Hose'a 13:9 - Bible en Guidar

⁹ Azokko Israyel; vi kəsil akaw in məzutər noko.

Hose'a 13:9 ပူးပေါင်းရင်းမြစ်များ

2Alabaraɗe Də Mabərkiziti 28:23

Yaŋ azaɓ-Maŋgəlva sit meŋgilveɗ na Damas məs dəskanən wəlan neki, amna: «Adan meŋgilveɗ net milyeŋge na Aram tahəŋ əbbah sit na, sit anet nədawzaɓ-Maŋgəlva vi dəbbahaŋ suwəngəni.» Assoŋguk ka zəga nazbərgen ndən də Israyel baymani.

Gəlyaɗe 146:5

Əzaɓ aza ɗəf məs Maŋgəlva na Yakob asan məzəbbah nani, məs dədawgan səva Yawe Maŋgəlva nani!

Gəlyaɗe 33:20

Səva Yawe mədawgani: Ndəni məzəbbah namə gəm baray namə!

Gəlyaɗe 46:1

Seza daya net məyaŋgəlya; gəlya net kirtin Kore akat waŋ nadda ammba zile.

Wənməkkpaŋga 6:32

Ɗəf an dəku a gizbe pak mətemni yi, kizən adawzan də əɗɗa vaska.

Wənməkkpaŋga 8:36

Ɗəf dəgəɗ su mambray hara na, mbərayən adaɗɗa aka zəni, məs dəzelwən pak na, əmta adaŋlaŋgə.

Isaya 3:11

Aw əray vi məsdaraw! Warah tatwãha; warah ammba vani.

Isaya 3:9

Əkəw net tay ərba wən aketi. Tahəŋ ərbanən mambray net va ɗiy na Sodom aɗɗaŋgə dəɗamanən ɓa. Aw əraya, məɗɗaŋ əray ka kiyti.

Yeremiya 2:17

As van arəhuk na vi kəzgan Yawe Maŋgəlva noko, gala adakuk tive tive yi ɓa sa?

Yeremiya 2:19

Mambray nok dəzga suko, kəta əppan Maŋgəlva dəkisuk əzga'a! Vasna asəna kulagən na wəzgan Yawe Maŋgəlva nok gəm wəgeslne sən tay ɓa na, wən nan təraŋhi, mbərayni, Yawe Maŋgəlva Məzuɓappak aɗiymani.

Yeremiya 4:18

Wədaw noko gəm wəza nok dəkinən zəgas pak akoko, əray dəde akoko gesiŋ is tat əttəman tatwãha, gesiŋ tay ətoŋ suk təɗək hã a mokroko.

Yeremiya 5:25

Heslepeɗe nokum dədazlzleɓetin zəgeɗiski, mambrayɗe nokum atakənək moggon ɓa' səzokum.

Hose'a 13:4

Intə, Yawe Maŋgəlva nok far səka dələv na Eziptə, Maŋgəlva tay kədawsən abbəru ɓa, məzukõh mbərən tay an intə ɓa ɓa,

Hose'a 14:1

Samari araygənəka, vi aɓoŋguk aka Maŋgəlva nani: kawbeyti ɗiy nan də masalam, kaŋkinti kirtin na met bide, gil nan də daweyɗe kawbekti.

Hose'a 7:14

Səddəv kpukpum na mekret adakkamawən ɓa, an tay əɓuhun met aka zəga nawvoŋ neti, may əntarnən ziti aka wən na haykəmari gəm mbazla na meketepe gəɓet adaktuhoŋ vas səzawa.

Hose'a 7:15

Naw nəyegetike, nəsɓanək veti, ya tahəŋ əɗɗumoŋ mbərayən akawa.

Malakiya 1:12

Nokum dərəŋ na, mənokum tat əraygən də wənah na: «Tabəl na Yawe na mərnokni. Way nakan na zəga ɗari.»

Malakiya 1:13

Ya mənokum wənah na: «Mula, əyan ɗəf miyi aŋ di» mənokum wəppan də wəzeleni, Yawe Məzuɓappak anahə. Mənokum wəkiyan zəga mamayã məhãlən awaniɓa vədal, awaniɓa məsgbəgba'a, mənokum əɗɗa əvəl dəndən. Yawe amna wanətaf səvokum sa?

Malakiya 1:9

Ya kakaŋ na, kamə məzzayan makra Maŋgəlva, wawəlsahã akamə! As van səvokum adazzani. Yawe Məzuɓappak amnah, watafkum də zən nek sa?

Əmsak aka Mahenziŋ 33:26

Yesurun, ɗəf tay va Maŋgəlva nok ɓa, tay əpeŋ aka mawta na pələs a disiŋ tay ətaw slaybuwən kazza əbbah suko.

Əmsak aka Mahenziŋ 33:29

Mə Ibriɗe istə Israyel! Naway dəslə də mənokum, məs Yawe atərkuməŋ di? Baray nawturki yi, masalam na gbogboŋ noki yi. Məzuzelɗe nok warakokəni, ya wakəndapeti.