azgətaŋgək kiwa. Sit zəgeɗ en tektekiŋ ɓa ndəɗaŋ əzlaŋ sitin tursan yaŋ amzlegitin səket tiveɗ net en adazban farə, vi kawmbat də maksaf məza dəka tive təstəs ɓa.

Yeremiya 2:32

Waŋ goruk tazgət ki zəga na gawla nat sa? Guluk namba zil tazgət ki gendu nat sa? Ya ɗiy naw na maggaŋ azgətaŋ kiyu ɓa.

Yeremiya 23:2

Vini Yawe Maŋgəlva na Israyel apel aka wən net məzuteɗeŋɗe məzuteɗnin ɗiy nan vaŋka: Nokum kəppetinik gilew naw ətrayaŋgə, kəzetinke, kəzgaŋ sləma aket ɓa. Naw in yakəŋ əsilyew akokum sən daraw na wəza nokum, Yawe aɗiymani.

Yeremiya 7:34

Wanəɓətgən gəlya nanneke gəm nawbabyakan zə ɗəf sə waleŋgit gəleɗe gugriɗ na Yuda gəm səket tiveɗ na Yerusalem gəm gəlya net kirin dəgəmən ziti, vi dələv wasan kiməskiya.

Yeremiya 7:9

Mənokum tat əhala, əbay gəbaya, əɗɗa polkoyo, əsway ɗarə, əzaɓ-Maŋgəlva sən Ba'al, əzbet meŋgilveɗ məs kisinnin ɓa, məs tay dəsopokum dənɗaŋ ɓa.

Əɓuhma 1:4

Əhəmi yi aket tiveɗ na Siyon, ɗiy tahəŋ dədazzoŋ a təki əŋɗa va ɓa. Metiveɗ nan pak arayaŋka, məsdəlveŋge nan tahəŋ ənɗəsaŋgə. Zit gorɗeŋge nan tay baybayə; wən na dərwa dəɗar akani.

Əɓuhma 5:14

Ɗiy məsɓet assoŋ aka wətawan wən ɓa gewleɗ appanənək gabba əya gəlya.

Ezekiyel 16:12

nəgul sukuk ogono aka məŋkənko, metendeŋ aza sləmoko gəm mətərkiya məzuwiɗ aka kiyko.

Ezekiyel 16:17

Kəndek zəgeɗ na sləma nok na meleŋge gəm na təbəz babar en nipsuko; yaŋ kəgəɗ tuyeŋge mezeŋgleketi, kəku ndəɗaŋgə.

Ezekiyel 22:12

Ɗiy tay itipeŋ hara ɗəf də arya anokda vi kawbay ɗəfa, kawrəha; is tat ətaf ərəh toŋ ki va aka dəmən; is tat əppit meggeŋgiɗuk də əsərmeti; ya naw na is kiyu zəgət! Daya Yawe aɗiymani.

Ezekiyel 23:35

Vini, vaŋ Daya Yawe anahə: adan kəzgətək kiywa, kəzgawək dərɓogoko, is sən kiyuk aslet wil noko, də polkoyo noko.»

Hose'a 11:2

Addereŋgək səba məzuyeti: sit Ba'alɗe azaɓaŋ sitin maŋgəlva, sit zeŋgilet zəgeɗ azlaŋ sitin tursan.

Hose'a 13:1

Pay Efrayim adawpele, akiyək geslne a Israyel, araygənək zən də Ba'al, yaŋ amtə.

Hose'a 13:6

Əgap net a təki nawzəm ləŋgə, ndəɗaŋ kpe'i, adan abaŋgə, mekret ufkuku, vini azgətaŋ kiywa.

Hose'a 2:5

Vas ɓa na wanəggbuk zəga səzat kappat zət mekeleŋ zawzawə, wanəkkpaŋgat va pay muwəta, wanəkkpaŋgat va kapta-muyã, wanəɗɗət va təki kpokpõhõ gəm ka in kawbayət dit meme.

Hose'a 2:7

Vi met təkuwək a gizbe, akən təɗi daway net tərbək wili Vi tənah na: «Wanəzbet gəreŋgiɗwa, məzuvayaŋ way dit iŋkile, zeŋze də helege na ngərayã, may mẽl dit zəgeɗ nawsa nawa.»

Hose'a 4:13

A dadwar kiyit mossorgoɗe gugriɗ adawzaɓaŋ-Maŋgəlva, aket mossorgoɗe adawzlaŋ tursanɗe ammbet wəleŋɗe gugriɗe adawyaŋ na Elon, libne, Ela vi zeŋgile net moggoni. Sən aski, kirtukum muguluŋgit adaɗɗaŋ polkoyo, gil net kirtukum adawkuwaŋ a gizbe.

Hose'a 4:6

Ɗiy naw azaŋka vi dəsənwən ɓa. Adan kəzganək əsəna, wanəzgoko, kəsok na məsdələv naw əmpa ɓa: kəzgətək ki mahenziŋ na Maŋgəlva noko, naw pak wanəzgət kiyit kirtuk mezeŋgleketi.

Hose'a 8:14

Israyel azgətək ki an dəzəməɗa, arkək gəla na məlĩ sən kini. Yuda tam awetik walaŋgəleɗe net korguɗe. Ya wanəslən offo addəvit walaŋgəleɗe nani, offo wapalket gəleɗe mogget neti.

Hose'a 9:7

Pay nawzəm sahã agapka, pay nampəlkiya agapka: Israyel dəsəna! Məskəleŋ akkpaŋgək mətemni, ɗəf məs əmpəs gərəŋgərəŋgə, vi heslepe nok dədayə gəm ərma mama nok adayka.

Amos 8:10

Wanəkkpeŋget wəzləreɗ nokum ka gəlabayɗe gəlyeŋɗe nokum tam ka wəhəma. Ɗiy pak waynaŋ gomboɗok ama gizeti, kiyit ɗiy baymet wasan məfaɗən, wanəɗi va pay əmta na karmalay. As pak wagrak wəsɓəta mbərayən diyɗa.

Əmsak aka Mahenziŋ 32:18

Kəzgə sləma aka Milɓe məs dəwuk ɓa. Kəzgətək ki Maŋgəlva məs dəpsuk zeŋgile!

Əmsak aka Mahenziŋ 6:12

asla zuko, vi kədazgət ki Yawe dəgilguk səka dələv na Eziptə səddəv gəla na balamə.

Mətawaŋwəna 10:6

Mə Israyelɗe azbanənək əɗɗa mbərayən a mahara Yawe. Azbetinik Ba'alɗe gəm Astereɗi gəm meŋgilveɗ na Aram, may meŋgilveɗ na Sidon, may meŋgilveɗ na Mo'ab, may meŋgilveɗ net kirtin Ammon, may meŋgilveɗ net mə Filistiɗe. Ndəɗaŋ mbagən Yawe, aɗɗaŋ sənən wəza ɓa.

Mətawaŋwəna 3:7

Mə Israyelɗe aɗɗaŋgək zəga mbərayən a mahara Yawe: azgətaŋgək ki Yawe Maŋgəlva neti, azbetinik Ba'alɗe dit Astereɗi.

1Samiyel 12:9

Yaŋ azgətaŋ ki Yawe Maŋgəlva neti. Yaŋ avil sən Sisera, daya net məzəlpaŋ na Hasor, sit mə Filistiɗe gəm sən Məlĩ na Mo'ab məs dəgayaŋ dənɗaŋgə.