Hose'a 14:9 - Bible en Guidar

⁹ Miy naw azet zəgeɗ dəgilyoŋ va meŋgilveɗ əmpa di Efrayim? In nəzlani, ətaɗən. In tat məndufu va wəleŋɗe lelewɗe, səzaw uwa nok adazzani.

Hose'a 14:9 ပူးပေါင်းရင်းမြစ်များ

Va'Atəŋ 18:25

Dəslə kəgəɗgən vas kəta ɓa! Əzan ɗəf təstəs də an dəraygəni? Ɗəf təstəs də an dəraygən pak məstaka sa? Dəsle sle'sa ɓa! Mətawwən naka dələv gboŋ dayday aɗɗa na də tive təstəs ɓa sa?»

Ɗerewel na Yob 17:9

Ya ɗəf təstəs dəziw aka tive nani, ɗəf məs van salala, dəsok zən azani!

Gəlyaɗe 107:43

Məsmaɗɗula dərme zəgeɗis pakə, gəm dəwelet wəzeɗe na moggon na Yawe.

Gəlyaɗe 119:128

Vini nədawla wəsəɓɗe nok pak təstəsə; nədawzelen tive na əwa wən pakə.

Gəlyaɗe 119:75

Nəsənka Yawe, wətawwən nok təstəsi yi, gesiŋ də tiven kəvoŋgən su kiywa.

Gəlyaɗe 84:5

Əzaɓ aket ɗiy nanokda: waɗiynən kiyko! Əziwe

Gəlyaɗe 84:7

Məzutoŋgoŋ də walaŋ na Baka (nawhəma), ndəɗaŋ əkkpaŋgan ka heret iŋkile, buwən na məndəvən əggbo' wəzaɓ akani.

Wənməkkpaŋga 10:29

Tive na Yawe na, təki nawɗam na ɗəf an təstəs yi, ya azet məɗɗaŋ mambray na, əzay yi.

Wənməkkpaŋga 16:21

Məsmaɗɗula adawyaŋ na məsən zəga; əpel an nenek dədaprəmgən ɗəf day.

Wənməkkpaŋga 4:18

Tive na ɗəf təstəs na, tay va əkeɗeɗe'e, məzukekeɓe' abe abe hã gap aza kapaya.

Isaya 1:28

Ya əzay viyit ɗiy məɓoŋti gəm məs mambrayɗe, wəgrak net ɗiy en dəzganən Yawe yi.

Isaya 17:8

Awəl na dəket matuyaɗe məs arkə ɓa, gəm awəl na aza an agəɗ də van ɓa, anet tuyeŋge Astereɗi gəm təki nawzla tursan.

Isaya 26:7

Tive na ɗəf təstəs na, sararay yi; kəziyanək tive na ɗəf təstəs sarara.

Yeremiya 29:12

Wakəyəwəni, wakəzzoŋ əkkamawa, wanəprəmkum.

Yeremiya 9:12

Yawe amna: Vi azganənək mahenziŋ məs nəɗi aveti, dəprəmnən maw ɓa, dədawaŋ va nənah sit ɓa.

Ezekiyel 11:18

Adak adazzoŋgu, wazetin meŋgilveɗ meɓɓet pak dit zəgeɗ naɗɗa net daryawɗe pakə.

Ezekiyel 18:25

Yaŋ kəɓɗaŋ na: Əɗɗa na Daya də tiveni ɓa! Kamə məprəma ɗiy na Israyel: Əɗɗa nawi də tiveni ɓa sa? Məza ədaw nokumi də tiveni dərəŋ ɓa ɓa sa?

Ezekiyel 36:25

Wanəggbo' iŋkile salala akokum, wakəssoŋ məbburkum səza heslepe nokum pakə; wanəbburkum səzet zəgeɗmeŋgiveɗ nokum pakə.

Daniyel 12:10

Ɗiy diyɗa na kabburti, kakkpeŋgeti salala, gəm kappayni heslepe sezeti. Ɗiy mbəreyit wazbanən əɗɗa mbərayən, ɗəf mbərayən pak zəga tay adaprəm ɓa, ya məs əsən aket na, net waprəmən an dədawtoŋgo.

Sefanya 3:5

Yawe təstəsi yi addəv walaŋgəla-metiŋ vani, aɗɗa mbərayən ɓa. Va təki addaŋ pak tay ətawwən nani, aggbi' ɓa. Də as pak məsdaraw dəsən wil ɓa.

Zakarya 10:6

Wanəɓɓəlet ɗiy na Yuda, wanəkõhgən gəla na Yosef. Wanəzi də gəla, vi wanula sasẽhti, wassoŋ va nəzget ɗah ɓa, vi Yawe Maŋgəlva net nani, wanəzlan a meti.

Matiye 11:19

Wətən Ɗəf adeke tay əzəma tay əsa, tay ənahaŋ na: Ɗəf məs golvoŋ yaŋka, məsə mbazla, baynet məkkalaŋ nzalaka gəm məɗɗaŋ mambraya. Ya maɗula arbək təstəs dit wəzeɗe nani.

Luka 2:34

Simeyoŋ aɗɗak əzaɓ eketi, aɓsət Miryam man na: wiynəŋ tay ahəŋ vi əzbəra awaniɓa əsilye net ɗiy diyɗa a Israyel, gəm va zəga nawsilgin əŋzlama.

Luka 7:23

Əzaɓ aka ɗəf an məs nəsaw sən ka zəga nazbərgən ɓa.

Yohanna 15:24

Va nəgəɗ wəza a walaŋgit məs ɗəf dəgəɗ ɗah ɓa ɓa, kəta tahəŋ də mambray ɓa. Ya kakaŋ na awleninke, də as pak azelmənək ina də Əbba.

Yohanna 18:37

Pilat aɓsən kan na: Məlĩ kənan sa? Yesu azlan na: Istə kənah na məlĩ nani. Məwəwi, nəde aka dəlvəŋka, vi kawpel aka gegesiŋgi. Ɗəf na gegesiŋ pak aprəm wəlawa.

Yohanna 8:47

Ɗəf dəde səza Maŋgəlva waprəm əpel na Maŋgəlva. Sən aski nokum kaprəmnən ɓa, vi kəzzoŋ səza Maŋgəlva ɓa.

Yohanna 9:39

Yaŋ Yesu amna: Nəde aka dəlvəŋ na, vi kawtawwəni, vi məs awlaŋ ɓa dulaŋgəni, məzulaŋ tam dətipeŋgini.

Wəza net Masləŋɗe 13:10

Aɓsən na: Is məknahuk də əmaka, gəm də vurum, wətən Satan! Məzuzel na təstəs pakə, kəppan na əslokoron tive sarra na Daya ɓa sa?

Roma 7:12

Gegesiŋ, mahenziŋ salalay yi, mahenziŋɗe salalaŋgə, təstəsəŋ gəm moggeti.

Əmsak aka Mahenziŋ 32:4

Nan, Milɓe yi, tay dəray aza wəza nan ɓa, tive nan təstəs-gəraki yi, Maŋgəlva məs addəɗ ɓa yi, vurum tay azan ɓa, təstəsi, sarray yi.

Hənhən 15:3

Tahəŋ wəyaŋ gəlya na Moyis məgəɗ wəza na Maŋgəlva, gəm gəlya nat ndargayãkə na Maŋgəlva, ənahaŋ na: Wəzeɗe nok gugriɗəŋ, nawsimiŋgə, Daya məlĩ Maŋgəlva. Tiveɗ nok təstəsəŋ gəm gegesiŋgəŋ, Məlĩ net ɗiy-ɗarə.