Hose'a 14:3 - Bible en Guidar

³ Məmil aza Yawe, məgapgən sən əpeləŋka, mənah na: «Avviyon mbərayən pakə, ataf an moggoni; waməpsuk əpel na mam ka zəga nawzaɓ-Maŋgəlva a gəlet medgeɗgeɗe.

Hose'a 14:3 ပူးပေါင်းရင်းမြစ်များ

2Alabaraɗe Də Mabərkiziti 16:7

Aka pay dəpas na, məskəleŋ Hanani adek ərəh Asa məlĩ na Yuda, aɓsən na: «Kəbayək zuk aza məlĩ na Aram, kəbay zuk aza Yawe Maŋgəlva nok ɓa, ndəni dula na məlĩ na Aram akõh səvokuŋka.

Gəlyaɗe 10:14

Kulaka, is məzula tatwãh də wəzəmsahã na məssahã, kawgəm wən nan avoko. Avok ɗəf məddakən adappan zəni, istə kədabbah sən mitiwe.

Gəlyaɗe 146:3

Kəɗiynən kiykum aket ɗiy gugriɗ ɓa, may aka ɗəf titir məs əkõh tay avan ɓaŋ ɓa.

Gəlyaɗe 146:9

Yawe tay əge molhõyẽɗi, tay əbbah sən mitiwe dət gagəbaya, tay əslokoron tive net məsdarawɗe.

Gəlyaɗe 33:17

Aza əska wəla na, pələs uwawəni ɗarə, də kəkərtəh nan pak awkõhgən ɗəf ɓa.

Gəlyaɗe 68:5

Miyə sən gəlya sən Maŋgəlva, məlvan iya nani; məkol tive sən məs dəsan kərəkka aka slaybuwna. Iya nan na: Yawe; mənneken zukum abani.

Isaya 1:29

Vi wil wadukuməni mənokum məŋglaŋ əgegdeketin məŋgilveɗ ammbet wəleŋɗe na matuya, wil wadukuməni mənokum məŋglaŋ əgegdeketin məŋgilveɗ addivit wəleŋɗe rəɓə.

Isaya 2:20

Pay nani, ɗiy wazgetin meŋgilveɗ ɗar məs azaɓan na təbəz babara gəm na meleŋge vi kappu abet nak sit maŋɗaŋɗe gəm sit dabargeɗi.

Isaya 27:9

Vi vaski mambray na Yakob arah əvvuyo, pay məvvuyon sən mambray nani: kawpuhti gərmeŋɗe na matuya pak va gərmeŋɗe na ɗama, kakrapni Astera gəm təki nawzla tursan.

Isaya 30:16

Yaŋ kənahaŋ na: vaski ɓa dit pilseŋge mədazzamə. Ndəni kədanzoŋgu. Pilseŋge nam tahəŋ də kakara azeti. Ya məzərɓohkumən wassoŋ kakara day kikum!

Isaya 30:2

Ndəɗaŋ məpurkoŋ a Eziptə, məza əttokon maw ɓa, vi kawɗam ara Farawən, gəm kawsor ara zeŋgile na Eziptə.

Isaya 31:1

Əray aket ɗiy en məzəddoŋ a Eziptə ammba əbbaha! Tay əɗɗumoŋ aket pilseŋge, aɗiyənək maɗɗulet aket mawteɗ net pilseŋge, vi assoŋ diyɗa, gəm aket məpeŋgeŋ pilseŋge vi tahəŋ də gbogboŋ diyɗa. Awlaŋ aza Maŋgəlva Salala na Israyel ɓa, awkayanən Yawe ɓa.

Isaya 31:3

Mə Eziptiɗ na ɗiyəŋgə, meŋgilveɗiŋgə ɓa; pilseŋge net pilseŋgeŋgə, tahəŋ də əpsa day ki an məsərək ɓa. Daya əppar van kaka na: məzutər waskotu, ɗəf məs adawtər tamə, wazbərə, sulegit pak wagrakaŋgə.

Isaya 36:8

Ya kakaŋ na arəm makra də daya nok məlĩ na Asiri kana, wanəpsuk pilseŋge gabal sula, an wakərah ɗiy nawpeŋ aketi.

