Hose'a 13:2 - Bible en Guidar

² Yaŋ kakaŋ azbanənək əɗɗa mambray: aɗɗaŋgək zeŋgile zəga məhəsən na təbəz babar net də wəsən net nawzaɓ-Maŋgəlva! As pak wəza na məzaɓ-zəga yi. Aka wən net adawnahaŋ na: «Mətawaŋ wəla ɗəfa, məllamaŋ kirit wasliɗe kafyoketi.»

Hose'a 13:2 ပူးပေါင်းရင်းမြစ်များ

1Milyeŋge 19:18

nəpələk ɗiy a Israyel gabal buhul məs agagdakanən Ba'al ɓa, məza dəfyokonən ɓa.»

2Alabaraɗe Də Mabərkiziti 28:13

aɓsitin na: «kəkinin belemɗes ahəŋ ɓa, wasan səm ka heslepe aba Yawe. Mokum aka ənzlərgit səm mambrayɗe nam dit heslepeɗe namə, yaŋ van kpak heslepe nam gədaki səkay, ədagədəv nan tay aka Israyel.»

2Alabaraɗe Də Mabərkiziti 33:23

Ya dəɓe'gən kiyən aba Yawe va na Manase afən aɓe'gən ɓa; na Ammon nan mambrayɗe awet akan dərŋgə.

Gəlyaɗe 2:12

məɗi ki muzliya; vas ɓa wadəgədəva, wakəzaŋ aka tive, sən wən siɗikke wadə gədəva! Ənnek azet ɗiy en dəɗamaŋ azani.

Isaya 1:5

Kargukum aza mi əmpa mənokum məzban əɓoŋgəŋ di? Ki ɗəf pak tay dit huweɗi, makra ɗəf pak addakka.

Isaya 30:1

Yawe aɗiyman na: əray aket kirin məɓoŋti! Minaŋ wən məza dəde səzaw ɓa; minaŋ wənmiyna, məs tay addəv əɗɗum naw ɓa vi kakkalan mambray aka mambraya.

Isaya 44:11

Awle, ɗiy məzəzbanən pak wil wadenini. Məzuzeɓin, sə weleŋgit ɗiyəŋgə. Dəkkalaŋ beymeti, dəziweŋgi: gəslne warme sap net pak wil wadenini.

Isaya 45:20

Məkkalə, mide, məzar aŋ baymokumu, munokum ɗiy məs dəndəwəɗaŋ naket dəlveŋge. Ɗiy məzuslanən zəgakamaŋgəlva net na wəlaŋga məzəkkamanən maŋgəlva məs akõhgit na ɓa, neti zəga tay asənaŋ ɓa.

Isaya 46:6

Ɗiy wakolnən ma gabal neti. Kawsla təbəz babar gəm meleŋge, tay əgəmaŋ məŋzla dəbay sitgin maŋgəlva məs adawgadakanəni gəm adappu'oŋ sənəni.

Isaya 46:8

Məɗɗum akani, məziw ɓəlɓələ, məzaɓan sə mokrokum, mənokum məɓoŋkum.

Yeremiya 10:4

Kakkəɗ sən təbəz babar də meleŋge. Karman dit ponteɗe kakkpa'ən də ndəvəl vi adaɓla ɓa.

Yeremiya 10:8

Beymet pak maɗɗula tay aket ɓa mətemtiŋgə, mi adawyaganən səza tuya na wəlaŋga ɗar di?

Yeremiya 8:5

Vimi ɗiy na Yerusalem əŋ aɓoŋgoŋ dawsənwən aziweŋ ɓəlɓəl addəv uwawəna, ɓoŋgoŋ damilye azaw di?

Hose'a 10:1

Israyel guli moggon na megezlembirke, məzuwa kirtini. An kirtin awanən ziti, ndən uwet matuyaɗe; an dələv nan tay əzaɓa, ndən əbay gawla sit serekɗe.

Hose'a 10:5

Ɗiy na Samari tahəŋ gərəŋ aka wən nat wət wasliyək na Bet-Awen, vi ɗiy nat tahəŋ a gəlabay aka wən nani, məsdəlveŋge nan wakkereŋ aka wən na gagdak nata, vi gagdak nat azəka!

Hose'a 11:2

Addereŋgək səba məzuyeti: sit Ba'alɗe azaɓaŋ sitin maŋgəlva, sit zeŋgilet zəgeɗ azlaŋ sitin tursan.

Hose'a 11:6

Masalam wakəlvəɗ a walaŋgəleɗe gugriɗ nani, wazet məzuganəni, wazim aka an armaŋ a mekreti.

Hose'a 14:3

Məmil aza Yawe, məgapgən sən əpeləŋka, mənah na: «Avviyon mbərayən pakə, ataf an moggoni; waməpsuk əpel na mam ka zəga nawzaɓ-Maŋgəlva a gəlet medgeɗgeɗe.

Hose'a 2:8

Vini, nədamsan tive nat dit gedirgeɗi, wanəmpa mambara, tərəh na batamət əmpa ɓa.

Hose'a 4:17

Na Efrayim azbetik meŋgilveɗi: nan appani.

Hose'a 8:4

Aɗiyaŋgək milyeŋge məza wən nan səzaw ade ɓa, aɗiyaŋgək deyeɗe məza in əsənən ɓa. Avotoŋguk meŋgilveɗ net də təbəz babar gəm meleŋge neti, vi kawzan kiyti.

Hose'a 8:5

Məzgani wət wasliy noko, Samari! Asilginək ədagədəv naw aketi. Hã pay gbəŋgbar kan kədassoŋ məza heslepe ɓa di?

Hose'a 8:6

Sə Israyel məkini, ɗəfi dəzaɓa, Maŋgəlva yi ɓa; ha'aw wət wasliy na Samari petepete adakrapa.

Əŋɗa 32:14

Ya yaŋ na, gebbet ɗiy mbəreyti, mokum aka əzban tilit efiŋgiɗkum, kawsilgin ədagədəv na Yawe aka Israyel!

Roma 11:4

Mbar Maŋgəlva azlan sən di? Aɓsən na: Nəpələk ɗiy gabal buhul ammba ki zuwa məs duddukun takpret aba Ba'al ɓa.

Roma 2:5

Ya, də ki ɓəɓəl noko gəm mokrok məs awɗi marava ɓa, is tat əkkalan ədagədəv akoko, pay ədagədəva gəm ətawwən na Maŋgəlva də təstəs adarba,

2Timote 3:13

Ya ɗiy mbəreyti gəm muwaŋ wəna, wambataŋ ɓetteŋɗeŋ abe abe, wazetin ɗiyi, wazanən kiyti.

1Samiyel 10:1

Samiyel agəmək bəbər na mẽl aman aka kini, yaŋ arma slakatə, amna: «Yawe sən kiyən dəppay suk mẽl nawɗiyuk ka daya net ɗiy nan ɓa sa?