Hose'a 14:4 - Bible en Guidar

⁴ Asiri aɓap na kawkõhgəm ɓa, məpeŋ na aka pələs ɓa gəm wamənah əmpa na “Maŋgəlva namə” sən an məgəɗ də vam ɓa, vi azoki mitiwe adawrəh ula sasãh kaka'ə!»

Hose'a 14:4 ပူးပေါင်းရင်းမြစ်များ

Gəlyaɗe 10:14

Kulaka, is məzula tatwãh də wəzəmsahã na məssahã, kawgəm wən nan avoko. Avok ɗəf məddakən adappan zəni, istə kədabbah sən mitiwe.

Gəlyaɗe 20:8

Meɓɓet aket mawteɗ nawgay appanən ziti, meɓɓet tamə, aket pilseŋge, ya nam na, aka iya na Yawe Maŋgəlva nami: anan mədawya.

Gəlyaɗe 78:38

Adan nan muwəl sasãhĩ yi, tay əvvuyon heslepe neti, awzet ɓa. Pay pak tay ərma makrani, awsilgin herɗe nan ɓa,

Əgilye 15:26

Amna: «An kəprəmək ma Yawe, Maŋgəlva nok moggoni, an kaɗɗa zəga təstəs ama harani, an is tat əpak sləmok ammba əpel na ənziya, an is tat ərma wən an aynə pakə, gbəgba nəki aket mə Eziptiɗiŋ ade na akok ɓa, vi intə Yawe nawmbəlguko.»

Isaya 12:1

Pay dəpaska wakənah na: wanəgagdoko Yawe; vi kədəkgədəv akawa yas kəppan ədagədəv noko, kəsɓawa.

Isaya 55:1

Mənokum, məs meme adawdaŋgə, mide a met iŋkile, ɗəf məs dala tay avan ɓa zlaŋgə! Mide məlbahə, məzəmə! Mide məlbah na mekeleŋ, məza əfaɗ aka mbazla na megezlembirke gəm moŋvo ɓa.

Isaya 57:18

Nəsənək wəza nani. Ya wanənzaɗa wanərban sən tive, wanəsokon makran ndəni gəm məzuhəmaŋ sap dəndəni.

Yeremiya 14:7

An heslepeɗe nam tahəŋ əkkpaŋ akamə Yawe abbah səm vi iya noko. Mərbə sukuk wil təl ɓaɓayə, məgəɗək mbərayən.

Yeremiya 17:14

Yawe anzaɗwa wanənzaɗə; akõhguwa, wanəkõhu, istə nədawgagdokoko.

Yeremiya 3:22

«Məmil azawa, kirin kiyɓəɓəlɗe, wanəmbəlgukum səka ma sula sula nokum!» «Mənam yakəŋkə, midek azoko, vi istə Yawe, Maŋgəlva namə.»

Yeremiya 31:20

Efrayim, wətu an na makrawi sa? Wətu an nəŋgəl dayi hara nəpelgən akan nəɗɗum əɗɗum akan əmpa sa? Vini makraw adaɗɗa birbir vini, ulasãh na, nulak sasãhni. Yawe aɗiymani.

Yeremiya 33:6

Wanənzaɗa, əmbilgit nədawmbəlgiti, wanəkolsit tive na zəzay metiŋgin nassa fedeŋgi.

Yeremiya 5:6

Vini ɓoolu siddivit wəleŋɗe asil aket op, kəramuyã sura aboŋgeti. Balgam adasivu walaŋgəleɗe gugriɗ neti kawbakani ɗəf an dəgil səddəvən pakə, vi əɓoŋ net diyɗa yi, əppan Maŋgəlva net anzlərka.

Yeremiya 8:22

Miha' nawɗan gəla əssa tay a Galad ɓa sa? Awaniɓa zloktor tay adak ɓa sa? Vimi huwwa net ɗiy naw anzaɗ ŋgbəlay ɓa di?

Ezekiyel 33:14

Ya an nənah sənək məsdaraw na: Əmta kədamta, yaŋ amil səza mambray nani, agəɗ an təstəs gəm an dəslə,

Ezekiyel 36:36

Ɗiy na guw dəkaraŋ kiykum wasənnən na intə Yawe, məs dərkan an məbzluwni, məs dəmpa an məptuni. In Yawe nəpeli, wanəɗɗa.

Hose'a 11:7

Ɗiy naw aktuhənək gəɓet dazbawa: iyeti, ɗəf tay dədawsilyen ɓa.

Hose'a 2:19

Wanəzargən iya net Ba'alɗe sə mata, kaɗɗumoni iya net əmpa ɓa.

Hose'a 6:1

«Mide, məmndamsəm aza Yawe, vi ndəni dəbakamə, ya wanzaɗmə, argəməka ya waynan səm huwweɗ namə.

Sefanya 3:17

Yawe Maŋgəlva nok tay addəvko gambara yi, məskə wəla yi. Zən neki yi aka wən noko, asanək ɓatɓat də zən ənneke.» Addəv əŋgla nani, tay ənneken zən aka wən nok də vaŋvəl na ənneke.

Əŋɗa 25:11

«Məsdələv Pinhas, wətən Ele'azar, wətən Aron, affetetik herɗe naw səket kirtin Israyel, adan arban kotorok a gəlaw aweleŋtiŋka. Vini, də herɗe aɗɗuwən pak na, nəzet kirtin Israyel ɓaŋka.

Əŋɗa 25:4

Yawe aɓsən Moyis na: «Arme ɗiy gugriɗe na weleŋgit ɗiy beymeti, alew aba Yawe heret sek aka paya; vi herɗe na Yawe dəffeteŋgən səka Israyel.»

Roma 3:24

Ya na mekeleŋgi akkpaŋgaŋ təstəs də mbəlembəle nani. Də Yesu Kristu məs dəbite.

Efesus 1:6

Ka məɗigən ki gagdak na mbəlembəle nan məs aknəhəm dəndən də Wətən an na makrani.

2Timote 1:9

Ndən məs dəkõhgəmə, dəyəm də iya salala məza aza wəza nam ɓa, ya aza an aynə gəm mbəlembəle nani. Mbəlembəle məs məpsəm addəv Kristu Yesu far na sete,

Titus 3:4

Ya səza moggon gəm əŋgla na Maŋgəlva Məkõhgəm arbə viyit ɗiyi,