Yeremiya 49:11

Appet mitiweɗ noko wanəsgile, gil net gəbayɗe nok waɗiyən əɗɗum net akawa.

Ezekiyel 36:25

Wanəggbo' iŋkile salala akokum, wakəssoŋ məbburkum səza heslepe nokum pakə; wanəbburkum səzet zəgeɗmeŋgiveɗ nokum pakə.

Ezekiyel 37:23

Arnokonən na zit dit zəgeɗmeŋgilveɗ net əmpa ɓa, də zəga daryaw net ɓa, may də əɓoŋ net ɓa; wanəkõhgit sə təki assoŋ də gəla, təki aɗɗaŋ mambray adakəŋka. Wanəbbure, wassoŋ ɗiy nawa, wanəsaw Maŋgəlva neti.

Hose'a 12:1

Ɗiy na Efrayim azzəŋgaŋgək kiyu dit tepelkeɗi, mə Israyelɗe tam də uwawəna. Yuda nan tay ədaw də Maŋgəlva tagay, tay ɗew ndərəsl də Salala.

Hose'a 13:2

Yaŋ kakaŋ azbanənək əɗɗa mambray: aɗɗaŋgək zeŋgile zəga məhəsən na təbəz babar net də wəsən net nawzaɓ-Maŋgəlva! As pak wəza na məzaɓ-zəga yi. Aka wən net adawnahaŋ na: «Mətawaŋ wəla ɗəfa, məllamaŋ kirit wasliɗe kafyoketi.»

Hose'a 14:8

En dəssoŋ də gəla ara zeŋgilen wamndoŋgu, wenseŋ haykəmari, waffiyoŋ va megezlembirke, sləmet wagil va mbazla na Liban.

Hose'a 2:17

Sədak nədamndagan sət guli na megezlembirke nata, walaŋ na Akor wakkpaŋ maddamba na zəga tədaɗɗum nawrəha, watəyə gəlya adak va aka pay na gore nata, va aka pay an təpeŋ əgilyet sə Eziptə.

Hose'a 4:12

Ɗiy naw tahəŋ əssohõnən ma wəlaŋga neti, ya kivan məzuboton siti. Vi əɗɗum na polkoyo azetike. Də əɗɗa polkoyo agohoŋ səza Maŋgəlva neti.

Hose'a 5:13

Efrayim awlak gbəgba' nani, Yuda tam yoro nani; Efrayim alək kəla Asiri, aslənik metiveɗ aza məlĩ metiŋgini, ya nan aɓap na əkõhgukum ɓa hara, anzaɗ sukum na yoro nokum ɓa.

Hose'a 7:11

Efrayim tay va bəŋga na wandala tiɓiɓɓe maɗɗulan tay ɓa: Eziptə ayaŋgə, yaŋ addoŋ aza Asiri.

Hose'a 8:6

Sə Israyel məkini, ɗəfi dəzaɓa, Maŋgəlva yi ɓa; ha'aw wət wasliy na Samari petepete adakrapa.

Hose'a 8:9

Vi net apeŋgeŋgik a Asiri, assoŋ na kiyit va koro nawra, Efrayim albahək beyneŋgiɗni.

Yonas 2:10

Ya naw na, wanəfet akok dəlvok də gəlya, wanəzaɓ suk Maŋgəlva, Wanəɗɗa an maw aynə nagəɗ suko. Əkõh ava Yawe yi.

Zakarya 13:2

«Yawe Məzuɓappak aɗiyman na, wanəzan iya net zəgeɗmeŋgilveɗ səka dəlva; kaɗɗumeti əmpa ɓa. Wanəzet məskəleŋɗe pak də maɗɗulet mərnokənəŋ səka dəlva.

Yohanna 14:18

Nəppokum na mitiweɗ ɓa, wanəde azokum.

Əmsak aka Mahenziŋ 17:16

Məlĩ nok van adawsan dit pilseŋge gidigidi ɓa, may adawslən ɗiy a Eziptə vi kalbəh pilseŋge diyɗa, adan Yawe anah sukumək na: «Kədamndoŋ dəka tiveŋ əmpa ɓa!»